قصيدة في حفل زواج العماني(صوتيه)

[معلومات العضو ابوشجاع]

المشاركة الأصلية كتبت بواسطة دغش البطي

بسم الله الرحمن الرحيم
و السلام عليكم ورحمة الله وبركاته وبد
أعزائي منسوبي منتديات قبيلة الدواسر الكرام
هذه القصيدة تشرفت بإلقائها ليلة البارحة في حفل زواج الأخ سعد بن مبارك العماني شقيق هايف العماني وفي هذه الحفلة المباركة إلتقيت بعدد كبير من أعضاء وإدارة ومشرفين ومراقبين المنتدى وهو شرفٍ كبير بحد ذاته التعارف والألتقاء ببني عمنا اللذين شرفونا في هذه الحفله واللذين نكن لهم كل تقديرٍ ومحبه لاأطيل عليكم القصيده هي.

مبتدايـه بإسـم ربٍ علـى الأمـة رقيـب=ضامـن الأرزاق والنـاس يفهـم شؤونهـا
مظهرٍ يوسف عليـه السـلام مـن القليـب=ومنجيٍ موسى مـع البحـر مـن فرعونهـا
من بعد ذكر الولي بأبتـدي قولـي وآجيـب=وأذكر اللـي شاقنـي فـي جديـد لحونهـا
شاقني حفلة ربوعي هـل السـاس العريـب=حفلـةٍ يٌحسـب لهـا والرجـال يجوونـهـا
وآتقـدم بإسـم ربعـي مهدَيـت الصعـيـب=وآتكـلـم كلـمـةٍ كـلـكـم توحـونـهـا
مرحباً باللي لفى مـن بعيـد ومـن قريـب=عد ماهـل المطـر مـن صـدوق مزونهـا
في محل آل العمانـي هـل الفعـل العجيـب=خبـرةٍ تزهـى المراجـل وهـم يزهونـهـا
خبرةٍ لـو تفعـل الطيـب ماشـيءٍ غريـب=الشهامـه والشجاعـه هــدف لعيونـهـا
يكسبون المدح والجـود لـو إنـه صعيـب=والمراجـل لا إعتـلا سعرهـا يشرونـهـا
لابتي هـم محزمـي لاعـوى ذيـبٍ لذيـب=درعي الضافي سعـد عيـن مـن ينخونهـا
لابتي من ساس زايد وترجـع فـي صهيـب=والظفـر والطيـب والمجـد مـن قانونهـا
لابةٍ تكسـر شبـا الضـد وتعـز الصحيـب=لابـةٍ لامـن تـعـزوت يـجـن جنونـهـا
لاأعتزوْ في غيـاثٍ وثلَثـوْ سقـم الحريـب=لـو تشـب الـنـار قدَامـهـم ياطونـهـا
ينطحـون الحـرب لاولَعـت نـار ولهيـب=ويكسـرون القـوم وسيوفهـم يروونـهـا
في ذراهم يآمن الخايـف اللـي لـه طليـب=يرجهـن والنفـس عنـده تزيـل غبونهـا
وفي إحماهم ترتع الوضح في اليوم العصيـب=ترتـع وتآمـن بأمـآن اللـذي يحمونـهـا
والطرف والقفر لازان والـروض العشيـب=ينزلونـه لـو تشـب الحـرايـب دونـهـا
وإن غزوْ ماعـوَدوْ كـون بأمـات الحليـب=ذي تواليهـا مــع لابـتـي يرعوونـهـا
وإن غزاهـم طامـعٍ راح بالكـون العطيـب=كـم عقيـدٍ قصَـروْ هقوتِـه مـن دونهـا
ذا قليـلٍ مـن كثيـرٍ ويعـرفـه اللبـيـب=مآأقدر أحصـي فعـلِ ربعـي ولاتحصونهـا
والدواسر سلمهـم فـي المراجـل مايغيـب=في القصير وفي الخـوي والعـلا يرقونهـا
والـدواسـر لابــةٍ لاتــذل ولاتهـيـب=والمعالـي والفـخـر دايـمـاً يهوونـهـا
في ذراهم يرسخ الغرس بالغصـن الرطيـب=ماتهزهـز والـدواسـر حـمـاةٍ دونـهـا
ومن غزى صوب الدواسر لقى الذنب القطيب=والخـسـارة والتـعـب والعنى يجنوونـهـا
والنهايـه ياأبو هايف عسـى حظَـك يطيـب=بـارك الله فـي فرحكـم عسـى تهنوونهـا

وسلامتكم جميعاً

محب الجميع : دغش البطي

كتبت وابدعت اناملك فيما تخط

ياجعل يمناك مايجيها العطب

وصح الله السانك ياشاعر القمه

ويستاهلون ال العماني كل خير

والله يباركلهم فيما سعوا له

تحياتي لك--

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة ابوشجاع

كتبت وابدعت اناملك فيما تخط

ياجعل يمناك مايجيها العطب

وصح الله السانك ياشاعر القمه

ويستاهلون ال العماني كل خير

والله يباركلهم فيما سعوا له

تحياتي لك--

الشاعر الكبير أبو شجاع

مرحباً مدد ماتنحصي بالعدد

مرورك العاطر تكريمٍ لي لاعدمتك

وثنائك الوافر وسامٍ وشهادةٍ لي

لاهنت وجعل من أرثك في الجنه

وتسلم على المدح والأطراء

ألف ألف ألف شكر على التعقيب الجميل

لاهنت وبيض الله وجهك يالسنافي

تقبل الود والتقدير والشكر والعرفان

من محب الجميع : دغش البطي