سجـــــــل حضــــــورك ببيـــت قصيــــــــد .. - الصفحة 52

**معلومات** **العضو** · 20-01-2013, 09:14 PM

جميـع غلطاتـي مـن الاحـسـاس
والـلـي يعاتـبـنـي يعاتـبـنـي
ماهوب شرط اعجب جميع الناس
انـا مـا كـل الـنـاس تعجبـنـي
قناعتـي حـاجـه بــدون قـيـاس
مـع كـل موقـف لــي تجرّبـنـي
يالله زدنــي قــو عــزم وبــاس
ولامن خذتنـي دنيتـي جبنـي

**معلومات** **العضو** · 20-01-2013, 09:59 PM

يقولون العرب:صدر الشمالي ما يضيق بساع
وأنا أقول صدور اليـوم مـا عـادت شماليـه!

بدت بداخلي ضيقة عجزت القـى لهـا مطـلاع
تغيـب وترجـع وترجـع تغيـب مالهـا نيّـه

أعمتني كلمـةٍ جتنـي وضـاق صـدر القـاع
الا يالله لا تـجـزى غشـيـمٍ قالـهـا لـيـّه

**معلومات** **العضو** · 21-01-2013, 07:32 AM

لا تفـرح إليا شفتني يـوم مسرور !!
حـزني أصيل وضحكتـي مستعـاره !

**معلومات** **العضو** · 22-01-2013, 01:14 AM

ياعذابي منك ياموتي ويا حرماني
زابنك بالله تخفف عني اللي فيه
من عذابك وشهو اللي باقي ماجاني
في عيوني من عذابك صاير ماريه

**معلومات** **العضو** · 22-01-2013, 01:29 PM

من كثر ماشفت بحياتي من انذال
بديت اشك ان النذاله فضيله !!

**معلومات** **العضو** · 22-01-2013, 02:28 PM

لاتعتـذر مـا للهجـر منـك تبـريـر
و صـدك بليـا ذنــب والله ظليـمـه
ماصار لـي بعـدك يفـوق اي تصويـــر
تجـددت كـل الجـروح السليـمـه
بـعـدك لعـب بي هاجـسـي والتفاكـيـر
وقلبٍ جريح وروح صــبــٍ مهيمه
ماغيـر اسلـي خاطـري بالمشـاويـــر
اروح وارجـع والهواجـس مقـيمـه

**معلومات** **العضو** · 22-01-2013, 02:40 PM

رحنا ضحية طال عمرك : وضعنا كلنا تمام !!
وعاثت بنا:أبشر بالسعد لكن مايخدم بخيل!

**معلومات** **العضو** · 22-01-2013, 05:16 PM

يضيق صدري لآعكست المفآهيم
ويردني عن كثرة الشرح ، عبره

دآم النوايا البيض عآدت »مجآهيم
شق الصداقه مآ تخيطهہ الابرهہ

**معلومات** **العضو** · 22-01-2013, 05:25 PM

مادام موقفنـا خطيـر وحامـي
ماعاد فيها غير اشـد حزامـي

ماعـاد فيـهـا ودي ولا ودي
الموت خلفـي والبحـر قدامـي

الله يجملنـي واجمـل ربـعـي
من قبل تدفن بالتراب عظامـي

**معلومات** **العضو** · 22-01-2013, 05:26 PM

خلاص ما عاد في قلب المقفي رجوع
من يوم جرحك سطابه ساقها للضياع

**معلومات** **العضو** · 22-01-2013, 05:34 PM

(الوالدين) لهم مواثيق وحقوق
وحنا علينا انّا نقوم بوفاهـم
وقارهم من ربنا حق موثوق
يالله عسانا كاسبينٍ رضاهم

**معلومات** **العضو** · 22-01-2013, 05:37 PM

لا تغرك دموع العرب فوق الأطلال
من بينهم لا عشت كنك بغابه !
ماشفت فيهم واحدٍ صافي البال
ولا لقيت المهتني في شبابه

**معلومات** **العضو** · 22-01-2013, 05:56 PM

يابوي وانت اسمك مقدّر ومحشوم
وان تاهت اقدامي تراك الدليله
تعبت وانا اقبل اجباه وخشوم
واجامل اللي مانفعني حصيله
صارت حياة الناس من يفرق السوم !!
واللي ما معه فلوس ياعزتي له !

**معلومات** **العضو** · 22-01-2013, 11:12 PM

ما كل كلمة حق تنقال للناس !!
اكثر جروح الناس من كلمة الحق !

**معلومات** **العضو** · 22-01-2013, 11:53 PM

الله يجازي كل شايب بالإحسان
له مبسمٍ ضاحك وله نفس فذه
البيت لامنه فقد حس شيبان
ما عاد يبقى له حلاوه ولذه

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية