محاورات الجدول الاول للتصفح فقط

[معلومات العضو شافي بن راشد النتيفات]

المحاورة الخامسة بين الشعراء مبارك بن الجوير والشاعر شافي النتيفات
شافي النتيفات

في موقع للدواسر نفتخر في صداه = سلام تسليمة الاسلام للمسلمين
يامبارك اقلط وقول اللي تبي وتهواه = وابرسم الك الخريطة لايسار ويمين

مبارك بن الجوير

إلك البقاء يابوشالح باتجاه" وجاه=وانت الدليله على الثنتين دنيا" ودين
وصوتن سمعناه حي العلم واللي بداه=وانا عليّ الصدى والعلم كله ثمين

شافي النتيفات

يوم ان كل بوسط البير دلا رشاه = ترى الحدث يطلب اللي مثلكم يافطين
نبغى مراح وراه الفايده والغناه = مافيه خاسر لمنهو شاهد الطيبين

مبارك بن الجوير

السعد فوجيهكم والراي عند الولاه=شرع العلوم الثقيله تبغى جنبن متين
وانا على ماكتبه الله زكاه وصلاه=والله ترى مستعان عباده الصالحين

شافي النتيفات

نور القمر لاطلع ما نجهله في سماه = يطفي شعاع النجوم بنوره المستبين
خابرك يامبارك بن جوير في مستواه = لكن لاتضيعك ياخوك غبر السنين

مبارك بن الجوير

لاصار مثلك دليله مايضيع اتجاه=والله وليّ السنين اللي تمرّ وتبين
شرواك يبقى ترى للدرب طوق النجاه=وسنينا لو هي عوجاء بتستقيم وتزين

شافي النتيفات

يامبارك اوصيك وانته ماتبيلك وصاه = اطمر بوسط اللهب والله هو اللي يعين
وابشر بعزك وانا جنبك بزيح الحصاه = وان راده الله قطعنا كل حبل متين

مبارك بن الجوير

في يوم ظل الله يظلل ولابه سواه=عساه يشمل من الحرّات للحاضرين
ومن غاب لو دونه الاعذار فالله معاه=كم حاضرن في حضوره بعدّة الغايبين

شافي النتيفات

المعذرة ياجاهير الشعر والرواة = اثر الحذر ما ينجي كل قلب ذهين
لاشفتنا اسماء بني عمي تشاهد هناه = يشوش راسي واجيب الشحن لو من بكين

مبارك بن الجوير

يامرحبا يابوشالح والرفاقه عباه=هم جاهك اللي يسرك يبهج الناظرين
وحنا لنا ربع سعد اللي ذراهم غشاه=يستاهلون الولا لو ندفع الشحن دين

شافي النتيفات

ياسعد من لابتي يوم الملاقا ذراه = تضد من ضدها وتقنّع الطامعين
دواسر جارهم يامن وتوسم عصاه = صفاتنا لو حكاها غيرنا جاهلين

مبارك بن الجوير

واليوم ياصاحبي عطنا علوم الرواه=وش قيل ومايندرابه وانت مــ/العارفين
حنا انتظرنا الوعود اللي تجي ياعساه=درب الوفا والوفا هو عادة الطيبين

شافي النتيفات

امنت بالله وبعده مؤمن بالرٌعاة=تراك بايدا امينة والعرب محتسين
حان الوعد واكرب حزامك وقابل قضاة = واللي كتب ربنا نرضاه يامسلمين

مبارك بن الجوير

حزامي الزامي هم شرواك مثلي حجاه=يوم الوعود الاسود اللي تهجر العرين
مايعرف الكايدات الا اللي ربي بلاه=والله يبلا غلا من خلقه الصابرين

شافي النتيفات

اسمع كلام الذي لاقال قول حماه = ما كتب لك جاك يابن ادم بعال الجبين
القاف شيّب واظنه وصل الى منتهاه = والشكر موصول الى من ساند الطيبين

مبارك بن الجوير

القاف ماشاب عند شرواك يرقا مداه=والوقت شيّب لراس الناس والله يعين
وانت مثلك كفؤ لو أبتدا ما انتهاه=وختام قولي صلاتي فالرسول الامين