سلام يمشي ثمانينٍ ورى الميه

[معلومات العضو ابن وتيد السباعي]

ارحبوا جميعا مواصلتكم معنا شرف


استلم يالقرم:

شفي معا ماجد اشرب كل بريه=وشفه معي بس يشرب كاس برادي
ارسلتك في معاني الشعر برقيه=من عقبها لاتقول الوضع بالعادي

 

 

 

 

[معلومات العضو ماجد الدوسري]

الاولة طيبة لكــن مقفيـة = والثانية عدها من هرجـة الرااادي
ترى آل مرة مع العجمان يامية = اشارتن واضحة لقروم الالادي

 

 

 

 

[معلومات العضو ابن وتيد السباعي]

استلم يالقرم:

ياليت ابو محسن الي قال مخفيه=كبر عليك العلوم وزاد الاعدادي
جيتك وقصدي اخطب البنت بدريه=ورحت منك بلا شربه ولا زادي

 

 

 

 

[معلومات العضو ابوشجاع]

الشعار المميزيين=ابن وتيد--ماجد الدوسري

الله لايهينكم واصلوا وحنا متابعين

الابيات بشغف

تحياتي للجميع--

 

 

 

 

[معلومات العضو ماجد الدوسري]

أشوف بعض العرب كثرت طواريّه = شين قديمن وشين توه جدادي
والبنت عشّاقها مافيه مــاويّة = كم واحدن قبلكم حاول ولا فاااادي

 

 

 

 

[معلومات العضو الواضح]

الشعار


ماجد الدوسري


المشرف ابن وتيد


واصلوا وازهلوا الصفوف

 

 

 

 

[معلومات العضو ماجد الدوسري]

الواضح

حياك

وبياك

ومتابعتك

مهمة

يالقرم

وشكرن لك

 

 

 

 

[معلومات العضو ابن وتيد السباعي]

ارحبواااااااااا يالنشامااااااااااا



استلم يالقرم:

مانيب قايل تراها لي حصريه=لكن ماني مربطها بالقيادي

العرس ياصاحبي ماهوب جبريه=ترى البنيه تحب الي لها صادي

 

 

 

 

[معلومات العضو ماجد الدوسري]

ترى البحر ياولد مافيه ردمية = كم صايدن راح له ثم صار منصادي
خلك شقردي من عيالن شقردية = ترى الريادة تبي فالناس روّادي

 

 

 

 

[معلومات العضو ابن وتيد السباعي]

اشكر الشاعر الكبير/ماجد الدوسري


على المحاوره الجزله بكل مقياس

وانا اتشرف باللعب مع شاعر بحجمه


اشكره كل الشكر واتمنى له التوفيق في المنتدى


لاهنت ياماجد وعساك على القوه

لك خالص الود وفائق الاحترام

اخوك/ابن وتيد

 

 

 

 

[معلومات العضو ماجد الدوسري]

المشرف و الشاعر الفذ ابن وتيد وأنا بدوري أشكرك على هذه المحاورة الشيقة والتي

استفدت منها من الاحتكاك بشاعريتك شاكر ومقدر لك وللاخوان المتابعين وأتمنى لي ولك ولجميع

الاخوان التوفيق والسلام عليكم.