|
|||||||
|
|
22-03-2009, 02:42 AM
|
#1 | ||||||
|
رد: ،،،،،،،بستان الشعر،،،،،
ياخاطري مايفيد الضيق والحسره= والحزن قتال لاهبت اعاصيره
لا تحسب اللي جرا لي في الهوى كسره= الغصن عايش لو طارت عصافيره ياصاحبي من سوايا القلب لاتشره = القلب باقي على ذكرى مسايره من قسوة البرد عندي للدفا جمره=جمرة غضى تشتعل بالهم والحيره احيان اشوف الخفوق يحب مايكره =واجيب لأجله عذر واقبل معاذيره واحيان اشوف الجفا يطغى على صبره=يهز عرش الضلوع ومالقى ديره ياويل قلبي بترحل كمل السهره =ماراح نلقى من الاحزان تاشيره
|
||||||
|
|
|
|
22-03-2009, 02:55 AM
|
#2 | ||||||
|
رد: ،،،،،،،بستان الشعر،،،،،
اهـــــــــــداء لـــــمــــن تــــلــــهـــث وراء ســــراب
لاترخصين النفس يابنت تكفين =بعض البشر ما يستحق الموده
يلعب على كل العذارى بحبلين =وللدرك الاسفل يا العزيزه مرده يجهل أصول العرف والشرع والدين =ضد المبادىء والتقاليد ضده متمرس في مهنته قد له سنين =يشدكم له والطواري تشده مصيونه عنه جميع الفناجيل= تنشل يمنا بالمجالس تمده لا تامنين اللي مواريه وجهين =جعل الليالي السود عنك تلده النيه القشراء لها الف تخمين= وبعض النوايا المشكله ما تسده وده يحقق رغبته بالملايين =وكوني على صد الخطر مستعده ياغاليه ضرب الهواء للمساكين= والمصلحه بأمر الهواء يبل المخده كل العصور السالفه والمحبين =راحو معا مراح جدك وجده لا تخلطين الماء يابنت بالطين =الفرق واضح بين عدك وعده انتي الذهب يابنت بالعسر واللين =والله يعين اللي غدا فيه مده
آخر تعديل غلا نجد يوم 22-03-2009 في
02:57 AM.
|
||||||
|
|
|
|
22-03-2009, 03:26 AM
|
#3 | ||||||
|
رد: ،،،،،،،بستان الشعر،،،،،
أرجوك بعض المشاعر لاتهزهزهـا=ترى المشاعر تألم عنـد راعيهـا
وترى النفوس العزاز الها حواجزها=وحواجز النفس سترٍ من خوافيهـا لا تقول لك كلمةٍ تحسبك تحرزهـا=وتطيح لاقمت منها منـت قاويهـا وان قلت لك كلمةٍ حـاول تركزهـا=ولا ترى الصمت خيرٍ من حكاويها ودعواك لاصار ما تقـدر تنجزهـا=ازبن على واحدٍ ساعـه وينهيهـا ولا تجـود علـى صبـرٍ يعجزهـا=وتجيك في وسط بيتك مـا تناديهـا وكم واحدٍ حاجتها بالصدر يكنزهـا=من قل من يستمعله يـوم يبديهـا يخشى من اللي يهمزهـا يلمزهـا=يضحك بعض ناس لاكن ناس يبكيها وشكواك لابن الردي حذرٍ تعنزهـا=يفضحك وتروح فيها وانت كاميهـا وعليك تكبـر ولا تقـدر تميزهـا=وتضيع في طوشةٍ تبلـش بتاليهـا والسالفـه يقـدر الواحـد يلفزهـا=ويقدر على ناس من شكله يمشيها ولاتشغلك حرمةٍ منـت متجوزهـا=تطرد وراها وغيرك يهتنـي فيهـا ولا يفرحك شوف الارنب لو تنقزها=مادام ما شفتهـا بالنـار شاويهـا ولاتحسب إن الذهب باية يدٍ يزهـا=ترى الذهب ما يغير لـون اياديهـا والنفس حاول بحد اقصى تعززهـا=نفسٍ بلا عزهـا مانـي مداريهـا والناس لاتقوم بعيونـك تخززهـا=احمد على العافيه واسلك مماشيهـا ومن طاوع النفس تشقيه بغرايزها=ومن طاوع العقل يسلم من بلاويها والمرجله ماتحـب اللـي يهاوزهـا=تبي لهـا واحـدٍ دايـم يحاضيهـا واللي عيونه مع الظلمـا يغمزهـا=ماحدٍ درى عن عيونه لـو يعنيهـا ونفيستك وانت فانـي لاتغزغزهـا=المقبره بأنتظارك وانـت ناسيهـا والناس دورات قادرهـا بعاجزهـا=ماخلق جنه ونـار وزعـوا فيهـا وناسٍ مع الله وناس ابليس ناغزها=سبحان من ظل ناس وناس هاديها ونـاسٍ تعلـت وعلتهـا مراكزهـا=وناسٍ تبي الطيب مير الطيب فاحيها وناسٍ تحفـز ومعـروفٍ تحفزهـا=وناسٍ تبي من يشيمهـا ويعطيهـا وناسٍ تلعوز وتسلم مـن تلعوزهـا=وناسٍ مع اللعوزه تبطـي لياليهـا وناسٍ تبي نبز ناس وناس تنبزهـا=نابز ومنبوز لين المـوت يفنيهـا وناسٍ عجز رزقها يكمل عوايزهـا=لاهي فقـارا وهـي مالله مغنيهـا حتى العجايز تبـي نـاسٍ تهمزهـا=العافيـه والظنـا ماهـو مكفيـهـا وان قمت اعاند تفاكيري وابارزهـا=صارت حجاوي وانا ماني محجيهـا
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 09:45 AM
