نــجــرٍ ومـحـمــاسٍ ودلّــــه ودافــــور

[معلومات العضو ابن وتيد السباعي]

يامـاحـلا المـسـرى مــع طــرة الـنـور=من قبل خيط الشمس يبدي شعاعه
مـع صحبـةٍ مافيهـم اللـي بــه قـصـور=ربــــعٍ تــربــوا عـالـكــرم والـشـجـاعـه
كــل واحــدٍ فيـهـم مـجـرّب ومـخـبـور =مــاشــاور الـحـرمــه بــخــوة ربــاعــه
لا جــــا لــــزومٍ مـايـصـفـون بــالـــدّور =كــلٍ بــذل مجـهـود قـــدر استـطـاعـه
أمـيـرهـم يـهـتـم بــالــرّاي والــشــور=دايـــم يــــدوّر ويــــن راي الـجـمـاعـه
لا صـرت عنـده كـنـك بـعـش عصـفـور=مـابـاقـي الا يـوكّـلــك فــــي ذراعــــه
لاجيـت اقـول اسمـه اسميـه منصـور =كـــلٍ يـعـرفـه مـــن طـيــور الـبـتـاعـه
شيل الشوازن والفشق معهم صقور=وحـمـام لا صـــاروا طـيــورك جـواعــه
موتـرك جيـبٍ خلفـه العفـش مـجـرور=يسـوقـه الـلـي خــاف ربـــه وطـاعــه
وجمسٍ محمل مـا ركـب فيـه مطيـو ر=هـو مـنـوة الـلـي مــات قلـبـه وبـاعـه
عفـشـك مـكـمّـل فـيــه زلٍ ومـاطــور=وبيـتٍ مـن (القاضـي) جديـدٍ شراعـه
وعـــدة المـطـبـخ بـيــن قــــزٍ وتــنّــور=حــوايــج واغــــراض فـيـهــا نـفـاعــه
ورز(المهيـدب) مـع سكاكـيـن وقــدور=واحـرص علـى الطبّـاخ كـمّـل متـاعـه
ونــجــرٍ ومـحـمــاسٍ ودلّــــه ودافــــور=وبــنٍ وتـمـرٍ يـغــري الـلــي شـبـاعـه
تـنــزل بـــروضٍ تـــوّه الـيــوم مـمـطـور=والغيم عقب الشمـس تـم انقشاعـه
الــبــر حــولــك كــلــه ورود وزهـــــور=وقــت الربـيـع الـعـشـب زاد ارتـفـاعـه
حتـى الرمـل تشتـم لـه ريحـة عطـور=والـقــاع خـضــرا كـــن فـيـهـا زراعـــه
معـك خـروفٍ مايـبـي ضــرب صـاطـور=اذا ذبـحـتــه عـلّـقــه مـــــن كــراعـــه
مـن عقـب هـذا مـا تبـي طـب دكتـور=كـانـك مـريـضٍ صــار عـنــدك مـنـاعـه
حنّـا بنعمـه بـس تبـي حمـد وشكـور=وحفظ الصـلاة الخمـس ويّـا الجماعـه
مـا تغتنـي لـو تمـلـك الـمـال وقـصـور=لا صـرت مـا تمـلـك كـنـوز القنـاعـه

لها مقطع صوت ياليت تنزله ومشكور طال عمرك

 

 

 

 

[معلومات العضو سعد آل بريك]

	الدوسري fm جميله هذه القصيده تحمل بين طيات أبياتها كثيراً من المعاني الجميله والمدلولات الهادفه شكراً على النقل الرائع

.

.

.