ممارا الجيّد والشيباني

[معلومات العضو مبارك بن الجوير]

من وطو لجناب ذوده لا يمـاري

كون رجل لا هرج ثمـن كلامـه

ماورى بعض المرا كود المزاري

لا غشاه من الرجاجيل العسامـه

البدو من حدهم شـاف العـزاري

ان بغت وضح الدبش ولا جهامه

مير يوم التمن عراض السمـاري

مانفـع راع المغاتيـر انهزامـه

روحت سود مفارعهـا عـواري

من سطرها كن داخلهـا غشامـه

مرق الغرب عسيرات المشـاري

من طمع في مشيهن كدر منامـه

تفهق الزعلان ويشوش المبـاري

تجتهل لازاد بالممشـى وحامـه

جارها الله يوم جا للمدح طـاري

من حسد عين مساعفها غشامـه

صح الله لسااااااااااانك ليييين ترضى يامسعود
والله من اجمل ما قريت في وصف البل
بيض الله وجهك على الجزالة و من راسن جزل
وسلم منطوووقك المثمن على المشاعر الطيبة لربعك
وذكر الحيا بيّن ولابه مرآوآت
اسعد الله اياااامك مثلما اسعدني مروري تقبله لاهنت..