يامـل قلـبٍ للمجاهـيـم عـشـاق

[معلومات العضو العماني]

الشاعر الكبير ابن وتيد

صح الله لسانك يابوسعد واعتلا شانك على الأبيات الرائعه ونعنبوا من يلومك في حب المجاهيم والله لايهينك يالقرم ، وحنا ترانا نطمع بقصايد اخرى من انتاجك

تقبل تحياتي،،

 

 

 

 

[معلومات العضو ابو زيد الغييثي]

ابن وتيـــد السباعي

ارررررررررررررررررررررررحب

مليووووووووووووووووووووووووووووون


مبدع وابداع ،، وراه ابداع

وماشالله نشدنا عنك عينا القصيده المبروكه


كل يوم بنشد عنك (هههههههه)


محبك ومغليك

ابـــو زيد الغييثي

 

 

 

 

[معلومات العضو فراج بن فهد آل تركي]

الله يلوم اللي يلومك في حب المجاهيم يا أبو سعد

قصيدة كايفة وبينٍ عليها طالعةٍ من قلب

أنت من الشعراء الذين نبحث عن جديدهم بشغف ولو أني أعتب

عليك في قلة النشر .

وفقك الله في دوامك وحياتك العملية

والله يسهلـهـا بنـقـل وتقـاريـب

 

 

 

 

[معلومات العضو ابو زابن المسعري]

((لاد الرميضـي معطبيـن المضاريـب))

ونعم والله بك وبربعك

كفو كفو يابن وتيد

جزله من جزل

صح السانك وبيض الله وجهك

لك جزيل الشكر

اخووووك

ابو زابن

 

 

 

 

[معلومات العضو مسفر المصارير]

المشاركة الأصلية كتبت بواسطة ابن وتيد السباعي

العذر والسموحه على الانقطاع عن هذا القسم والمشاركه فيه

اليكم هذه الابيات ولكم جزيل الشكر

يامل قلبٍ للمجاهيم عشاق=يعشق مجاهيمٍ عليها مشاعيب
ذودٍ على ايام الغزو جاك منساق=ساقه شجيعٍ من جدودي هل الطيب
ماهوب مشري حيف نرعى تلفاق=حنا هل الذيدان حرش العراقيب
نرعابها ونتبع بها كل براق= نرعابها روضٍ خضر قفر ما جيب
ما جابه الا راعي الذود بشفاق=عساس ربعه دايمٍ كنه الذيب
الامير سعدٍ طيب الساس والاخلاق=عقيد قومٍ كلبوهم معاريب
ياليتني عنده ولو كان سواق= اسج نفسي ماعليه مطاليب
يومٍ على الوايت مصدر ومستاق= ويومٍ مشرف فوق ذيك المراقيب
ارامكو حطت لي القيد في ساق= لاعاد به فركه ولابه تهاريب
ودوامها صعبٍ ولاهيب تنطاق=وعمري صغير وراسي بادي به الشيب
وبعيد عن ربعي وصدري بها ضاق= ماكني الا نجمٍ عنهم بدا يغيب
ربعي لهم في القلب حبٍ له اشراق=لاد الرميضي معطبين المضاريب
الخير في ماختاره الله ولو عاق= والله يسهلها بنقل وتقاريب
ويمل قلبٍ للمجاهيم تواق= يتوق وكنه حط فوق المشاهيب

وسلامتكم

الأخ : أبن وتيد السباعي

أولاً :

يا مرحبا و عداد ما لاح براق = بنسل الرجال أهل الكرم و أهل الطيب
لبيات مثلك يا ولد حيل مشتاق = حيثك جزيل ومن عطاب المضاريب

بكل صراحه فاقدينك يا القرم

و مثلك و شرواك يا بو سعد مالهم عذر

لكن أكيد السبب في غيابك (( أرامكو ))

الله يعينك و يوفقك يا الذيب

ثانياً :

صح ألسانك مليون

على هذه القصيده التي بينت لنا شفك و هواء بالك

و الله أن لك غلا يا بو سعد ما يعلمه الا رب العالمين

و إن شاء الله نشوف أبو سعد على النشاط اللي عهدناه منه و أكثر

و أنت ما فيك شك جعل عمرك طويل

تقبل تحيات محبك في الله

أخوك : مسفر المصارير