قصيده في حفل الدواسر

[معلومات العضو مطلق الحصان آل عمار]

المشاركة الأصلية كتبت بواسطة دغش البطي

يامرحبا باللي لفونا مسايير=ترحيبه(ن) تجلى عمس من سمعها
بكل القبايل مرحبا بالمشاهير= اهل الوفا اللي كل طيب(ن)رفعها
يامرحبا عد المزون المزابير= وعداد برق(ن) فالسحايب لمعها
اليوم عيد وكلبوها تباشير= وطير لسعد بنغام صوته صنعها
بضيوفنا اللي كلبوهم مناعير= واللي تخرج بالشهاده طبعها
حفل الدواسر سطر اليوم تسطير=واظهر رجالن للشدايد وضعها
دواسر(ن) يوم احتكام المقادير=يرجح بهم حق(ن) على من طمعها
ربعي هل الطالات يوم المناذير=كم واحد(ن) منهم حياته جرعها
يردون حوض الموت مثل الطوابير=وغيث(ن) لمن يشكي بروحه وجعها
اهل الكرم والجود يوم المخاسير= ويفداهم اللي بالدراهم جمعها
ترعا بهم فالضد سود المعاشير= ووضح(ن) رعت غصب(ن) على من منعها
وكل القبايل وافيه دون تقصير= يردون في يوم(ن)كثير(ن) فزعها
وختامها يامرحبا بالمسايير=عد العشوب وعد غيث(ن) نفعها
وصلاه ربي عد نبت النواوير= على نبي(ن) للشريعه شرعها

ومن قال سالم وغانم

الشاعر : مطلق بن عبدالله الحصان آل عمـــار (( وسام ))

اولأ يامرحبا والله ومسهلا بك والله يحييك بين ربعك وبني عمك وأنت راعي محل

وثانياً مصافحة رائعه من شاعرٍ متمكن ويجيد كتابة أروع الشعر

وثالثاً صح الله لسانك مليون × مليون ولايكفون

ورابعاً لي طلب بسيط وهو أن تستمر في المشاركة معنا بما تجود به

من قصائدٍ جميلة ووافيه كهذه الوافيه

خامساً عاطر الود والتقدير والشكر والعرفان لمقامك العالي

من محب الجميع : دغش البطي

الاخ/ دغش البطي

والبقا بك يابو هلا ولي الشرف تواجدي معكم

وصح بدنك ملااااااااااااايين ياخوي

وانا اوعدك بان لاابخل بمايستحقه هذى الموقع

وانشالله نكون متواجدين معكم دائما

واشكرك على مرورك في هذه الصفحه فمرورك له رونقه وطعمه

وتقبل فائق تحياتي وتقديري