|
|||||||
|
|
15-08-2005, 08:37 PM
|
#1 | ||||||||
|
المنتدى هذا لنا سنين نرجيه=حلم وتحقّق في سما (النت) شفناه لاهانوا أعضائه ولاهان راعيه..=(هايف) عساه إيدوم ذكره وطرياه شيّد لنا صرحٍ إطوالٍ مبانيه=في قمة المجد إعتلى برج مبناه كل الدواسر بالغلا تجتمع فيه=إخوان والحاسد نخيّب نواياه قبيلةٍ مثل النجم في تعليّه=ترقى على متن السحاب وتعداه خطلان الأيدي عاسفين المعاتيه=لاكبرت القاله نهار المثاراه الدوسري كان إعتزابه ابناخيه=يسوق روحه وأحمر الموت ياطاه وهذي فعايلنا مع اللي نخاويه=لوهو بعيد الجد نحمي تلاياه لوقدمه اجيوش الدول مانخلّيه=ياننتصر وإياه ينموت وإياه والدوسري لاشاهد الضيف ناصيه=كنه مبشّر با الولد لا تباطاه تلقى الشحم والهيل والبنّ مرهيه=والعود الأزرق عالي الجو غطّاه والدوسري راسه فلاهوب حانيه=ألا لربه في صلاته مع إدعاه الدين الإسلامي نطبق مباديه=والرابح اللي صان دينه ودنياه أمدح ربوعي با القصيد وقوافيه=وباقي القبايل فعلهم ماجحدناه من يمدح إربوعه فلانيب شانيه=كلٍ يعدّد ماعرف عن دناياه والطيب ضلعٍ كايداتٍ مراقيه=راعيه يتعب لين ياصل علاياه وألا الردي ماهوب ياصل حروايه=من بارد إعزومه ومن ضعف مجناه والرجل ماينفعه جدّه ولا أبيه=إن كان ما أظهرته مكاسيب يمناه إن ماورد عذب المناهيل بيديه=راحت حياته هالكٍ وسط مضماه واليوم من فضل الكريم وحسانيه=عصر الجهل ولّى وقفّت مطاياه نعيش في نعمه وراحه وترفيه=ساد الأمن والذيب يرتع مع الشاه لكن يكدّر خاطري عقب صافيه=وضع العراق اللي طوته المعاناه الله ينصر من يجاهد في أراضيه=والله يهلك بوش واللي تولاه الشاعر الكبير برق الجنوب
أولاً نقول مرحبا والله ومسهلا إبن عمٍ غالي وراعي محل ولاأنت بضيف والمنتدى اليوم وأهله لاتسعهم الفرحه بقدومك ياطير شلوى ونقول مرحباً بك من حيث سرت إلين جيت والله يحييك تحية الأسلام وثانياً مصافحه أكبر من التعليق والوصف وتسعد المحب وتصفع المبغض وشعور نبيل تجاه بني عمك اللي علومهم ترفع الراس في كل الميادين وثالثاً صح الله لسانك مليون × مليون ولايكفون ياذيبان ورابعاً مشاركتك سوف تجبرنا على تتبع قصائدك وأنا إعتبرني أول واحد سوف يتابعك وسجل إسمي في قائمة المعجبين بشعرك الراقي لاهنت وبيض الله وجهك ياكحيلان تقبل الود والتقدير والشكر والعرفان وأكد المتابعه محب الجميع : دغش بن بطي
|
||||||||
|
|
|
|
17-08-2005, 06:52 PM
|
#2 | |||||||||
|
اقتباس:
البقا ياأبوبطي هل تعرف ماأجمل شيء يمر بالشاعر في مشواره؟؟!!! هو أن يتلقى شهادة إعجاب من شاعر أكبر منه وهو معجب بشعره.... وهذا هو الشعور الذي سيطر علي لحظة قراءة ماخطته أناملك من كريم العبارات التي غمرتني بها......... أنت ياأبوبطي سر من أسرار نجاحات المنتدى المتواصلة بنشاطك الدؤؤب هنا وهناك فلاعدمناك شاعراً وكاتباً لامعاً.......... أخوك برق الجنوب............
|
|||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| نـصـيـحـه اتركو هذا المنتدى | مبارك بن شافي النتيفات | :: قسم المـواضيع الـعامــة :: | 26 | 10-11-2010 07:56 PM |
| كيف نجعل من هذا المنتدى الافضل؟! | سالم الخضراني | :: قسم المـواضيع الـعامــة :: | 10 | 04-10-2010 01:07 PM |
| اسباب ترك المنتدى نهائيا" | عبدالله الحافر الغييثي | :: قسم المـواضيع الـعامــة :: | 22 | 03-09-2010 03:22 AM |
| وكيل محافظة وادي الدواسر يدشن مهرجان المنتدى الرابع ،، بالصور | حنيان الدوسري | :: قسم المـواضيع الـعامــة :: | 5 | 02-09-2010 12:53 PM |
| عذراًً سيتم إغلاق المنتدى للأبد !!! | سالم الخضراني | :: قسم المـواضيع الـعامــة :: | 8 | 02-09-2010 06:22 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 11:11 PM
