يـابـحـرشـعـري لا تـزيـد حـمـولي

[معلومات العضو خيالية]

بسم الله الرحمن فاول شعري=والحمدلله في الخفا والقيل
يابحر شعري لاتزيد حمولي =وشلك براعي الذكر والتهليل
الله خلقني والصدق منطوقي=مااعرف كلام الزور والتظليل
البارحه جتني افكار واجد=من عالم التعديل والتهويل
وقت تغير وانقلب دولابه=امااني المجنون والاالجيل
حنا وداعين المعالي حنا=عدونا يموت قهر وويل

وقت المعارك ما نهوز اعدانا=ننصى الخطر كنه قناد الهيل

مانكسب الناقه وشبه الناقه=نفني المداين بالقنا والخيل
يشهد لنا الماضي ويشهد حاضر=والشعر ديوان العرب تعليل
عدونا يحسب احساب افعاله=والخبل والمعتوه خشمه ذيل
وان جاء الكرم حنا فطرنا نكرم=يوم الكرم ذ لحين قوة حيل
سعد الخوي لامن زهمنا عنده=انشيل حمله والرجال تشيل
وآخر كلامي باختصر موضوعي =فينا المعالي كلها كوكتيل
هذي مفاخرنا وكل شاهد=يمشي بها الساري صباح وليل
مانيب متعصب ولاني جاهل=حقايق مثل الجدي وسهيل

واليوم في الاسلام نهج ومله=دار حفظها محكم التنزيل
دارالموحدجعل قبره روضه=عله سحاب مردم بالسيل
دار حفظها الله وكل يدعي=يحفظ بلادي والنصرتهليل
في ظل حكام توالي ربي=الله يحفظهم من التبديل
بيبانهم ماسكرت للعالم=والهرج نختصره بلا تطويل
خيراتهم ماتنحصى باشعاري=واللي يبحك في الجحور يميل


صـــــــح لساااانك شاااعر ولك شاعريتك الراقيه

احـــتراامي وتقــــــــديري ..

 

 

 

 

[معلومات العضو طاري البعد]

صح لسااااانك


وبيض الله وجهك على هالجزله


وكفو والله ياولد ودعاااان