رُدوا عليّ العِلم لاخاب تصديق/لآقِلت سعد اللي غديتوا هَلنّْ لِه

[معلومات العضو عبدالرحمن الجبابرة]

اقتباس:المشاركة الأصلية كتبت بواسطة مبارك بن الجويرمدخل

(مبارك) وتبركّ لِيّ عْـجافَ الطواريق...
لآ زآآآن بــالي جـافِـلَّ الطـرق شْـلّه....

بسم الله الرحمن رب المخاليق=بأبدأ بذكره وأتوكل على الله

رب" -لك الله- في يديه التوافيق=والعبد يشفع له بياضت سجلّه

ربن جمعنا فيه من غير تفريق=وإيظلنا في يوم ما غير ظلّه

فيالله يا فرّاج عنق المغاليق=من يشكي لغيرك غشته المذلّه

تحفظ وطنّا من غثى اللاش والهِيق=اللي غْلاَّ فالدين وإبليس ضلّه

أمسى عشا للفرس من طبخ زِنديق=وأضحى فريسه للقلوب المغلّه

إجعل لنا بْنحورهم غصِّة الريق=عن روسهم شِهبن سوّاتّ الأهْلّه

فقلوبهم برقن رماحه مزاريق=فصدورهم غرس السيوف المسلّه

مادامنا نحكم على الشرع تطبيق=دستورنا القران والدين مِلّه

فأرواحنا للدار موتت مطافيق=حمايّة البيتين والعز بالله

وللأرض حكامن على عرشها تليق=والمُلك لله وَاهِب المُلك مَن لَه؟!

طالوا هلَّ العوجا وطِلنا الشواهيق=والعزّ في روس الجبال المطلّه

(عبدالله) ..[بعد الله].. ذرانا من الضيق=من حَلّ ياسِعده غدا السَعد حِلّه

معا وليَّ العهد للعارض طويق=(سلطان) عم الطيب دِقه و جله

لإخوانهم حقن وللختم تصديق=وللسمع طَاعاتن وللرَاس قُلّه

ومن مُنطلق تَطرّي الزحول العشاشيق=تطريّ عليّْ رَبعي مَنَّاف الجْبِلّه

دواسرن تَسمى1 طموح المعاليق=ترضيّْ غُرور الليّ مِضى العزّ خِلّه

ربعي شُواميخ الملاَّ والمطاليق=نطَّاحِة الصِْلفه على الشين علّه

وَسمّت عصا الجِيرة مَلاذ المشافيق=خطلان الايْدي للمعادي مِشلّه

ومع لآد زايد و التغالب مواثيق=ضَمّنّْ العْهُود أُسود مَا جَات خِلّه

و فاق لمعاليّ الطيب عِزن بْتوفِيق=سَحاآآآب مِن وايل زِمّا المجد وَبلّه

ربي خلقنا إخوان والعهد تعريق=وصرنا ملاّف الطيب للعز قبله

يوم المراجل خدروها فآباريق=سِقنا المراجل كيف تطبخ في دلّه

واليوم يلّمع للحضارة تباريق=كلن خذا ركبه على مدّ زملّه

مع دوُرِتَّ الاَيام للسايق مْسِيق=شِلّنَا تَراحيِل الزمِنّ عَنّ محلّه

حتى بدت شمسن علينا مشاريق=مِن دامس الغدرا بدى النور طلّه

جَانَا ضيّاءَ (الموقع) للأحلآم تحقيق=يسفر عن الظلما شعاعن يِهلّه

فلّو يوم خذنا الوقت تِهنا الطواريق= (المنتدى) عمن ودربه ندلّه

دواسر وتاسر صفَاةَّ الصنَادِيق=رَبعِن وَلافةّْ عِز والشوق تلّه

فردوا عليّ العِلم لاخاب تصديق=لاقِلّت سِعدّ الليّ غَديتوا هلّنّْ لِّه

أخي العزيز الشاعر المبدع , مبارك الجوير
صح لسانك وسلم فكرك وبيض الله وجهك
قصيدة مدرعة برداء الابداع
وتمنطقت بقوة الحق
وأعتبرها طلقة هدف
بل اخترقت هام الضلال
شكرًا لك بعدد نجوم السماء