قصتي مع المصارير

[معلومات العضو نايف الخييلي]

المشاركة الأصلية كتبت بواسطة شافي النتيفات

هذا الموقف حصل علي انا قل عامين كنت طالع من الخرج الى همجة النتيفات الواقعة غرب الدحي وعندما دخلت هجرة الحيانية المعروفة للمصارير من الدواسر تعطلت سيارتي الساعة 12 مساءً عطل بسيط وخلال خمس دقايق حضر لي مايقارب ثلاثين شخص كلهم من شباب الديرة وحلفوا علي ان اجلس حتى تصلح سيارتي وكان هذا نص كلامهم ( والله ما تلمس شي لين تخلص سيارتك ) وحلفوا علي بالكرامة وصراحة ما يستغرب عليهم لانهم متربين من شيبانهم ومن باب رد الثناء بين الرجال كتبت فيهم هذه الابيات وهم يستاهلون اكثر

من هاجس اللي حصل له ظرف عجلاني = كني على اللي حصل ذالليل متنبي
ان كان يا موتري تبغى تحداني = لا جيت دار الحبيبي لاتعطلبي
من يوم في دارهم حطيت الارداني = ما نته بواقف على اللي صار تضحكبي
جاوك رجال تعز الضيف والعاني = اهل السجايا الحميدة للوفا تجبي
صبيان تغلب هل الوقفات والشاني = اهل الفخر والظفر لادرهم الركبي
واهل العشر يوم بيع الروح مجاني = ما احداً خذا حقهم يوم العرب تسبي
اهل الوفا والكرم ذربين الايماني = واهل الحسب والنسب وافعالهم تنبي
تارخهم طيب وفي الحرب ظفراني = جريحهم والله ان يعجز به الطبي
الجود مطلوبهم من ماض الازماني = والا الردى ماله منادي ولا ملبي

الشاعر شافي النتيفي

صح لسانك واعتلى شانك على هذه الرائعه الجزله

ويستاهلون صبيان لاد الحبيبي يعجز السان في مدحهم ولايوفيهم حقهم

جعل ربي يعزهم بطاعته ومن يقراء

خالص التحايا