تبعثر حلمي قدامي وغديت بدنيتي منزوح

[معلومات العضو حرآير]

آحيان عوج السوالف تجرح المسمع !
لاصار سود الوجيه .. تقول ماتعني !


قادر على الذم .. بس الذم .. ماينفع
اخلاقي .. وعزتي / ترفض وتمنعني


اصنع شعوري بفكري وابتكر وابدع
لو بعض الاوقات تلقى الجرح يصنعني !


شرهاتي البيض .. ناتج طيبة المنبع
وكثر المواقف .. تبيّن لي وتنفعني !


لاضاق لي خاطر ولابان لي مدمع
كسرت خشم المواقف .. قبل تلفعني


اطرقت راسي طناخه / مارضيت ادنع !
من غير اسمي الى من طحت يرفعني !


ورثت سمعة .. ابوي وهيبة المرجع
اللي على ارض الوفاء والطيب تدفعني


هي راس مالي ولا لي غيرها مطمع
لاشان وجه الزمن ثم قام يصفعني !



ياعل .. الايام تعطيني .. سبب مقنع
ومع خالص الشكر لو تقدر وتقنعني !