لا شان وقتك والعنا داخلك حان
وضدك زمانك وأضهدنك اديونك
وهمك كثير وشب بالجوف بركان
ونصيت ربع ٍ هاقي ٍ ينفعونك
وخانتبك الهقوى وضايق وطفشان
وحملك ثقيل ولا تشيله امتونك
أرفع مقامك لا يجي فيه نقصان
شد الرحال وخل تقفي اضعونك
العز تاج ولا يقــَّدر بالأثمان
أبعد ديارك خلهم مايجونك
وأصبر على ضيمك وخلك بليهان
ربع الرخى بالضيق مايسندونك
لا تنحني بالراس لو كان ماكان
رافق شجاع ٍ لا عطيته عيونك
يفداك في ماله وربعه والاخوان
حطك عضيده مابه اخوان دونك
ادمحله الزله ولو كان غلطان
رجل ٍ ليا ضدك زمانك يعونك
صديق وافيلك على مر الازمان
يرفع مقامك في غيابك يصونك
يسوى هل النمه ومليون جابان
ربع ٍ على ظيم الزمن يضغطونك
نكارت المعروف للطيب جحدان
ياكثرهم في وقتنا يجحدونك
قصيده تكتب بماء الذهب صح السانك اخوي طلال القصيده تحكي واقع ملموس في هذا الزمن
14-05-2009, 03:10 PM
رد: ربع الرخا
العرض المتطور
