وقعة (الثليماء بالخرج) وحماية المخاريم للآل قنيبر العجمان ومقتل سلمان بن سعود

[معلومات العضو عبدالرحمن الشرافي]

((سلمان)) اللي في اللقا يذكرونـه=استلحقة ذيـب الخـلا ((شـلال))

بيض الله وجه شلال والله يرحمه

مايشكي الوجلا وحيف الحايف=من كان له لاد المنيعي عضود

كفوووووووووووو والله بلاد المنيعي


وطولة ابن عمي طولةٍ لي


اخوي الراويه الكبير/ أصمعي الدواسر


الله لا يهينك ويبيض وجهك على ذكر هذه السوالف اللي ترفع الراس


وسوالف بني عمي تعجز الكتب والدواويين عن ذكر البعض منها


واعيد مرةٍ اخرى واشكرك يالسنافي على هذه السالفه الجزلة



وتقبل فائق التحية والتقدير

اخوك / عبدالرحمن الشرافي

 

 

 

 

[معلومات العضو محمدباني المخاريم]

أخي العزيز أصمعي الدواسر الله يبيض وجهك ويطول عمرك على طرح هذه القصة المعروف التي لاتخفى على عموم قبائل الدواسر وكذلك آل العرجا ولا يستغرب على كل رجل شرواك الإهتمام في جمع مفاخر بني عمه.

ولكن عندي ملاحظة بسيطة أمل أن تقبلها بصدرٍ رحب وهي .
أنت ذكرت أن قائد المخاريم في هذه المعركة محمد بن قاعان آل مشهاب فهذ غير صحيح أنماهو الشيخ/ محمد بن جوير من فخذ القلوب من الضبان أما محمد بن قاعان فهو الذي قالوا المخاريم عندما عزموا على الهجوم على القوم يبقى عشرة رجال عند الإبل أول يبقى محمد بن قاعان لوحده فأمل من إدارة المنتدى تعديل الخطاء إلى الصواب هذا وتقبلوا تحياتي.

الشاعر/ محمد بن باني المخاريم

 

 

 

 

[معلومات العضو سيف2013]

كفو لاد منيعي
بيض الله وجهك اصمعي علئ ذكر فعل من فعول الدواسر
ونحمد الله علئ نعمة الامن والامان
كاتب محمد الغييثي

 

 

 

 

[معلومات العضو عايض المخاريم]

المشاركة الأصلية كتبت بواسطة محمدباني المخاريم

أخي العزيز أصمعي الدواسر الله يبيض وجهك ويطول عمرك على طرح هذه القصة المعروف التي لاتخفى على عموم قبائل الدواسر وكذلك آل العرجا ولا يستغرب على كل رجل شرواك الإهتمام في جمع مفاخر بني عمه.

ولكن عندي ملاحظة بسيطة أمل أن تقبلها بصدرٍ رحب وهي .
أنت ذكرت أن قائد المخاريم في هذه المعركة محمد بن قاعان آل مشهاب فهذ غير صحيح أنماهو الشيخ/ محمد بن جوير من فخذ القلوب من الضبان أما محمد بن قاعان فهو الذي قالوا المخاريم عندما عزموا على الهجوم على القوم يبقى عشرة رجال عند الإبل أول يبقى محمد بن قاعان لوحده فأمل من إدارة المنتدى تعديل الخطاء إلى الصواب هذا وتقبلوا تحياتي.

الشاعر/ محمد بن باني المخاريم

شكرا لاخي الشاعر ابو باني علي ملاحتظه والتي اعتقد بل اجزم ان ليس هناك اي خطا او مشكله ليتم تعديلها لحيث ان هذه ( الهيه ) وليست معركة بحجم الدوله ليس فيها أمير رسمي لاابن قاعان ولابن جوير لان الاثنين هم اكبر سنا وحكمة ودهاء وشجاعة من غير قصور في الباقين لان المخاريم ذاك اليوم كلهم رجل واحد فلامر عندهم والشور يلتف حولهم المخاريم فسواء كتب بن قاعان او بن جوير فطولتهم وحده وفخر القبيله في حاجة واحده هي حماية دخلاهم ال قنيبر العجمان وستبسالهم دونهم هذا الفخر وعز القبيله وتمنيت لو ان ملاحظتك علي غير ذالك وفقك الله تقبل ردي بصدر رحب وانا اجزم انك ماتخالفني بل انك سوف تؤيدني فكلهم توفوا ولم يبقي الاماخلدوه من فعل طيب لقبيلة المخاريم وهو انهم منعوا زبناهم الاماره ومالاماره كل امير وطيب لنفسه والفعل الطيب يعم القبيله وانت راعي الفعوا الطيبه ياولد باني شكرا لك من الاعماق

 

 

 

 

[معلومات العضو يحيى الودعاني]

بيض الله وجهك أخوي أصمعي الدواسر
ولاهنت يالقرم على السالفة الي توسع الصدر

اقول مثل القصص ذي له نشوه عجيبه

 

 

 

 

[معلومات العضو العقيد]

أصمعي الدواسر . بيض الله وجهك على ذا الرواية .


ولاد المنيعي كفو . وعلومهم دايما طيبه . وانا أشهد إنهم سقم على الحريب .


أخوك ........العقيد.......

 

 

 

 

[معلومات العضو عبدالله الصخيبري]

السلام عليكم ورحمة الله وبركاته

اصمعي الدواسر ابيض وجه وماقصرت والله وسبعين نعم بالاد المنيعي

 

 

 

 

[معلومات العضو مسعود المقيبلي]

اصمعي الدواسر

لاهنت على الروايه الجزله التي تعودناها منك

ويستاهلون لاد المنيعي

 

 

 

 

[معلومات العضو تركي ال فنيس]

أصمعي الدواسر . بيض الله وجهك على ذا الرواية .


ولاد المنيعي كفو . وعلومهم دايما طيبه . وانا أشهد إنهم سقم على الحريب .

 

 

 

 

[معلومات العضو عبدالله بن عريمة]

المشاركة الأصلية كتبت بواسطة أصمعي الدواسر

آل قنيبر هم من العرجاء من قبيلة العجمان
وقصة وقعة ( الثليما بالخرج) ان آل قنيبر كانوا مطاردين من ابن سعود في ذلك الوقت
وكان الذي يقوم مطاردتهم أمير من آل سعود يدعى (سلمان) ، وكلما لجأ آل قنيبر على قبيلة لم تجيرهم وذلك خوفا من ابن سعود ، وعندما وصلوا منطقة الثليما بالخرج وكان المخاريم انذاك نازلين فيها قال العجمان : كل صاحب بيت منا ينزل على راعي بيت من المخاريم ، فزبنوهم المخاريم كعادة القبائل وتعهدوا بحمايتهم اذا لزم الأمر .
وعندما علم الأمير سلمان فارسل ابن سعود للمخاريم بأن يسلموا ويتخلوا عن جيرانهم ، فأرسل المخاريم شخص من الرجبان الدواسر اسمه ( هاجد بن غرفان آل بزاز) وكان صاحب وجاهه ارسلوه الى ابن سعود لمفاوضته.
فذهب اليه وعرض عليه نصف حلالهم مقابل ترك آل قنيبر ، ولكن سلمان أبا ورفض وقال ان اي قبيلة تحول دونهم فسوف ويجعلهم عبرة لغيرهم.
فرجع هاجد واخبر المخاريم بما جرى واخبرهم بان الامير سوف يصبحهم ، فقال المخاريم نصبحه قبل لايجينا .
فغاروا عليهم المخاريم وحدثت معركة تهول العقل ، وكان الذي يتزعم المخاريم في تلك المعركة الفارس ( محمد بن قاعان) من آل مشهاب المخاريم ، في حين كان ، قائد جيش ابن سعود هو الفارس الأمير سلمان وكان مشهورة بقوته وشجاعته وكان لابس درعا ، وفي اثناء المعركة كان (شلال ) المخريمي أرمد العينين ذلك الوقت وجالس تحت شجرة وبندقه معه ويتابع المعركة وهو عاجز عن المشاركة لرمد عينيه ، فكانت لديه الرؤية شبه معدومه فلمح من خلال بعض بصيص النور الذي يرى به لمح الفارس الأمير سلمان بن سعود وهو لابس درعا ويصول ويجول ، وكانت البنادق ذاك الوقت تحشى بالبارود مقدار ثلاث (قفال ) للطلقة الواحده، فقام (شلال) بحشو بندقه ست (قفال ) بدل ثلاث أي دبّلها ، وصوب بندقه تجاه الأمير سلمان مع العلم انه لا يرى جيدا ورمى سلمان بن سعود فاخترقت الطلقة القوية درع ابن سعود واردته قتيلاً وانهزم جمع ابن سعود وحمى المخاريم جيرانهم .
وبعد المعركة قال شاعر المخاريم في ذلك الوقت وهو ابن فاضل واصفا المعركة :

جانا نذير في العشا عقب هجعه=ويقول لمباج الظلام رجال
نشري جديد المدح لا رخص عندهم=يتهادونه شيبان لنا وعيال
لا قلت يا (لاد المنيعي) ريعوا= مرياع سيل في محير رمال
قلت اركدوا فربهم يقربونا= وعيوا دياقا ماطيح عذال
هذا لعينا هاجد ووجاهته=لاعاد ماجا للوجيه جلال
هذا لعينا الي تهل دموعها=تبكي من فراق الحليل ومال
ولا لعينا اللي وصف حنينها=رعاد صيف مقتفيه خيال
عدايل الضيفان لا جاو عندنا=تكنف ولا يخشر لهن عيال
كنهم غرانيق البحر لاديدبوا=حاديهم من خشم الجليه جفال
((سلمان)) اللي في اللقا يذكرونه= استلحقة ذيب الخلا ((شلال))
انا وبني عمي قضينا نوبه =بمصببٍ حاديه ((ست قفال*))

*المقصود طلقة شلال
ويحضرني بيتين من قصيدة الشاعر مسعود المقابله الملحمه:

مع جارنا يشهد لنـا العرجانـي =بأفعـال( شـلال ٍ) وهـو مـرمـود
مايشكـي الوجـلا وحيـف الحايـف=من كـان لـه لاد المنيعـي عضـود

كتبه : أصمعي الدواسر
جميع الحقوق محفوظة لمنتدى الدواسر الرسمي

.

(( لازهم زهامنا واقتصرنا في منيع ..... جاوا عطيبين الضرايب تشل اكفانها))

كفوووووو ولاتوفيهم حقهم لاد المنيعي

المخاريم صناديد رجال وقفاتهم معروفة وفعلهم ينومس الدواسر كلهم

 

 

 

 

[معلومات العضو عبدالله أبن مصلح]

بيّض الله وجهك اخوي اصمعي الدواسر

على طرحك هذا الموضوع القيّم والذي يُذكر فيه

احد بطولات الدواسر ومعاركهم الشهيرة

والله لا يهينك

 

 

 

 

[معلومات العضو لاد المنيعي]

رحم الله الفارس الضرغام ( محمد بن قاعان) والشلال ياجعل عظامهم في الجنة

وعادة الدواسر ينثنون دون الدخيل

وبيض الله وجهك يالاصمعي على السالفة اللي تنومس الجميع

 

 

 

 

[معلومات العضو ولد ودعان]

الاصمعي بيض الله وجهك على الموضوع يالغالي

تقبل تقديري واحترامي

ولدودعان

 

 

 

 

[معلومات العضو أبو متعب]

بيض الله وجهك أخوي أصمعي الدواسر
ولاهنت يالقرم على السالفة الي توسع الصدر

 

 

 

 

[معلومات العضو ماجد بن رويه]

والله وسبعين نعم بالاد المنيعي




قول وفعل





لاهنت يالاصمعي