(الزام )

[معلومات العضو محمد الغريري]

المشاركة الأصلية كتبت بواسطة سعد آل بريك

صلو على النبي (محمد)

ياللــه بــمـزنــاً تــلاحــت زمـرة أبــروقــه= ترعد (ارعوده) وتـتهـيض مخايـيـلـه
ياخـــذله اسـبــوع مـابه شــــــيً ايـعـوقــه= إلين تروا الصحاري من هــمالـيـلــه
يحلا نسيم الفجر .. والصبح .. وشروقه= والأرض فزة عقب ما مرها سيــله
والبـدو فرحـــو بذكــر الخــير وطــروقــــه= تعالمو بـيــنهــم .. والكـــل نـاويــلــه
شخصاً أيخطط .. وشخصاً ممهــله شـوقــه= قفض زهابه وساق (أدباشه) أمحيله
واهــل القــنص نقلت (القرناس) مطـفوقه= تـتـعـب علشان مرضاته .. وتـدليلــه
تبغي اليامن كفــخ وانطــلقــت اسبوقـــــه= يـنزل على (الخرب) ثم يلطمه ويشيله
ياحــلـو ســج القــدم والقــاع مطــروقـــه= في جــواً ايـرد روحك وانت عانيله
مع صــاحـباً يعـجـبـك فعله ومنــطـوقــــه= صافي معك طيب فعله وانت صافيله
في رايعـاً كايفاً .. شبعانةً (نوقـــــه)= يضــوي عليـهـا المسـى ماعاد تشفيله
ترعى من العشب (نواره) و (زملوقـــه)= لاشافها (الطرب) .. هلـل كـم (تهليله)
تلقى (الزبيدي) امصلع وسط (رقروقـه)= وتـشـم ريح (المطر) واطيب محاصيله
وأن أضلم الليل (جـيبك) لازم أتــسوقــــه= يـم أكـبر ابـيـوت من فالـقـاع وتـجـيـله
تلقى على (الضو) (رمثاً) يـابس اعروقــه= في (ربعـةً) وافـيـه .. ياسعـد منهيلــه
والـــدلــه امجهزه ماهـيـب محــروقـــه= تجمع نشاماً على هرجه .. وتعليـلــه
ربعاً الفعـــل الكــــرم ماهـيـب مسبوقــــه= ماحـــسبو للـــزمن كـثرة مــداخيـــلــــه
هــــذي طــراة العـمـر فـيـام مـسـروقــه= والا المكده عشان القرش وشـهـيلــه؟!!
من عــقب هـذا حنـايا الصـدر مفتوقــه= والقـلـب غرق من الرغــبات منـديــلـــه
أحدن على (رغبته) واحدن على (ذوقه)= وانــا هــذي رغـبـتي لو مامعي حـيـلـــه
رابطني (الزام) يــبـغي كامل احـقــوقـه= من غيـر ربـي ايفـرجلي .. وبـشكيلـه

نبينا محمد عليه الصلاة والسلام ,,,


سعد آل بريك

صح الله بدنك على القصيدة الجزلة المسماة إلزام وهي على اسمها

تلزم القارئ على المدح والثناء عليها ..

فيا لها من قصيدة رااااائعة معنى الكلمة ..

دمت لنا يا بو فهيد على مثل هذه الرااائعة سالماً غانما ..


وتقبل تحياتي وتقديري ,,,



اخوك في الله

محمد الغريري