راكب اللى مدرجها مدرج .. صنع بوينغ تلاصع كالزجاجه

[معلومات العضو نايف بن مسرع]

المشاركة الأصلية كتبت بواسطة بدر ابن نايف

السلام عليكم


اسعد الله جميع اوقاتكم بكل خير


بعد زيارة اخونا الشاعر نايف بن مسرع للكويت الاسبوع الحالى على اثر دعوته للمسابقه فى تصفيات شاعر العرب اللى اسال الله العلى القدير انه يسدد خطاه ويوفقه فى تمثيل نفسه بصوره خاصه والدواسر بصوره عامه ويوفيق اخونا الشاعر محمد مبارك الصخابره



\
\

راكب اللى مدرجها مدرج=صنع بوينغ تلاصع كالزجاجه
مامشت فالطريق اللى متعرج = مشيها مايثور للعجاجه
لبسها محتشم ماهو متبرج=لو ابوها من بلاد الخواجه
طولها طول والخشه تمرج=والجناحين ميلن وانعواجه
والمراوح على الدقه تهرج = تخلط الضغط واتزيد اللجاجه
قادها اللى من العلم متخرج = عارفن مدخله ويا خراجه
فالمطارات لو حطت تكرج=فى حدود المطار وفى كراجه
هيه ياكبتن الرحله تفرج =فى كتابي وفى قافي وتاجه
طالبك كان طرت انك تعرج=يم دار الفخر ينور سراجه
دار ربعي على الجزله تسرج = فعلها النور من بعد انفلاجه
انص نايف ولد مسرع مفرج = ضيقتك وان حداك الوقت ناجه
عطه نظم الشعر قاف مضرج=فلادب مايجى نظم السذاجه
ولد شيخٍ على العليا تدرج = الوفا والحميه فى مزاجه
خبره كان للمهره يسرج = يبشر انى معه فى كل حاجه
ابن عمى معه مانى متحرج = جاك قافي ولى معك متواجه

وسلامتكم


ملاحضه ارجو تنسيق القصيده شكرا

أخوي الغالي ابن عمي الشهم/ بدر بن نايف بن شين الحلايا

لقد سبقني من قال لك ( ابن شين الحلايا ... حميد السجايا )

ولاغرابة أن تكون سباقاً لكل مافيه حمية لأبناء عمومتك يابدر مادام والدك رحمه الله هو القائل (( مايستوي طيبٍ بليا مخاسير))

بدر ابن نايف لقد ألبستني حلل الفخر بمبادرتك هذه أولا ثم بما احتوت عليه هذه القصيدة من مشاعر صادقة

تقبل محبتي وودي وتقديري لمقامك الغالي

 

 

 

 

[معلومات العضو فيصل بن جزاء]

الشاعر الجزل بدر بن نايف الرجباني

صح لسااانك ملياااار قصيده جزله وقافيه لايجيدها سواا الكبار

ويستاهل شاعرنا نايف بن مسرع والله يوفقه في شاعر العرب

تقبل خالص التقدير والاحترام

 

 

 

 

[معلومات العضو بدر بن صقر العجالين]

أخوي الكبير

شاعرنا الغالي

( بدر ابن نايف )

أبدعت يالقرم في قصيدتك..

ويستاهل اخوي الكبير نايف ابن مسرع من كريم لمستحق..

وصح الله لسانك يا أبونايف..

وتقبل تحياتي،،

 

 

 

 

[معلومات العضو محمد الولامين]

ارحب يا بدر بن نايف


وصح لسانك .. ورفع الله شانك


على ذالجزله يالامير .. ولاهنت ..



.. ولاتحرمنا من جديدك طال عمرك ..


نتمنى تواصلك معنا ونرى مزيد من الابداع

 

 

 

 

[معلومات العضو أبونواف الدوسري]

أخي العزيز بدر بن نايف

بارك الله فيك علي هذه القصيده

ماشاء الله تبارك الرحمن دائما تتحفنا وتسعدنا في قصائدك الجزله..

وفقك الله ورحم والديك يا أبونايف...

 

 

 

 

[معلومات العضو الهول الودعاني]

صح لسانك اخوي بدر بن نايف على القصيده وكما تعودنا عليك بالجزاله والله لا يهينك
ويستاهل نايف بن مسرع والله يوفقه
تقبل احترامي وتقديري