من هم خوالك ((دعوه للمشارك جميع الاعضاء))

[معلومات العضو عبدالله الغييثات]

والله والنعم
بخوالكم جميع
وتسلم يمناك
يا ابو زيد

وانا ياطويل العمر خوالي من ال سلمه الغييثات

 

 

 

 

[معلومات العضو ابو زيد الغييثي]

عبد الله الغييثات


شرفني

دخولك لموضوعي المتواضع


ونعم بخوالك ربعنا ال اسلمه

اخوك ابو زيد الغييثي

 

 

 

 

[معلومات العضو أبو محمد المسعري]

أنا خوالي من عبده من شمر..

 

 

 

 

[معلومات العضو ابو زيد الغييثي]

بلامس كانت هناك ردود لا اعلم اين هي

المنتدى قام يخبط


ونعم بخوالك يالمسعري

 

 

 

 

[معلومات العضو خالد الحقباني]

خوالي من قحطان آل معمر

 

 

 

 

[معلومات العضو أبو جمال الغييثي]

ونعم فيكم الجميع وفي خوالكم

ابوزيد الغييثي

لاهنت على هذي الفكرة الأكثر من رائعه وبيض الله وجهك

خوالي المزاريع من الغييثات من الدواسر

تقبل فائق احترامي

ابوجمال الغييثي

 

 

 

 

[معلومات العضو ابو زيد الغييثي]

المشاركة الأصلية كتبت بواسطة أبو جمال الغييثي

ونعم فيكم الجميع وفي خوالكم

ابوزيد الغييثي

لاهنت على هذي الفكرة الأكثر من رائعه وبيض الله وجهك

خوالي المزاريع من الغييثات من الدواسر

تقبل فائق احترامي

ابوجمال الغييثي

ارررررررررررررررررررررررررررررررررررررحب

اررررررررررررررررررررررررررررررررررحب

اررررررررررررررررررررررررررررررحب

اررررررررررررررررررررررررحب

ارررررررررررررررررحب

مليوووووووووون


ونعم بخوالك

((آل ثمامان المزاريع وهل يخفى القمر؟؟))


اخوك

ابو زيد

 

 

 

 

[معلومات العضو مبارك الدموخ]

--------------------------------------------------------------------------------

باسم المعتلي جلّ جلاله = وصلى الله على محمد وآله
لعل الله يغفر لي ذنوبي = أسال الله وغيره ما اساله
اسال اللي فتح بيبان عفوه = عقب ماتاب عبده والتجاله
وعن شين الكلام اعز نفسي = واقود الفكر لبيوت الجزاله
واسوي لي بيوتٍ منتقيها = اسويها على هيئة رساله
انصيها بني هاجر جميعا = بني هاجر بلا استتثناء حاله
ولابي شي منهم غير ودي = اعد الطيب واجدد وصاله
كريمٍ في معانيها وكني = بخيلٍ ما يفرّط في رياله
الى مني كتبت البيت الاول = يجيني البيت الآخر في سهاله
والا مني كتبته جاء تبيعه = وقامت تنطوي طوي المحاله
وانا لا من كتبت البيت اصونه = ولا ناقد يجيني من خلاله
وقدام الجماهير الغفيره = على كل البيوت اعطي كفاله
عليها ختم إبن علوش يعني = علامة جوده وفحص الوكاله
ثمنها قولةٍ وش قلت فيها = ولحدٍ قال قلها قلتهاله
سببها ماقريته في الجريده = يقول ان الفخر سخف وخباله
تعمق في الصحافه جعله اتلى = كتبله زاويه والا مقاله
ضعيفٍ مادرى ان المدح كايد = ولا حاشه يكون اللي سعاله
ابمدح ربعي طوال اليماني = واعده كل ماوافق مجاله
يابوك الهاجري لامن مدحته = تجي فيه انتفاضه واحتفاله
ولامنك مدحته وانت صادق = نطل بشته ولا خلى اعقاله
خلقنا الله لاهل الطيب قدوه = وكل سنافيٍ حنا مثاله
بعضنا لو تغدى ماتعشى = ومستانس ومتنومس وداله
يوضع كسرة العود الكبيره = على المدخن الى زان اشتعاله
يطيّبهم عقب جنب السمينه = والى من راح ضيفٍ جا بداله
يرص الدين فوق الدين الاول = الين يسد دينه من حلاله
مخاسيره خوافيها على الله = رصيده في المراجل راس ماله
سلام الله علينا يا الهواجر = سلامٍ نستحقّه ونعناله
فحنّا اللي نكرّم من نصانا = يمينه في الشحم عقب الفواله
وحنّا اللي صداقتنا نقيّه = بميل الوقت والا بعتداله
وحنا اللي روابعنا قويه = ضعيف الرابعه نرفى خماله
وحنا اللي نقدّر كل حاكم = لاعاهدناه نوفي عهدناله
وحنا هقاوينا كبيره = وحنا اللي تبين إبنا الجماله
وحنا اللي نبيّن فالشدايد = الى من الزمن شانت لياله
وحنا اللي حميّانا سريعه = ومن حنا سناده طاب فاله
جمال حمول في كل اللوازم = حدانا لابرك للحمل شاله
مسمينا موّحد ذا الجزيره = مليكٍ مايشكك في مقاله
لسم " خزنة ظفر " والأسم منّه = وحنا كفو لسمه واحتماله
صدق عبد العزيز الله يبيحه = عسا الغفران والجنّه مآله
ولا علمٍ يجي من تحت حيده = لنا فعل وتواريخ ودلاله
لنا في جولة الأيام جوله = زمانٍ فات جعله في قباله
ولو حنّـا شويٍ ماعلينا = زهمنآ الجد الأول من جباله
يجي قحطان في لازم عبيده = وترقى له عبيده وتحماله
الي من ثار دخان الشنيعه = معادينا رقاده ماهناله
وناخذ صولةٍٍ في من نوينا = وياخذ صولةٍٍ في من نواله
وتصبح عاصفة صحراّ صحيحه = كفانا الله من شر الجهاله
ولا نطغى الي منّـا قدرنا = نخاف الله والدين إنحماله
وعقب الله والدين الكرامه = تنزهنا عن دروب النذاله
عطانا الله من مدّه وجوده = رقابٍ ماحنيناها سوا له
عوايدنا القديمه والجديده = اصاله مستمدّه من اصاله
وكلٍ فيه من الأجواد حقّـه = جنوبي نجد وبنجد وشماله
وقد حنا بعصرٍ فيه نعمه = عسى الشيطان يبطي في حباله
بفضل الله ثم سنّة نبيّه = ودينٍ مادعانا للضلاله
وفي خير الخليج الله يديمه = نعيمٍ كلّبونا في ضلاله
ركون العز في الست العواصم = سلاله تنحدر منها سلاله
ولاودّي أطول في مقالٍ = تكفينا قصاره عن طواله
نهايتها ومضمون ثمرتها = يذم المدح رجلٍ مايناله
وأقول أن المراجل ماتكمّل = لا راح العود ياتونك عياله
سلام الله علينا يالهواجر = سلامٍ نستحقّـه ونعناله

خزنة الظفر
هم خوالي
ومشكور على الموضوع الرائع

 

 

 

 

[معلومات العضو عبدالله بن عريمة]

تسلم ابو زيد على الفكرة الرائعة ,,, ونرجو من الاخوة الالتزام بالجدية

خوالي ...(( صبيان آل سويلم الوداعين ))

 

 

 

 

[معلومات العضو ابو زيد الغييثي]

المشاركة الأصلية كتبت بواسطة عبدالله بن عريمة

تسلم ابو زيد على الفكرة الرائعة ,,, ونرجو من الاخوة الالتزام بالجدية

ونعم بخوالك


اخوووووك

ابو زيد الغييثي

 

 

 

 

[معلومات العضو بن مشخص المسعري]

ونعم في بني هاجر خوالك ياقرناس من النابيه الى الفردانيه


ومليون نعم بال سويلم رجال تحطهم على الجرح يبرا




وانا

خوالي (حامين بيض الحبارى)

الجبور من الصبيح

بني خالد

 

 

 

 

[معلومات العضو ابو زيد الغييثي]

المشاركة الأصلية كتبت بواسطة بن مشخص المسعري

ونعم في بني هاجر خوالك ياقرناس من النابيه الى الفردانيه


ومليون نعم بال سويلم رجال تحطهم على الجرح يبرا




وانا

خوالي (حامين بيض الحبارى)

الجبور من الصبيح

بني خالد

يقول احد الخوالد اللي بالعراق جالي يوم كثرو عليه العراقيين النشده

متى علينا يالخوالد تغيرون =كم هيلعن برماحهم يجدعونه

ونعم بخوالك يابن مشخص


اخوك ابو زيد الغييثي

 

 

 

 

[معلومات العضو فهاد الغييثي]

فكره رائعه وموضوع شيّق يبوزيد الله يعطيك العافيه الضافيه..

يقول عبيد بن رشيد يمدح أخوه عبدالله ..

يتلون شغموم(ن) خواله عمامه *** معرب(ن) مادكـّـبه عرق الاجناب


خولي عمامي آل عيد من الغييثات

 

 

 

 

[معلومات العضو محمد الدوخي]

السلام عليكم و رحمة الله

اشكر اخوي ابوزيد الغييثي على هذي الفكرة الأكثر من رائعه
وبيض الله وجهك

خوالي من آل صالح من قبيلة بني زيد من قحطان
من سكان منطقة الوشم

 

 

 

 

[معلومات العضو ابو زيد الغييثي]

المشاركة الأصلية كتبت بواسطة محمد الدوخي

السلام عليكم و رحمة الله

اشكر اخوي ابوزيد الغييثي على هذي الفكرة الأكثر من رائعه
وبيض الله وجهك

خوالي من آل صالح من قبيلة بني زيد من قحطان
من سكان منطقة الوشم

اررررررررررررررررررررررررررحب


مليووووووووووون


ونعم بخوالك

اخووووووووووك


ابو زيد الغييثي