شيلة ما عاد يمديك .. كلمات ابن فطيس وأداء بحر الكلام العذب

[معلومات العضو محمد.الودعاني]

الله يجـازي مـن يسـوي سـواتـك=وبذنوب من سـوى سواتـك يجازيـك
مشيـت درب الثقـل وتحـب ذاتـك=مـا تـدري إنـه للمهالـك يـوديـك
غـرك جمالـك ياخسـاره حـلاتـك=ما تدري إن ما غيـر طبعـك يحليـك
بتقـول زيـنـك يشـفـع لسيـآتـك=الحسن ما هو عن وفا الحـب يعفيـك
لوالتواضـع والوفـا مـن سمـاتـك=بعت الحبايـب كلهـم ديـن وأشريـك
لكـن عجـزت أغيـرك يـا جراتـك=على الغياب اللي بـلا عـذر ينجيـك
خطاي في توضيح وش هـي غلاتـك=وخطاك في توضيح وش هـو تغليـك
وش لون توصينـي وتنسـا وصاتـك؟=وتصـد عـن صـوتٍ تقطّـع يناديـك
مـا فاتـك التجريـح والعـذر فاتـك=وتبغي الراي ألحين مـا عـاد يمديـك
صحيح أحبـك بـس هـذي جزاتـك=بعلـمـك درس يفـيـدك ويحيـيـك
تدري وش أبيض من خفوقك؟.. عباتك!=وتدري وش اللي غرني؟ نظرتي فيك!!
أدري بتستغـرب تصـبـر وجـاتـك=قصيـدة مـن واحـد كـان يبغـيـك
وتبغي تناظر وأنـت عايـش مماتـك=شف وحدتك والناس تجلـس حواليـك
وتبغي تشوف أشجع رجل في حياتـك=شفني وأنا مقفي على كثر مـا أغليـك


لاهنت على القصيده وصح لساانك ولساان الشاااعر والله يعطيك العافيه ولاتحرمناا من جديدك ومن ابدااع

احوك محمد الخماااسين