تبعثر حلمي قدامي وغديت بدنيتي منزوح

[معلومات العضو حرآير]

يـا صـاحبي ماني من الهـمّ مرتـاح
و القلب مـن بعض المواضـيع مجروح



ضـايق ولـوّ إنّـي مع النّاس مـزّاح
مـا ودّي أبـدي " ضيقة الصدر" و ابوح


أموت ما صحت بـ جروح الزمن " اح "
و أصـبر ولـوّ إنّـي من الجـرح مذبوح


أخـاف لا يـفطن من النـّاس" لـمـّاح "
و أخـاف ما يـدري عن الضـيق مملوح


أقـاوم جـراح ٍ وتـتعبني جراح
و أبني من الامـال لـ أيـامي صـروح


وأقول : راح الهـمّ . . والهـمّ ما راح
ولا أدري من هموم الزمن وين أبـ اروح


وإن لاح دمـع العين بـ العين ما طاح
وإن طاح فـ افهمها مع طلعة الروح