انا اشهد انّ الفقر راعي جمييييلة ؟؟

[معلومات العضو محمد بن سالم الخضراني]

انا اشهد انّ الفقر راعـي جميلـة,,,يكسر جناح (ن) ما لجبره صلاحـي كم من فقير(ن) راس ماله شليلـه,,,لو اغتنى ضيّـق وسيـع البراحـي يشيل حمل(ن) عجْز غيـره يشيلـه,,,وصدره وزى به كل سم (ن) ذحاحي يحقـر خلـق الله وكفّـه محيلـة,,,وش لون لو ريّش وجا له جناحـي الله يقطـع جورتـه واللهي لــه,,,والله لا يسّيـه بـايّـة نـواحـي الطبـع يغلـب والتطبّـع مخيلـة,,,ما غرّنا برق(ن) على الافق لاحـي والذيخ لا منْه التـوى راس ذيلـه,,,ما ينعدل مـا دام صوتـه نباحـي الزود نقص(ن) والتواضع فضيلـة,,,وما ينقل الزّومة بعيـد المشاحـي لا خير في مـال(ن) يعـوّد فشيلـة,,,ولا خير في كفّ(ن) بليّـا مناحـي المال فـي الدنيـا مجـرّد وسيلـه,,,والذِّكر ما يمحاه في الناس ماحـي وهرج الملا مثل السيوف الصقيلـة,,,هنيّ من هو من غثـاه استراحـي الله لا يغنـي النفـوس الثقيـلـة,,,والله لا يمـلا الكفـوف الشحاحـي انا اشهد ان الكبـر راس الرذيلـة,,,وانا اشهد ان الخلق باب الفلاحـي وانا اشهد ان الفقر راعـي جميلـة,,,يكسر جناح (ن) ما لجبره صلاحـي اخوي عبدالله صح لسانك ولاهنت على هذه الدرر التي لا تقدر بثمن لله درك من شاعر تقديري