سجـــــــل حضــــــورك ببيـــت قصيــــــــد ..

[معلومات العضو ناصر بن فهد]

إذا مليت من حبي بس قلي على النية .................... ترى انا قلبي طيب يذوق المر ويغني!!

 

 

 

 

[معلومات العضو نسناس الهوى]

لاخير في[رجلٍ]قصآرٍ شبوحه
ولاخير في "سيفٍ" نثر دم رآعيه
ماجيت ابي مد اليدين{الشحوحه}
ولاجيت"ضآمي"في رجا الغير يسقيه

 

 

 

 

[معلومات العضو ـآلجآدل]

يعيين الله على دنــيـآآ تخلي خـــآآطري مــكــسـوور

آآســآآيــريــهـآ وآنــآآ رآآضــي غــصــب عــنـي الله يعيين

 

 

 

 

[معلومات العضو ابو فهد الشكري]

خاطرك طيب والنوايا ملاطيم
وكلن مع التوفيق يجني قطافه
الجوهرة عدت على عاتق الغيم
راحت تسامى في طريق الخرافة
علمتها لعب الطرب والتنغايم
ورقيتها روس النوايف حرافة



الشاعر:
مساعد الراشد
حريف صوغ ابداع سبك وترانيم
عشيق مرقاب المعاني اكهافه
فكر البيوت النادرات الخواصيم
جود القريحه ماتصنع كلافه

 

 

 

 

[معلومات العضو ابو فهد الشكري]

ومن ضاع في مدخله ما دل مخراجه
لولا النفوس الشريرة ما حد(ن) يعدم
ولا جهل راعي المنهاج منهاجه
من يفعل الطيب بأهل الطيب مايندم
يرصد رصيد يفيدة كل ما حتاجه
بيت الشرف لو يطول الوقت مايهدم
بيبانه مشّرعه ما قفل مزلاجه

 

 

 

 

[معلومات العضو روح الـغـلا]

ما كل من يضحك بدنياه مسرور

لو ضحكته دايم تحرك حجاجه

وما كل من يبكي من الناس مقهور

بعض الدموع رخاص من شان حاجه

وما كل صادق لو حكا لك من شعور

يا كثر من زيف المشاعر خراجه

وما كل ما يخفا من السر مستور

بعض الوجيه ابين من ارهف زجاجه

وما كل بيتٍ بابه انصك مهجور

كم بيتٍ اطفا الشح واهج سراجه

وما كل من يسكت على الظيم مجبور

لجل الغلا ساكت ويدعي انفراجه

وما كل عله فادها طب دكتور

كم من عليلٍ وصل خله علاجه

وما كل من سمي صقر يشبه صقور

كم من صقر وقت الشدايد دجاجه

مماراق لي...

 

 

 

 

[معلومات العضو بن حجلان]

أنا يابنت ياعالية القوم مقدار
بالقلـب حلـــــــه والعيــن تراعيه
حبك على الراس والراس طار!!
وطارت رقـــاب لجل حبك تعاديه
ألا يامن تعلى حبه فوق الأقدار
وأغوى غشيــــم بالهوى فيــه
الشوق جمرة!!..وشوقي يحرقني بنار
نــار تلظى وسط صدري وتكويه
من كثر شوقي لطيفها حبني جدار!!!
أشوفه عليه,فأقوم أضمه وأحتمي فيه
سألني الجدار:ياعاشق وش اللي لك صار
في "شــهار"سرير لعقلك شكله يحتريه
قلت:العفو ياصاحبي على ماصار
"أحبها" وكلي لهــــا وفرحهــــا أرتجيه
سألني الجدار:من هو اللي بالفكر حار؟
وخلاك"تحتمي بالجدار وتدفيه"!!
قلت الملاك اللي على اسمه ياحلاه
ملاك بطيبــــه علــــق القلب فيه

 

 

 

 

[معلومات العضو ابو فهد الشكري]

على (( مواعيد الغرام السعيده ))
احسب محاصيل الوفا بآخر العام
وانسى تفاصيل .. الجروح الجديده
واسامح الغالين .. من قبل لا انام
واكتب من انفاسي وشوقي قصيده
واغلف احزان المشاوير .. باحلام
وادور لشوق الغلا . واستعيده ؟؟
لك يا معنيّني مسافات .. واقدام
فتش حشا قلبي وفتش وريده ؟؟
يفداك يا اغلى من قعد به ومن قام
وتعال شف جوالي وشف .. بريده
رسايلك موجوده جداد .. وقدااام
واغلى هدايا ربي .. ويوم عيده
لا بان رقمك يا بعد كل الارقام
يا زين طبعك فالكلام ويا جيده
في مبسمك سحر الحكي مصدر الهام
مشاعري من قبل اعرفك بليده
احييتها بك من عقب ماهي صيام
لو هبت رياح الغياب الشديده
قصر المحبه ما تزعزعه الايام
خفف من غيابك .. علي لا تزيده
مشتاق والمشتاق . ماهو بينلام
لولا المخافه .. والشرف .. والنقيده
كحلت عيني بك .. لو ان خاطري شام
اصد من بيتك .. وانا احب سيده
صدة غريق صاح .. والموج لطام
يا لعنبو الايام .. وش مستفيده ؟؟
حدتني انسى الشوق واعيف الاحلام
يا موثق قلبي جفا .. فك قيده ؟؟
اسرتني .. لهفه وعبرات وهيام ؟؟
ان غبت كني فاقد لي .. فقيده
وان جيت هبت ريحة ورود وخزام
كل عام وانت سنين عمرك مديده
وكل عام وعيوني على شوفك ايتام
وكل عام وانت الذكريات السعيده
الى تخاويني من العام .. للعام


حمد البريدي المري...

 

 

 

 

[معلومات العضو ابو فهد الشكري]

وتعال شف جوالي وشف .. بريده
رسايلك موجوده جداد .. وقدااام
واغلى هدايا ربي .. ويوم عيده

 

 

 

 

[معلومات العضو ابو فهد الشكري]

وان جيت هبت ريحة ورود وخزام
كل عام وانت سنين عمرك مديده
وكل عام وعيوني على شوفك ايتام
وكل عام وانت الذكريات السعيده
الى تخاويني من العام .. للعام

 

 

 

 

[معلومات العضو نسناس الهوى]

أنا اللي مابقى فيني مْن الدنيا سوى سربال
وحظٍ كالحٍ يكدح وقلبٍ يذهل شتاته
وعثرة ماخطت رجلي ودربٍ كم علي احتال
وسيفٍ من ورق يخجل.. نسى آخر بطولاته!

 

 

 

 

[معلومات العضو ناصر بن فهد]

مَدرِيْ القَصَايَدْ فِيكْ وَشْ مَمكِنْ تَكُونْ ؟ ........................لا صِرتْ [ صَفحَةْ ] مَالَهَا بَالغَلا طَيْ ..

 

 

 

 

[معلومات العضو ابو فهد الشكري]

شفتك بعد غيبه .. وحاولت احاكيك
مهوب من قلبي ولا من جراته !!
بغيت اقول / فلان وازريت احاكيك
وكني سمعت اسمي معا لالتفاته
فزيت من نومي وانا اقول لبيييك
وآثرك رويا .. في منامي وجاته
صفقت كف .. وقلت يا حلم يشوويك
جددت لي جرح ٍ هنى في مباته
يا اللي شريت البعد .. ما غاب طاريك
حتى لو ان البعد .. سواا سواته
مهوب محزني .. على حاجةٍ فيك
إلا إن قلبي شايف ٍ بك غناته !!
كن الطيوف تقول وشحال غاليك
وآقول راح .. وما بقى الا غلاته
لو ان ما جاني من الهم ياتيك
كان المصلي ما حفظ وش صلاته
مريت شارعكم .. وصادفني آخيك
واللي قطع كبدي .. حلاتك حلاته
بغيت الخبط من دعاياه ,, وادعيك
واسمك وقف بين اللسان ولهاته !!
وبغيت اجيب العيد وآقول : يرضيك
فاللي وصاتي له .. وضيّع وصاته
البعد شيّب خافق ٍ ميت فيك !!
والى مشى خطوه عثر في عصاته
مشكلتي / إن قلبي يحبك ويغليك
ومشكلتك / انك شخص عايش حياته
كثر الجفا .. نار .. وحطبها تغليييك
خف الحطب .. لا تزيد نار الشماته
إن ما احزنك جرح ٍ برجواه يدعيك
ما عاد تفرق .. عيشته من مماته
قلبي وعمري كلها بين اياديك
العمر فدوه .. لكن القلب هاته !!
وإن ما بغيت ترد قلبي ما اوصيك
احسن عزاه .. الى دريت بوفاته


الشاعر: حمد البريدي المري..........

 

 

 

 

[معلومات العضو ابو فهد الشكري]

شفتك بعد غيبه .. وحاولت احاكيك
مهوب من قلبي ولا من جراته !!
بغيت اقول / فلان وازريت احاكيك
مشكلتي / إن قلبي يحبك ويغليك
ومشكلتك / انك شخص عايش حياته
كثر الجفا .. نار .. وحطبها تغليييك
خف الحطب .. لا تزيد نار الشماته
إن ما احزنك جرح ٍ برجواه يدعيك
ما عاد تفرق .. عيشته من مماته
قلبي وعمري كلها بين اياديك
العمر فدوه .. لكن القلب هاته !!
وإن ما بغيت ترد قلبي ما اوصيك
احسن عزاه .. الى دريت بوفاته


الشاعر: حمد البريدي المري..........

 

 

 

 

[معلومات العضو نسناس الهوى]

من مات مات وسجت الناس عنه
إلا العمل يبقى على طول موجود
في الآخرة..ما غير نارٍ وجنة
لا عاد به نقصٍ ولا عـاد به زود