تبعثر حلمي قدامي وغديت بدنيتي منزوح

[معلومات العضو حرآير]

الجرح يفـقـد هـيـبـته لا بـرا وطاب
ومن طيب جرحي مـا نسانـي ثوانـي

اللي خسـر ناسـه بـلا ذنـب وأسبـاب
كلّـه لجـل يرضـي فــلان الفـلانـي

مثـل غـلا بعض الأصحاب والأحباب
أغليتهـم لـكـن صدمـنـي زمـانـي

فـلان جـاب فـلان وفـلان مـا غـاب
وشلـون يجـلـس بالمـكـان الأنـانـي

المسأله ماهـي علـى كسـب الأعجـاب
المسـألـه شــي ٍ قريـتـه وقـرانـي

لـو حاجتـي بيديـن ربعـي والأقـراب
أمـوت مـا أطلبهـا لـو إنـي أعانـي

اللي حسب لي حساب أحسب له حسـاب
أقولـهـا وانــا لسـانـي حـصـانـي

كنتـم قرابـه وصرتـوا اليـوم أجنـاب
ياكبرهـا وياثـقلـهـا فــي لسـانـي

سويتكـم بالقلـب صفحـات بكـتـاب
وكل يوم أشق صفحه من اللي نسانـي

 

 

 

 

[معلومات العضو حرآير]

يجيبـك يـ الفـرج منهو بـلانِي
بضيـق الصدر وإجحـاف الأمـانِي


وأنـا أدري بـه ليـا منّه رحمنِـي
غشاني إمـن الفـرح مـا قـد غشانِي


حـزين الجـوف لكنّـي كتومـه
أحـاول أبتسـم لوِّي أعـانِي


إلا منّـه صـرخ حـزنـي أضمّـه
عشـان النـاس لا مـا هـو عشاني


حـقير الحـزن يـربكنِي حـضوره
وأنـا لـي هـيبـةٍ تـربـك زمـاني


الا يـ صـاحـبي نفسي عظيمـه
زمنّـا مـا يـحبّ إلا الأنـانـي


عشان أعيش فـي عـزّ وكـرامـه
لـزوم أدوس أخـلاقـي وخـوانـي


الا يـ صـاحـبي شفني فقيـره
فقيرة حـظّ يـوم إنـه عصـاني


تـركـني والطمـوح يشيخ فيني
حـرام إنـه حـقير لـي رمـاني


أربّـي الحلـم فـي جـوفـي وأعـزّه
ويجـيك الشيـن يـذبـحـه بـ ثـوانـي


الا يـ صـاحبي دنيـا ثقيلـه
وصبـري مـا لفـاني مـا لفـاني


ثـلاث أشيـاء تجلب لي الكـابه
وأنـا مـن دونـها خلقـه أعـاني


شعُور اليتـيم وأقـرابي عشـيره
وفـقر الجيـب وأصـوات الأغـاني


أحـسّ بـوقتهـا إحساس كنّـه
يقـول الـموت أرحـم لا تعـاني


وأقـول أستـغفر الله وأستـميحه
وأصـلّي ركعتينـي فـي تفـاني


الا يـ صـاحبي وإلّلـي وخلقني
ولا أجمل مـن إحساسٍ كسـاني


رغم إن الهمـوم مكبّلتني
وإنـه قـد طـواني مـا طـواني


ولكن مع إلـه الكون وحده
ألا يـا صـاحبي إحساس ثـاني


يجيـبك يـ الـفـرج ربٍ كريـمٍ
ليا ضـاقت على روحي المحـاني

 

 

 

 

[معلومات العضو حرآير]

افـة المرء اثنتان الف كـاس وحـب كيـس
والنفوس اليا بغيـت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب اذناب وتبقـى الـروس روس

 

 

 

 

[معلومات العضو حرآير]

دام الفضـاء فـي عيـوني واسـع أرحـابـه
وانا بحلوّ القـصايـد مسرجٍ خيلـي
مـا همّنـي لـو زمـاني كشر بنـابـه
الله يخلـي لدمعـاتي منـاديلي
انّسـج مـن الآه نغمة حبّ جذابه
وأخفـي ورا ضحكـة عيـوني غرابيـلي
مـرتـابـه الحـال والاوضـاع مـرتـابـه
مـا ودي اشكـي وتسمعـني عواذيـلي

 

 

 

 

[معلومات العضو حرآير]

كذبة صباح الخير / يا صبح الأنوار
عذري ليا عدّت ... ليالي ولا نمت

أسهر طوال الليل وضْيوفي أفكار
وأقول لصحابي : نعم توّني قمت

 

 

 

 

[معلومات العضو حرآير]

الصبّح ما يستحّي ... والليّل ما يستّـر


شفني تلحفّـت بـ/ دمـوعٍ تعرّينـي


،.،


أسامر طيوفهـم ... وبعيونهـم أسهّـر


وبعيونهم ما لمّحت الحـزن فـي عينـي


،.،


كِسرت رمّح الأماني ... في يدي مُجبّر


رميت ظّلٍ لبسني .. صِحت لي وينـي


،.،


يا ليتني ما ذكرّت ... أو ليتنـي أذكّـر


على الأقل أعـرف أعدائـي وغالينـي


،.،


هذا أنت يا جرّح ... لا تكبّر ولا تصّغر


من وين ما رحّت ... ويدينك على يديني


،.،


قّم نام .... خلّ القصايد داخلي تمطّـر


يمكن ليّا من كتبّت ... أشوفهم فيني

 

 

 

 

[معلومات العضو حرآير]

مـدّيت يـدّي لـجـل اشـيـلك مـن الـقـاع
مـديت يـدّك لـجـل تلـوي ذراعـي

 

 

 

 

[معلومات العضو حرآير]

يـ جـرح لـو تلتهب مـا هـي على كيفـك
الـحـاجـه اللـي تـذل الـنفس مـا بيهـا
يـ جـرح لـو فـي خفوقـي مـا كـنٍ سيفـك
العـزه اللـي بـراسـي مـنت قـاويها
يـ قـلب يـ اللـي جـروحـك مـن مـواليفك
نـاسٍ سـعت فـي عـذابـك لـيش تغلـيهـا

 

 

 

 

[معلومات العضو حرآير]

لـي ضـلوع أوقـات تـصبـح مـن حطب
والعيـون أحـيـان مــاتبكـي تنــوح
ضـقت فـي كـل الـوسيعـة والـرحب
مـا التفت الا وقـدامـي صــروح
هـذا حـالـي للـفـرح ابـغـى سـبب
ويـن مـا وديت همـي مـا يـروح
صـاحبـي اخـر كـلامـي بنسحب
بتـرك اللـي راح وابـدا بالـنـزوح
صـاحبـي خـذهـا نـصيحـه لا تـحب
وان تـمـرد بـك خفـوقـك لا تبـوح

 

 

 

 

[معلومات العضو حرآير]

أكـبـر قـهـر لا مـن حكـى فـيـك إنـسـان
و يـصـدقـه مـن هـو تـعـزه و تـغلـيـه

 

 

 

 

[معلومات العضو حرآير]

مـوتٍ بـلا عـزه علـى ضـيـم واجحـاف
ولاحـيـاةٍ بـيـن هــم ومـذلـه
يــ جـارح المجـروح طـالبـك الانصـاف
جـزاي منـك بس دمـع ٍ أهـلـه
مـوت البشـر واحـد وانـا امـوت الاف
يــ عـونة الله ويـش انــا عـايـش ٍ لـه

 

 

 

 

[معلومات العضو حرآير]

يـ صاحبي راسي من الفكر منداش
قامت عواصيف الطواري تسوقه

احاول ابَعّد عنه عنا الفكر وانحاش
أطرد سرابٍ ماحصل لي لحوقه

ولا شفت في دنياي مـا يبرد الجاش
تعبت من وقتٍ توسع فتوقه

الله من صبرٍ صبرته على ماش
ولا كل من يصبر يحصل حقوقه

البوم صار اليوم سعره ورى الكاش
والحر الاشقر خرب الوقت سوقه

حتى الثعالب قامت اليوم تهتاش
والذيب جنب والعشاء مايذوقه

هذا زمانٍ فيه الانذال تعتاش
واخس خلق الله يلحس شدوقه

هذا زمان الخبل والهيس والاش
والا الكفو صار الزمن ذا يسوقه

ويـ طول صبري بين حاقد وغشاش
ناسٍ على عرض المقفي شفوقه

أنت الخوي اللي على الهيب رشاش
نعم الرفيق اللي يعدّه رفيقه

لو ينفرش قلبي لك القلب مفراش
تجلس بوسطه والخدم حولك عروقه

 

 

 

 

[معلومات العضو حرآير]

الـنـاس فـي بسمـة المـجروح مـنخـدعـه
كـم بسمـه مـن وراهـا الـنـار بـانـفـاسـي

بـعـض الـمواجـع لـهـا مـا تنفـع الفـزعـه
وبـعض الـمواجـع وجعهـا مـن وجـع نـاسـي

عـودت نفسـي علـى الصـدمـات و الفجـعه
ولـو دست جـمر الـزمن مـا ينحنـي راسـي

 

 

 

 

[معلومات العضو حرآير]

 

 

 

 

[معلومات العضو حرآير]

يضـيق صـدر الغـريب الـيـا فقـد داره
ويضيـق صـدر الحبيب الـيـا فقـد غـالـي

يـ ليت بيـن البشر والخـافـق ستـاره
ومـا تقـدر تشـوف هـذا الحـزن عـذالي

لـو أمسـح الـدمـع تـاره وأتـركـه تـاره
مـن يمسـح الـذكريـات اللي على بـالـي