خطلان ليدي صلاب الروس قومٍ عظام

[معلومات العضو راشد المسعري]

نيابة عن عوال الصقـر مبـدا الكـلام
جينا من ابني شهر قومٍ ينومَـس بهـم
في مقدم الصف بن صمان شيخٍ همـام
ابو فهـد بيـن فعلـه بوقـت الزحـم
علي ليا شبـة الفتنـه يفـك الخصـام
للواجب الـي يجملنـا يسـوق القـدم

أرحب ياظافر

والنعم بك وباالامير علي بن عبدالله الوهاب وجماعته اللي حضروا معه ، ووالله إنكم وافين وعلمكم غانم وشرفتونا بحضوركم من الجنوب لحفل تكريم نايف ولاهو غريب التواصل والطيب بين عيال الحمايل.

ومن بعدها يا سلام يا الدواسر سـلام
سلام من خاطر صافـي يخـص ويعـم
قبيلة غالية يـا جـب لهـا الاحتـرام
الله رفـع شآنهـم والله رفـع قدرهـم
تستقبل الضيف بالترحيـب والابتسـام
والبن والعود لزرق والشحـم واللحـم
خطلان ليدي صلاب الروس قومٍ عظام
إلا علـي الحـرام إن كلهـم ونـعـم
الجار توسم عصاه بسلمهم مـا يضـام
ويزبنون الدخيـل إليـا تعـزوا بهـم
أمجادهم مثل نور الشمس جالي الظـلام
تمسكـوا بالعوايـد والشيـم والقـيـم
بالسلم سطوة وفا بالحرب سطوة حسام
ما ترحـم المعتـدي وتقـدر المحتـرم
الغمر فيهم بفضل الله يفـض الزحـام
رَبَوْ على العز والأمجـاد تزهـى بهـم
ولا ايش خلا الدواسر في مصاف الغمام
إلا الثقـة والحميـة والوفـا والكـرم

ماعليك زوود جعل شيبانك في الجنة ، وافي ومن رجال وافين ياظافر

واليوم تكريم بن مسرع حفيـد الكـرام
رجل فعوله بتشهد له وأنا اقسـم قسـم
محدٍ بيلحـق محاكيكـم بمدحـه مـلام
اللي بجزل القوافـي والمعانـي نظـم
الحر نايف على رووس النوايف وحام
وإن هد جاب الفرايد وصف وإِلا حكـم
شاعر عن المخطية شامت حروفه وشام
أنقى من الغيم لَبيض بالسمـا لَرتسـم
خذ زبدة العلم يا نايف ومسـك الختـام
مثلك وشرواك كـلَّ اَلأزد تفخـر بهـم

بيض الله وجهك على الكلام الطيب ونحن نفتخر بوجود مثلك وشرواك معنا في هذا المنتدى

 

 

 

 

[معلومات العضو ظافر الأمير]

المشاركة الأصلية كتبت بواسطة راشد المسعري

أرحب ياظافر

والنعم بك وباالامير علي بن عبدالله الوهاب وجماعته اللي حضروا معه ، ووالله إنكم وافين وعلمكم غانم وشرفتونا بحضوركم من الجنوب لحفل تكريم نايف ولاهو غريب التواصل والطيب بين عيال الحمايل.



ماعليك زوود جعل شيبانك في الجنة ، وافي ومن رجال وافين ياظافر




بيض الله وجهك على الكلام الطيب ونحن نفتخر بوجود مثلك وشرواك معنا في هذا المنتدى

استاذي واخي راشد المسعري لا اقول إلا كما قال الشاعر/

ولو أنني أوتيت كل بلاغة **** وأفنيت بحر النطق في النظم والنثر
لما كنت بعد القول إلا مقصرا **** ومعترفا بالعجز عن واجب الشكر

لقداستقبلتونا و أكرمتونا فأخجلتمونا بأخلاقكم وكرمكم
وهذا ليس بغريب عليكم فزعه وشيمه وكرم ومرجله
الله يطول في عماركم ويزيدكم من فضله وخيره
ختاماً تشرفت بمرورك الرائع يابا محسن ووجودي بينكم في منتديات الدواسر شرف لي