من يكمل القصيدة

[معلومات العضو مسفر المصارير]

بسم الله الرحمن الرحيم

	الأخ : أبو السلاطين السلام عليكم ورحمة الله وبركاته ... طلبت قصيدة تركي بن حميد وأنت غالي وطلبك رخيص القصيده جبتها لك نا قصه حوالي 4 أبيات والقصيده طويله وهذا اللي قدرت عليه وأعذرني يا الغالي :

تلعب طرب وأنا بنومي هواجيس = ما ساهرك با الليل كثر الهمومي
اسهر ليا نامت عيون الهداريس = وبا الليل أسا هر سايرات النجومي
اوجس بقلبي مثل صلي المحاميس = والله يلوم اللي لحالي يلومي
اشوف عدلات الليالي معابيس = لاحدٍ من الدنيا عظامه سلومي
تضحك وتخفي لك خفي الهناديس = تفطر لنا يومٍ ويومٍ تصومي
اعمل وتلقى وأفهم العلم بالقيس = دنياك لو زانت تراها نقومي
قالوا جهلت وقلت جهلٍ بلا قيس = الجاهل اللي ما يعرف اليمومي
ملا يدوس الراي من قبل ما ديس = عليه داسوه العيال القرومي
وملا يقلط شفرة السيف والكيس = تبدي عليه من الليالي ثلومي
وملا خذا الدنيا بميزن وتقييس = مثل الذي يسبح ببحرٍ يعومي
البني ما يصلح على غير تاسيس = وملا تعلم ما تسر العلومي
والا توافق مشور السوء وابليس = في دار منهو عز ربي يدومي
كل القلم من كتبنا با القراطيس = وركابنا من كثر الأدلا جثومي
ولا خير في كثر الحكي والتماريس = وقولٍ بلا فعلٍ يجي به وهومي
والعز فوق معسكرات السواديس = أليا بسدات اللي با ألاشياء رحومي
قدمتنا زاد النشاما كراديس = والطير في روجاتهنه يحومي
با الليل أصالي حاميات المحاميس = والصبح أصالي كل قبٍ قحومي
أربع سنين ودمع عيني يماريس = والعين تسهر كن فيها هزومي
أليا ركبت معالجات المضاريس = يبرد على كبدي لهيب السمومي
صوابنا با الحيل عمقا ليا قيس = وطريحنا في مقبره ما يقومي
إن جن بنا مثل النعام الاماريس = لا خف عجلٍ مع رقاق الحزومي
استلحق اللي يطلبون النواميس = اللي من الأقصين وجن اللحومي
وإن جن با الميدان مثل الدواويس = وتعاقبن من فوقهن السهومي
عرجٍ بها الهنتن هن القرانيس = على الطريح مصوبراتٍ كظومي
ولومي على اللي ينقلون الدبابيس = ولا الفرنج وكل رامي لحومي
وشلفا تركب با العروق المناسيس = وتحصى المهار وكل قبٍ قحومي
وأليا أختلط عج الملابيس و ابليس = والمسعد اللي حظ ربعه يقومي
والشيخ من يعطي الفقار المفاريس = عساه بالدنيا بعزٍ يدومي
حرٍ أليا دبت عليه النواميس = يشهر وعن درب المذله يشومي
وصلاة ربي عد رمل الطعاميس = على شفيع الخلق يوم اللمومي

	وتقبل تحيات أخوك : أبو منيره