من لايناسب واحداًمــ.الخييلات..مع التحيه للأخ ناااااايف الخييلي

[معلومات العضو نايف الخييلي]

المشاركة الأصلية كتبت بواسطة المسعري

اهدي لأخي وزميلي شعله الموقع نايف الخييلي هذه المتواضع تعبيرا عن ما نكنه لبو فهاد واداره واعضاء منتدى الدواسر الرسمي فلو كتبنا المعلقات لانوفي حقهم

من لايناسب واحداًمــ.الخييلات=يصبر لامنه جاب له خلفة اجواد
على الولد من طيب خاله علامات=وجيد الولد ينسب لخاله لياجاد
عزالله ان الامثال فيها دلالات=واقرب مثل حاضر جهود ابن فهاد
نايف ولايحتاج مني شهادات=على سنام المجد له بيت وشداد
على شداد اهل الوفاء والبطولات=سلم الجدود يجدده فعل الاحفاد
ماضي وحاضر والوقائع له اثبات=والبيت مايبنى بلا ساس وعماد
والمدح للي يكسب المدح بالذات=مايلحق الشاعر مناقيد نقاد
وان مامدحت اهل الوفاء والمرروات=لاعاد ماامدح واحداً ماله امجاد
اهل الكرم واهل السطر والسخاوات=عون الضعيف امن المخيف وله اسناد
من مال وقته والليالي مخيفات=في ضفهم كل السنه تصبح اعياد
مشاعري تنساق لاهل الجمالات=سطرتها ياللي عن الطيب نشاد
مانيب مدور من وراها عطيات=شاعر ولي مبداء ولي مذهباً ساد
اسمو بشعري وارفعه فالنباوات=بنات فكري للسمينات تنقاد
والشعروصف وحس واسمى عبارات=قاموس يعكس صوره بكل الابعاد
لوكان جاله من جناء به جنايات=مثل الجراد افواج واحياناً افراد
تبغى اتشوف اجلس على هالقنوات=تشوف شي تندبل منه الاكباد
هياكل الشعار صارتله آفااااات=الشعر في واداً والاخوان في واد
اشعارهم مثل الوهم والكاباات=الشعر له معنى ومغزا ورواد
ياللي غديتوا طالعوا للقداوات=نوابغ الشعر ونوادرهم جداد
فرايداً كنها تعايش مع الذات=كنها تعبر عن مشاعر بحياد
الاكلبي والهاجري والنهايات=يصفط وراهم كل شاعر وقصاد

اررحب يابو خالد

صح لسانك صح لسانك صح لسانك

وبيض الله وجهك على ماشرفتني به بهذه القصيده

والبستني تاجً اعتز به ووسام شرف اتشرف به , وجُل هذا الاعتزاز انها من

شخص بمقامك يابو خالد

ولاعليك زود ياطويل العمر فانت من ارجال ً تشرفت بمعرفتهم وخوتهم

بيض الله وجهك واشكرك جزيل الشكر يالسنافي

والله يجزاك الجنه

تقبل تقديري ومحبتي

 

 

 

 

[معلومات العضو أبـ ريماس ـو]

يستاهل ابو فهاد المدح و كفو والله
صح لسانك يابو خالد
دمت

 

 

 

 

[معلومات العضو فهد الغريري]

عــزالله ان الامـثــال فـيـهـا دلالات=واقرب مثل حاضر جهود ابـن فهـاد نـايـف ولايحـتـاج مـنـي شـهـادات=على سنام المجد له بيت وشداد وعليكم السلام ورحمة الله وبركاته الشاعر العزيز الغالي ابو خالد " المسعري " ارررررحب تراحيب البدو السيل والله اني صادق يعجز الكيبورد وراعيه ان يوفيك حقك ياعشير المناعير صح الله السانك وعتلا شانك وزادك الله من زوايد فضله ابوخالد ليس غريبه عليك ياكحيلان هذي القصيده الجزله والتي تمتلئ في جنباتها كل الجزاله وحسن المنطوق والعزيز الغالي نايف الخييلي يستاهل وانا اشهد انك عرفت من تختار من ازحول الرجال بدون اقصور في الباقين وابوفهاد مشهودٍ له بالطيب والكرم وحسن الاخلاق ابو خالد ننتظر جدبدك المميز الفريد من نوعه وتقبل تقديري واحترامي اخوك فهد الغريري

 

 

 

 

[معلومات العضو محمد بن سالم الخضراني]

ابو خالد بيض الله وجهك وصح لسانك
ويستاهل ابو فهاد المدح واكثر

تقديري ,,

 

 

 

 

[معلومات العضو محمد مبارك ماجد]

المسعري
إبداع تجاوز الإبداع
قصيده جزله في رجل ٍ يتاهل المدح والثنا [ نايف الخييلي ]
صح لسانك