\\\ضع الكلمه فى بيت شعر0 من ابداعك او من ذاكر تك0 شاركونا00\\\\00&&&&

[معلومات العضو عبدالله الحافر الغييثي]

لاهنت ودورت بيت يناسب الكلمه المراده ولكن تستاهل يبرين معلقات: وهذه ابيات للشاعر/عبدالله بن شايق في اول مقناص له للرمله

نا من ورا يبرين كني ورا بيروت = وياويش عرفنا العبــــيلة ويبريني
ألا ياأم سالم جاوبيني بزين الصوت = تراني ماغير ادور اللي يلاحيني
وتراني قصيرك في الخلا ما بنيت بيوت = ولا عشت بين المدرسة والبساتيني
ولاني من اللي يعشقون البحر والحوت = ولاني بأحب الضعف لأجل الملاييني
ولاني بتاجر زود ثور حياته قوت = أبي مايسد الحال وأسلم من الديني
وأنا ماأتكلم لين أشوف الرجال سكوت = على شان كل ينتبه لــي ويوحيني
ولا أوصف إلا وصف شيء عليه ثبوت = من العاقل اللي كني اشوفه بعيني
ولاني بأحب أسمر على طقة البيلوت = ولاقلت قوموا خلو الدور ياتيــــني
ولا همني صن أربعميه مع كبوت = ولا قمت أفل سراي في جنب خمسيني
رقدت وصحيت وقمت خايف يفوت الفوت = أنا ميت في القصر والبر يحييـــني
هبايب صحاري نجد والبر قبل اموت = علي الحرام أنها الدواء اللي يداويني
وعلى الجنب الأيمن صنعة الروس تحت الكوت = لي الله والأشرم حالف مايباريني
وأنا مومنٍ بالله ما آمنت بالطاغوت = وبرحمته جعله من النار ينجيـني