بدار آل زايد جعلها للدّماري

**معلومات** **العضو** · 01-09-2009, 04:23 AM

بسم الله الرحمن الرحيم

قصيده لشاعر من قبيلة عتيبه ومنها هذا البيت يقول:

في مركز الوادي حصل لي غرابيل=بدار آل زايد جعلها للدّماري

وسمعها الشاعر ((مفرج بن ناصر بن جنبان المخاريم الدوسري ))ورد عليه قائلاً

هاض الخفوق وجبت زين التماثيل=بدع الفكر ماهيب سرق وعواري
يلفّها لف الرّشا بالمحاحيل=ويجيب صافيها ويكب الغثاري
بكار شعري سقتناها محاميل=يم الذي ابلا سبب سب داري
دارً حميناها على الهجن والخيل=من دونها بسيوفنا والسواري
الوضع يبغا ((يالعتيبي)) تحاليل=وقولك ترا ماهو صحيح البخاري
سبّيت ((وادي العز)) وادي المشاكيل=((وادي الدواسر)) محسنين الجواري
وادي الكرامه والوفا والحلاحيل=((دواسر))ٍ بافعالنا الكل داري
يشهد لنا التاريخ جيلٍ بعد جيل=وأمجادنا يقرا بها كل قاري
واحدودنا حامينها بالمصاقيل=نروي شباها لاعتلينا المهاري
ومن دون حسكات الوبر والمضاليل=سورٍ منيعٍ فيه ظل ومذاري
كبيرنا دايمٍ دليل الدواليل=وصغيرنا دايم على الطيب ضاري
والضيف لا جانا لقى البن والهيل=واكباش معها نابيات الفقاري
وخوينا مايشكي الهم و الميل=معنا يعيش معزز له وقاري
ونشيل حمله لا ثقل في القسى شيل=لامن جرا له من لياليه جاري
((الشمري)) يشهد بيومٍ كما الليل=موتره خرب وضاع فكره وحاري
فيوم حرب فيه ينخى المشاكيل=ثم حمّلوا موتره فوق اللّواري
وايضا الخوي يومه مع ((ابن المعيبيل))=طاح الخوي في البير وسط الصحاري
ثم انكسر معاد له حيله وحيل=ثم قام ينخى له بصوتٍ اجهاري
قال ((الحبيبي)) يا خوي همّك يزيل=ابشر بعزك ياالرفيق المباري
ذك الذلول ووصل الجلد توصيل=ثم طلعه قرمٍ بفعله امّاري
وجلس معه خوفٍ من القال والقيل=ستين يوم يعالجه لين ساري
ويشهد لنا جارٍ رمته المحابيل=سقنا دية الجار سبة جداري
ومانا ومزارعنا لمن جا مسابيل=عيبٍ علينا بيعها بالمصاري
أفعلنا تعرف ولا ننقص الكيل=والسوق به بايع وسايم وشاري
و أنته من ((عتيبه)) زحول الرجاجيل=أهل المكارم فالسنين العواري
لطامة العايل وذباحة الحيل=ويا نعم يا ((عتيبه)) ليا حل طاري
واللي يسب الناس هذا ((مهيبيل))=يالله عسا تقطع لسانه شباري
الطيّب نعزه ونغليه بالحيل=والّا الردي ماله معزه وكاري

وسلامت الجميع

**معلومات** **العضو** · 01-09-2009, 04:30 AM

لاهنت وبيض الله وجهك على النقل

وصح لسان الشاعر مفرج المخاريم

وجعل يمناه مايجيها العطب

**معلومات** **العضو** · 01-09-2009, 04:33 AM

لاهنت وبيض الله وجهك على النقل

وصح لسان الشاعر مفرج المخاريم

وجعل يمناه مايجيها العطب

**معلومات** **العضو** · 01-09-2009, 05:43 AM

شاكر لكم ع المرور الف شكر

**معلومات** **العضو** · 01-09-2009, 07:25 AM

الله يعطيك العافية يابو ريماس وصح لسان الشاعر مفرج المخاريم الدوسري ولا تحرمنا من جديدك يابو ريماس

**معلومات** **العضو** · 01-09-2009, 10:50 AM

لاهنت وبيض الله وجهك على النقل

وصح لسان الشاعر مفرج بن جنبان المخاريم

وجعل يمناه مايجيها العطب

**معلومات** **العضو** · 01-09-2009, 03:44 PM

صح لسان الشاعر

مفرج بن ناصر بن جنبان المخاريم الدوسري

رد وافــــــــــــــي

بيض الله وجه الشاعر و الناقل

لاهنت

**معلومات** **العضو** · 01-09-2009, 08:05 PM

مشكورين ع مروركم

**معلومات** **العضو** · 02-09-2009, 01:52 AM

لاهنت يابو ريماس وصح لسان الشاعر مفرج المخاريم وبيض الله وجه

**معلومات** **العضو** · 02-09-2009, 08:52 PM

مشكورين ع مروركم

**معلومات** **العضو** · 02-09-2009, 09:05 PM

لا هنت يابو ريماس على النقل

وصح لسان الشاعر مفرج المخاريم

تحياااااااااااتي لك

نايف ابن شميعان

**معلومات** **العضو** · 02-09-2009, 09:42 PM

مشكور ع مرورك

**معلومات** **العضو** · 03-09-2009, 05:23 AM

صح لسان مفرج المخاريم وبيض الله وجهه ولاهنت يبوريماس

على نقلها لنا وحقيقه أنكم يالمخاريم كفو حميتكم قول وفعل

**معلومات** **العضو** · 03-09-2009, 06:14 AM

صح لسان الشاعر/

مفرج بن ناصر بن جنبان المخاريم الدوسري

رد وافــــــــــــــي وعاقل وهذا الكلام الطيب ولا يستغرب منه ومن الرجال اللي شرواه ونعم في (((((((((لاد المنيعي))))))))) ونعم في عتيبه الهيلا ونقول انشاءالله ان العتيبي مجرد مداعبه مع احد زملايه من باب المزح

وبيض الله وجه الشاعر و الناقل

,,,,,,,,,,,,,,,,,,,,,,,,ودمتم,,,,,,,,,,,,,,,,,,

**معلومات** **العضو** · 04-09-2009, 12:45 AM

مشكورين ع مروركم تسلمون

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية