الملحمة الدوسرية ( محمد بن الشرع )

[معلومات العضو محمد الغريري]

1 بـديــت بـاســم الــــي يــعــز الـعـزيـزيـن = الـواحــد الـمـعـبـود مـقـصـودنـا رضــــاه
2 الــــي خـلـقـنـا فــــي شــعــوب وقـبـايــل = وخـص الثنـاء بالـي نـصـى بــاب تـقـواه
3 قـبــايــل فـيــهــا الــكـــرم والـشـجـاعــة = وكـــل عـلــى مــايــرث الــجــد مـمـشــاه
4 سـبـعـيـن نــعــم للـقـبـايـل بــــلا نــقــص = كــل خــذى قسـمـه مــن الطـيـب يـزهــاه
5 فـحـنـا هـــل الـعــادات كـسـابـة الــمــدح = دواســــــر نــمــلــك قـــصـــور مــبــنــاه
6 حـامـيـنـهــا بــأرواحــنـــا والــرهــايـــف = مـــن دونــهــا درب الـمـهـالـك وطـيـنــاه
7 عيـد الضـيـوف الــي تــدور هــل الـجـود = وسقـم المعـادي مــا اهتـنـى زاده ومــاه
8 وسـلـومـنـا مــثــل الـحـلـيــب الـمـصـفــا = وأفعـالـنـا رجـــم عـلــى عــالــي عــــلاه
9 خـطــلان الأيــــدي مـانـهــاب الـمـعــادي = نـكــســر ولا نـكــســر ولـلــحــد نـــــذراه
10 ناسـم عـصـاة الـجـار ثــم نهـمـل الـجـار = ويسيـر مايخـشـى ســوى الــرب مــولاه
11 والفـايـتـة مـــا نـقــري الـضـيـف مـنـهــا = ولا نـبـيــع الــجــزل مـنــهــا ولا أدنـــــاه
12 الضيـف يلـقـا الـجـود فــي ديــرة الـجـود = نرخـص لـه الغـالـي ونـسـوي لــه قــراه
13 وحـدودنــا مـــن دونــهــا كــــل صــامــل = بـمــشــوك يــرهـــب قـــلـــوب مــعــنــاه
14 مالخـرج حتـى الهـضـب نحـمـي حمـاهـا = ولا حـمـيـنــاهــا بــــســــور ومــــــــذراه
15 حـــنـــا ســـلايـــل لاد تــغــلــب وزايــــــد = مثـل الجسـد مــا تنفـصـل عـنـه أعـضـاه
16 الـيـا اشتـكـى عـضـو تـداعـا لـــه الـكــل = مـطـبــقــيــن شــــــــرع رب عـــبـــدنـــاه
17 مـثـل الجـبـل مايـشـكـي الـضـيـم راســـه = شــامـــخ ولاهـــزتـــه ريــــــح مــعــتــاه
18 مـثـل السبـاعـة لاعـــوا الـذيــب لـلـذيـب = ثـم احتمـى لـه وأرخـص الـروح وافــداه
19 جـانـا الدخـيـل الـــي يـبــي مـــن يـجـيـره = يبـغـى ذرى لـــه يحـتـمـي بـــه ويـحـمـاه
20 يـــــوم ان حـمــلــه زاد مــحـــد يـشــلــه = وكــــم عــــزوة عــيــت لـمـثـلـه تـلــفــاه
21 وخـلـفـه جـيــوش مـاتـهــاب الـمـخـاطـر = شجعـان مـا تخشـى مـن الـمـوت ويــلاه
22 لاشـــــك صـلـنـاهــم ويـانــعــم صــولـــة = وعـقـيـدهـم بــيــن الـمــرابــط ربـطــنــاه
23 حــتـــى كـسـرنـاهــم ويـانــعــم كــســـرة = درس لــهــم ولـغـيـرهـم تــاصــل أنــبــاه
24 فمنـا هــل العـشـر المصـاريـر الأحــرار = أهـل الخـوي يـوم أحـمـر الـمـوت يقـفـاه
25 يـومــه بـقــاع الـبـيـر رجــلــه حـسـيــرة = قـــد الحبـيـبـي بـكـرتـه وأطـلــق رشــــاه
26 وفــــدى خــويـــه بـالــرحــول الـثـمـيـنـة = وعــود وهــو وجـهـه تـمـلا بـــه ضـيــاه
27 هــل طعـنـة صــارت مـضـارب لـلأمـثـال = طـعـنـة حـــزام الــــي جــــزال ســوايــاه
28 شــك الـفـرس والـفــارس الـــي علـيـهـا = نــعــم الـيـمـيـن ونــعــم مـنـهــو مــتــلاه
29 والـفــارس طليـفـيـح يـــا طـيــب عـلـمـه = يا اهـل السوالـف ويـن ابلقـى لـه اشبـاه
30 فـنـجــال عــدوانــه نــهـــار الـصـعـايــب = شـربـه عـسـى فــي جـنـة الخـلـد مــاواه
31 يـاطــول قـولــي فـــي رجـــال الحـبـيـبـي = الـعــزوة الــــي تـبـلــغ الـقـاصــد مــنــاه
32 ومــنــا بــداريــن لــهـــم كـــــل تــاريـــخ = وعــامــر بــــن زيـــــاد شــيـــد بـنــايــاه
33 خـاض المعـارك خــوض مــن لا يهـابـي = مـخـضـب سـيـفـه مـــن الـضــد ودمــــاه
34 وارث مـطـالـيـق لــهــم رايــــة الـمـجــد = منـهـم ســدارى تــورد الـخـصـم مـثــواه
35 ومــنــا غـيـيـثــات تــضـــد الـخـصـومــي = خـيـالـهــم هـــيـــب عـــداتـــه بـشـلــفــاه
36 أهـل الثمـان الــي تنـومـس هــل الـمـدح = سيـوفـهـم ضـــرب الـجـمـاجـم مــضــراه
37 فـي هـيـة خـريـص حمـوهـا مــن الـضـد = حـتـى رجــع مكـسـور يـسـحـب خـزايــاه
38 مـن دون عـد خريـص خـاضـوا مـعـارك = نـــدر حـــرار والـقـهـر كــيــف تــرضــاه
39 ومــنــا رجـــــال فـعـلـهــم مـــــا تـغــبــى = والـقــاف فـيـهـم يـرتـفـع عـالــي عـــلاه
40 حـقــبــان لاثـــــارت نـــهـــار الــمــلاقــا = يـــردون عــــد ٍ ضــدهــم مــــا تـهـقــواه
41 ثـمـانــيــة فـــكـــوا ثـمـانــيــن هــجــمــة = والــضــد تـسـعـيـن ولا يـلــحــق اتـــــلاه
42 يسـتـاهـل البـيـضـا خـريــص العـيـاضـي = يقـبـل عـلـى الـعـدوان والــروح مـهــداه
43 ووسـط الحسـا يشهـد لهـم كــل شغـمـوم = بايمـانـهـم مـــا فـزعــوا اقــــرب ادنــــاه
44 ومن زارهم يبغـى الطمـع راح مطمـوع = وحـمــود بـــن شـيـبـان لـلـمـجـد يــرقــاه
45 ويكفـي لـمـن يبـغـى المـدايـح عظيـمـات = يــطــري الـعـرعـيــر والــعـــز مــطـــراه
46 ومــنــا وداعــيــن الـثـمــان الـسـوالــف = والـلـي يـعـد الـطـيـب فـيـهـم فـــلا امـــداه
47 الاولـــــة تـنــصــا المـبـيـعـيـج نـــاصـــر = ذبــح غـريــره لاجـــل جـــاره ومـرضــاه
48 والــثــانــيــة خــويـــهـــم مــايــضــامــي = واللـــي يضـيـمـه بـاتــر الـسـيـف يـنـهـاه
49 والثالـثـة غـــرو وفـــي حسـيـهـم طـــاح = وسـاقــوا الـديــة جـــود لـربـعـه مـثـنــاه
50 والرابـعـة مالبـيـر فــي جبـهـة الـضـيـف = عـطــوه صـفــراء مالمشـاكـيـل مــهــداه
51 والخامـسـة سـاقـوا ديــة مــا انقصـوهـا = لـلـجـار يــــوم جــدارهــم طــــاح وارداه
52 والسادسـة فـي العسـر منصـا الرجـالـي = الـلـــــي تــــــدور لــلــكــرم دوم تــبــغــاه
53 والسـابـعـة يـامــن بـهــم مـــن نـصـاهـم = الـمـجـرم الـــي ضـاقـتـه عـســر دنــيــاه
54 والــثــامــنــة جــنـــودهـــا تـحـتـمــيــهــا = شجـاعـة مــع طـيــب مـــع عـــز وجـــاه
55 ومـنــا مـخـاريـم لـهــا الـقـاســي يـلـيــن = فـالـهـضــب والـــــوادي دروع مــنــقــاه
56 لاد الـمـنـيـعـي يــطــربــون الـمـســامــع = نـــدر حــــرار تـطـلــم الــضــد لاقــصــاه
57 راحــــت ثمـانـمـيـة وخـمـسـيـن لـحــيــة = مـــن ضـربـهـم فالـهـيـة الـــي مـسـمــاه
58 ومـنــا جـمـيــلات لــهــم عــــز وشــــان = وفـيـهـم شـيــوخ فعـلـهـم مــــا جـهـلـنـاه
59 نــتــيــفــي ٍ وكــبـــيـــري والــغـــريـــري = حــكــام ومــلـــوك ٍ وشــعـــار وحــمـــاه
60 ومن كـان يطـري العـز يطـري الجميلـي = خيـالـهـا فـيـصـل ومـــن كــــان يــشــداه
61 فـي هيـة الحـوطـة خــذوا ثـارهـم وقــف = مـن خصمهـم وابنـه ومـن كــان خــاواه
62 ومـنــا خـيـيـلات بـهــم ضـــرب الأمـثــال = فـالـجــود والــعـــزة ولـلــجــار تـحــمــاه
63 وان جــات للهيــة ووجــه نـطــح وجـــه = مـــا عـنـدهـم هـــون ولا بــــه مــهــاداه
64 مابـه سـوى سيـف تـسـاوى بــه اكـتـاف = ولا رمـــــاح خـــــرزت مـــــن تــنــصــاه
65 خــيــالـــة الــشـــرفـــا الاد الـخـيــيــلــي = لا مـن رسـى مدحـي علـى بـاب مـرسـاه
66 فــي هـيــة بـاســم الـشـيـوخ اشعـلـوهـا = كـــل ابـلــج فـــزع لـهــا مــــن حـمـايــاه
67 سبـعـة شـيـوخ مــن سـيـوف الخـيـيـلات = مافـيـهـم الـــي يـسـمـع لـصــوت مـنــداه
68 ومـنــا معـيـلـة الـطــراد وهــــل الـفـعــل = يـــا سـعــد مـنـهـم فالـلـقـا مـــن دنــايــاه
69 فــرجــان لا صــــاح الـنــذيــر وتــقـــرب = لـلــمــوت سـاقــوهــا ولا بـــــه مـتــنــاه
70 ومـنـا هــل الـسـت الـحـرار المداغـيـش = الاد حــســـن طـيـبـهــم كــيـــف نـنــســاه
71 سـتــة ولكـنـهـم عـــن حـســاب سـتـيــن = خــويــهــم مــاخــلــوا الـــقـــوم تــــــالاه
72 سـاقـوا عليـهـم فـــوق ســـت الـركـايـب = وفـكــوه مـنـهـم يـــوم صـــوت بـمـنـخـاه
73 ومــنـــا مـقــيــدة الـجــمــل فـالـمـعــارك = الاد رجـــــــــب والــمــنــايـــا مـــــــــدلاه
74 فـي هيـة المشقـوق حـازوا علـى المجـد = يــوم الجهيـمـي تكـسـب الـطـيـب يـمـنـاه
75 ومـنــا مـشـاويـة لـهــا مـجــد الأمــجــاد = قـبـيـلـة تــرجــم بــهـــا الــعـــز مـعــنــاه
76 فيـهـم شجـاعـة سـالـم الـزيـر فـالـحـرب = وفـيـهـم إبـــاء كـلـيـب لا عــانــد عــــداه
77 ابـــن الـسـعـود الـــي حكـمـهـا بـسـيـفـه = بـيــض لــهــم يــــوم الـمـعــارك مــدنــاه
78 يستـاهـلـون الـنـعـم صـبـيــان جــــوزان = مـن عنـد ابـو تركـي ومـن كـان شــرواه
79 ومـنــا مـسـاعــرة بــهــم كــــل مـنـعــور = خـيـالـهـم مــاخـــاب دربـــــه ومـســعــاه
80 الـــي غـزاهــم مـــن جــنــوب بـجـيـشـه = ردوه مـــــع خـمـسـيــن راس مــغــطــاه
81 بـالـسـيـف ردوا كــــل خــصـــم لــدربـــه = والـفـارس ابــن قـويــد مـجــده حفـظـنـاه
82 ومــنــا الـشـرافــا متـعـبـيـن المـعـامـيـل = ابــن الحزيـمـي لا اقـبـل الضـيـف حـيــاه
83 مـــارده مـــن الــجــود فــقــر ولا ديــــن = شـحــم نـخـيـلـه والـجـمــل مــــا تــغــلاه
84 ومنـا الحراجيـن النشـامـا هــل الكـسـب = كـسـابــة لـلـكـسـب مــــن كــــل مـنـحــاه
85 عــدوهــم مــــن مــــا مــلــك يمـنـعـونـه = والـيـا بـغـى يكـسـب بـهـم تقـصـر خـطـاه
86 ومـنـا هـــل الـجــوخ الـحـمـر يلبـسـونـه = الاد عــــمــــار خــــصــــوم الــمــنــايــاه
87 خـيــالــة الــجــدعــا نـــهـــار الــمــلاقــا = صبـيـهـم لـــو يـنـطـح الــمــوت قــهــواه
88 ومـنــا الـجـعـيـدي يـكـســب الـطـايـلاتـي = يـكـفــخ كــمــا حــــر تــعـــلا بــالاعـــلاه
89 الاد شـــغـــث مــحــزمـــه لا تـــعــــزوى = كـــم ذود قـــوم بـاعــدوا بـــه ومــرعــاه
90 ومـنــا البـريـكـي يـكـسـب الـمـجـد كـفــه = وان جـا ضحـى الهيـة فــلا احــد بيـقـواه
91 وان جــات للضيـفـان فالـعـسـر والـلـيـن = مـنـهـو الـــذي مـثـلـه جــــزال سـجـايــاه
92 قـلـتـه وأنـــا مـــن نـســل لاد العـمـيـري = لاشــمــر الــــي مــــا يـحـســب لـدنــيــاه
93 يشهـد لـنـا الــي جيـشـه يـهـز الاصـقـاع = جـيــش يـــروع الـــي طـروقــه مــخــلاه
94 فــالــشــعــب رده ســــربــــة وايــلـــيـــة = مــن صـلـب جــدي تعـطـي الـكـل مـبـغـاه
95 والـــي حـمــل رايــتــه قــــدم الـمـقـاديـم = خــلــي طــريــح ورايـــــة لـــــه تـقــفــاه
96 ويــــا هــيــة فـالـفــاو دون الـمـجـاهـيـم = عشـريـن مــع عشـريـن قـــرم حسـبـنـاه
97 ردوهـــم الشـجـعـان عـشــرة بــــلا زود = خيـالـنـا مـــا قـــال كـمـهــم يــــا عـيـبــاه
98 وادي الـعـقـيـق الــــي حـمـيـنـا حــــدوده = حــنــا حــمــاه ودرعــــه الــــي تـــــذراه
99 حـنــا نـزلـنـا بــــه عــلــى غــيــر مــنــة = بـسـيـوفـنـا الـــلــي تـحـتـمـيــه وتــــــولاه
100 قـــــول عــلـــى فــعـــل عـظــيــم نــعـــده = وكـــــم واحـــــد وده بـمـثـلــه وطــريـــاه
101 عـقـيـقـنــا هــــــو تـــمــــرة الـتـغـلـبـيــة = فــخــر لــنــا مــــن دون هــــذا وهـــــذاه
102 ولـنــا عـلــى الافـــلاج جـولــة وبــيــرق = جعـيـري بــن حـسـيـن تـاريـخـه ازهـــاه
103 وفـالـخــرج مــنـــا ســربـــة صـيـرمـيــة = يــــوم الـعـريــق سـيـوفـهـم واحــمــاراه
104 ووسـط الحـسـاء مـنـا شغامـيـم وقــروم = ضــلـــع عـظــيــم لـلـشــدايــد ذخـــرنـــاه
105 هـــــذا وتــاريـــخ الــدواســـر قــديــمــي = ما احصاه من يروي ولا الشاعر احصاه
106 تـعـجـز دووايــــن الــعــرب مــــا تـلـمــه = حـتــى المـحـابـر والـكـتــب مــــا تـبـنــاه
107 تـمــت مـيــة مـــن فـوقـهـا سـبـعــة زود = وصلـوا علـى المختـار مـا هـل مـن مـاه

الشاعر / محمد بن مبارك ال الشرع العمور الدوسري

 

 

 

 

[معلومات العضو أبونواف الدوسري]

1 بديـت باسـم الـي يعـز العزيزيـن ### الواحـد المعبـود مقصودنـا رضــاه.

عسي الله يرضي عليك يا محمد الغريري ويوفقك ويرحم والديك علي هذه الملحمه الرائعه ...

أخوك أبو نواف الدوسري.

 

 

 

 

[معلومات العضو حنيان الدوسري]

الأخ الغالي : محمد بن صهيب

بيض الله وجهك على نقلك المميز وصح الله لسان شاعرها فقد أجاد وافاد

وفق الله الجميع لكل خير

 

 

 

 

[معلومات العضو سالم الغريري]

صح الله لسان الشاعر ابو مبارك

على هذه الملحمه الجزله الوافيه

107 ابيات رائعه

كتب وابدع

وتسلم يمناك يا ابو صهيب على نقل هذه الملحمه


وعساكم على القوة دايم الدوم

 

 

 

 

[معلومات العضو محمد الغريري]

المشاركة الأصلية كتبت بواسطة سالم الغريري

صح الله لسان الشاعر ابو مبارك

على هذه الملحمه الجزله الوافيه

107 ابيات رائعه

كتب وابدع

وتسلم يمناك يا ابو صهيب على نقل هذه الملحمه


وعساكم على القوة دايم الدوم

سالم الغريري

يستاهل ابو مبارك كل علم غانم

وهو شاعر بما تحمله الكلمة من معنى

والله لا يهينك يابو مشنان على المرور والتعليق ..


اخوك في الله

محمد الغريري

 

 

 

 

[معلومات العضو أحتآجكـ]

لببى الدواسر والله
صح لسانك وتقبل مروري

 

 

 

 

[معلومات العضو ابومحمد الجعيدي]

كفوو ووالله يااامباارك الشررع انشهدانك بيضت ووجيه الدووااااسر كفآآآآآآه

ووقدآآم يااابن الشرع

 

 

 

 

[معلومات العضو يحيى الودعاني]

جعل يمناك ما يجيها العطب

وبيض الله وجهك يالقرم


وصح السان الشاعر / محمد بن مبارك ال الشرع العمور الدوسري


وبيض الله وجهه

 

 

 

 

[معلومات العضو محمد الغريري]

المشاركة الأصلية كتبت بواسطة يحيى الودعاني

جعل يمناك ما يجيها العطب

وبيض الله وجهك يالقرم


وصح السان الشاعر / محمد بن مبارك ال الشرع العمور الدوسري


وبيض الله وجهه

يحيى الودعاني


الله يعطيك العافيه ووجهك ابيض

وابو مبارك يستاهل بياض الوجه وهو اهلاً له ..


اخوك في الله

محمد الغريري

 

 

 

 

[معلومات العضو تركي ال فنيس]

صح السان الشاعر قصيده جزله وافيه بيض الله وجه الشاعر وناقل القصيده

 

 

 

 

[معلومات العضو عبدالرحمن الشرافي]

بو صهيّب


ارررحــب


والله لا يهينك وجعل يمناك ما يجيها العطب

يالسنافي



على نقل هذه القصيدة الجزلة والوافية

للشاعر/ محمد بن الشرع العمور

وبيض الله وجهه

كفى و وفى




الله يجعل ماكتب في ميزان حسناته


وتقبل فائق التحية والتقدير

 

 

 

 

[معلومات العضو محمد الغريري]

المشاركة الأصلية كتبت بواسطة عبدالرحمن الشرافي

بو صهيّب


ارررحــب


والله لا يهينك وجعل يمناك ما يجيها العطب

يالسنافي



على نقل هذه القصيدة الجزلة والوافية

للشاعر/ محمد بن الشرع العمور

وبيض الله وجهه

كفى و وفى




الله يجعل ماكتب في ميزان حسناته


وتقبل فائق التحية والتقدير

عبدالرحمن الشرافي


تبقى يا مرحب ولا هانك الله


ومحمد ابن الشرع وجهٍ مبارك وطلق الحجاج ويستاهل

وشاكرلك مرورك وتعليقك يا بو سالم على الموضوع


تقبل خالص الود والتقدير ..


اخوك في الله

محمد الغريري

 

 

 

 

[معلومات العضو نايف الخييلي]

محـــمد الغــريــري
حيــه وحـي ماجــاب

بيض الله وجــهك على القصيـــده الملحمه الرائــعه والجــزله


وعــز الله انها تستــاهل التثبيت
وصـــح لســان الشاعــر الخــلوق محمــد ابن الشرع وبيض الله وجــه على ماقــال




وتقـــبل ســـلامي يابــو صــهيب

 

 

 

 

[معلومات العضو محمد الغريري]

المشاركة الأصلية كتبت بواسطة نايف الخييلي

محـــمد الغــريــري
حيــه وحـي ماجــاب

بيض الله وجــهك على القصيـــده الملحمه الرائــعه والجــزله


وعــز الله انها تستــاهل التثبيت
وصـــح لســان الشاعــر الخــلوق محمــد ابن الشرع وبيض الله وجــه على ماقــال




وتقـــبل ســـلامي يابــو صــهيب

نايف الخييلي


الله يحييك ويبقيك ووجهك ابيض وعلومك غانمة


وابو مبارك محمد ابن الشرع يستاهل البيضا



تقبل خالص الود والتقدير ..


اخوك في الله

محمد الغريري

 

 

 

 

[معلومات العضو فهد الغريري]

صح الله السان الشاعر الكبير والعزيز على قلبي

الشاعر الفذ: محمد بن مبارك ال الشرع العمور الدوسري

ولله دره على هذي الدرر الفريده والاقوال المجيده

وبيض الله وجهك يابوصهيب على نقل هذي القصيده الرااااائعه

وتقبلو ارق التحايا

اخوكم / فهد الغريري