توك صغير

[معلومات العضو تركي هذال بن نيف]

المشاركة الأصلية كتبت بواسطة وقيان الصخابره

السلام عليكم ورحمة الله وبركاته

حبيت اشارك بهذه المتواضعه من باب التواصل آمل ان تنال استحسانكم

يابوك يافهود لو ترفع الصوت =ماظن غير ابوك بالقلب يوحيك
توك صغير وسبة ابكاك بسكوت=والناس ماتعطي عسى الرب يعطيك
لكن دام ابوك ماقفى به الموت =اطلب تدلل بين هذي وهذيك
وان كان مات ابوك مانته بمبخوت =اقرب قريبٍ لك بالاهوال يرميك
لوكان تبغى جبةٍ طولها فوت =ماحدٍ من العربان لد النظر فيك
مير ان دمع ابوك غرقبه الكوت =من حاجةٍ عنها تصك الشبابيك
درة بحر من دونها العقل مفلوت =ومن دونها مالك فلا عاد يغنيك
ماتدري ان العمبره داخل الحوت =من دونها نيبان ليثٍ مشاويك
فهود من شاف البرد داخل التوت =ومن شاف وجهٍ عن ضيا الشمس ينبيك
ومن شاف عينٍ وسطها سحر هاروت =من دونها راع الهوى للتهاليك
حكمتها حكمٍ وصنت بكبوت =والشمس مانعتاض في نورها اتريك
راحت بفكسارٍ يشوت الهوى شوت =رفارفه كنها الحصون المصاكيك
مثل اليتيم اللي فقد لقمة القوت =في موقفي ضاقت علي المساليك
سميها في معركة عين جالوت =يطمعبه اللي يحتزم بالبلاجيك
والظاهر اني عنك انا بارفع الصوت =عرفت فرق اللي حداني وحاديك

اخوي / وقيان الصخابره
صح السانك وسلمت بنانك

اسمحلي اقول الشايب امحق من الولد
لكن ارب رقم اللوحة معك والعنوان

تقبل مروري وتعليقي

تركي بن هذال بن نيف

 

 

 

 

[معلومات العضو وقيان الصخابره]

اخوي ناصر الفصام

ارحب تراحيب المطر ومرورك شرفني يالقرم

 

 

 

 

[معلومات العضو وقيان الصخابره]

اختي الشيخه

احياك الله واشكرك على حسن الإطرا ء

تقبلي تحياتي

 

 

 

 

[معلومات العضو وقيان الصخابره]

--------------------------------------------------------------------------------

اختي برنسيسه الرياض

اشكرك على مروري بقصيدتي

تقبلي تحياتي