هذا بلا ابوك يا عقاب/نمر ابن عدوان - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم قصــه و قـصيــده ::

إضافة رد
انشر الموضوع
 
أدوات الموضوع انواع عرض الموضوع
قديم 26-04-2005, 06:58 PM   #1
 
إحصائية العضو







ابن محمد الودعاني غير متصل

ابن محمد الودعاني is on a distinguished road


هذا بلا ابوك يا عقاب/نمر ابن عدوان

هذه القصيده اشتهرت بين اوساط المجتمع

وهي للشاعر نمر بن عدوان في رثائه لزوجته لكونه هو من قتلها بالخطاء حيث كان نمر

ابن عدوان شيخ قبيلة بني صخر الذين يسكنون الاردن واكبر ابنائه يدعى ( عقاب )

وكانت زوجته لا تعصي له امرا ولم تقل له (لا ) على طول العشر سنين الي قضوها

مع بعضهم وكان يحب زوجته حب عظيم هي وفرس كانت عنده الي ما كان يقل غلاها

عنده عن حب لزوجته ولسوء الحظ ذالك اليوم نسيت ام عقاب ان تعشي الفرس...

( تضع لها الطعام ) ويوم جاء ابو عقاب نمر ابن عدوان قبل لا ينام سئل ام عقاب عشيتي

الفرس وهي نسيت تعشيها وما حبت تضايقه قالت ايه عشيتها يا بوعقاب وخافت ام

عقاب اذا دري يزعل عليها ابو عقاب وهي ماتحب تزعله او تقول له " لا " المهم سوت

حالها نايمه ويوم حست نمر انه نام وغرق بالنوم قامت وسحبت نفسها راحت تبغى

تعشي الفرس شوي والفرس تصهل يوم حست بالزول المقبل فز ابن عدوان من نومه

والا الفرس تصهل وعندها زول حسبهم حنشل يبغون يسرقون فرس نمر لان الفرسه

طيبه ومشهوره بطيبها المهم على طول سحب السلاح وصوب على الزول ورما الزول

والا انها ام عقاب ما خذه طولها فارقت الحياه يوم شاف انها ام عقاب طاح من البكاء

عليها مهو مصدق انه قتلها بيده وهي اوفاء عشير عاشره بحياته وما قالت له

لالالالالالالالالا في يوم من الايام وما ضايقته بأي شي طول ايام عشرتها معها وقتلها

وهي حرمت نفسها النوم تبغى تعشي فرس نمررررر ذنبه كبير وضميره يئنبه . وكتب

فيها هذه القصيده


البارحـة يـوم الخـلايـق نيـامـا=بيحت من كثـر البكـا كـل مكنـون
قمت اتوجد وانثـر المـاء علـى مـا=من موق عين دمعهـا كـان مخـزون
ولـي ونـة مـن سمعهـا ماينـا=مـاكني صويب بيـن الأضـلاع مطعـون
وإلا كمـا ونـة كسـيـر السـلامـا=خلـوه ربعـه للمعـاديـن مـديـون
فـي ساعـة قـل الرجـا والمحامـا=في ما يطالـع يومهـم عنـه يقفـون
وإلا كمـا ونـة راعبـيـة حمـامـا=غـدا ذكرهـا والقوانيـص يـرمـون
تسمـع لهـا بيـن الجرايـد حطامـا=من نوحها تدعـي المواليـف يبكـون
وإلا خـلـوج سايـبـه للهيـامــا=على حوار ضايع في ضحـى الكـون
وإلا حــوار نشقـولـه شـمـامـا=وهـي تطالـع يـوم جـروه بعيـون
يـردون مثلـه والظوامـي سيـامـا=ترزمـوا معهـا وقـامـوا يحـنـون
وإلا رضـيـع جـرعـوه الفطـامـا=توفـت امـه قبـل اربعينـه يتمـون
عليـك يـا شـارب لكـاس الحمامـا=صـرف بتقديـر مـن الله مــأذون
جاه القضاء من بعد شهـر الصيامـا=صافي الجبين بثانـي العيـد مدفـون
اكسوه من بيض الخرق ثـوب خامـا=وقاموا عليـه مـن الترايـب يهلـون
راحـوا بهـا حـروة صـلاة الامامـا=عند الدفـن قامـوا لهـا الله يدعـون
برضـاه والجنـه وحسـن الختـامـا=ودموع عينـي فـوق خـدي يهلـون
حطـوه فـي قبـر غطـاه الهـدامـا=في مهمة من عرب الامـات مسكـون
يـا حفـرة يسقـي ثـراك الغمـامـا=مزن مـن الرحمـة عليهـا يصبـون
جعـل البختـري والنفـل والخزامـا=نبت على قبـر بـه العـذب مدفـون
مرحـوم يالـي مـا مشـي بالملامـا=جيران بيتـه راح مـا منـه يشكـون
يا وسع عذري وأن هجـرت المنامـا=ورافقت من عقب العقل كـل مجنـون
أخـذت أنـا ويـاه عشـرة اعوامـاما= مثلهـن فـي كيـف مالهـا لـون
والله كنة يـا عـرب صـرف عامـا=يا عونة الله صـرف الأيـام وشلـون
وأكبـر اهمومـي مـن بـزور يتامـا=وإن شفتهم قـدام وجهـي يصيحـون
وأن قلـت لا تبكـون قالـوا علامـا=نبكـي ويبكـي مثلنـا كـل محـزون
لاقلـت وش تبكـون قالـو يتـامـا=قلت اليتيـم ايـاي وانتـم تسجـون
قمـت اتشكـا عنـد ربـع اعـدامـا=وجوني علـى فرقـا خليلـي يعـزون
قالـوا تـزوج وانـس لامـه بلامـا=ترى العذارى عـن بعضهـم يسلـون
قلـت إنهـا لـي وفقـت بالـولامـا=ولو جمعتـم نصفهـن مـا يسـدون
مـا ظنتـي تلقـون مثلـه حـرامـا=ايضا ولا فيهن علـى السـر مامـون
وأخاف أنـا مـن غاديـات الذمامـا=اللي على ضيـم الدهـر مـا يتاقـون
أو خبلـة مــا عقلـهـا بالتمـامـا=تضحك وهي تلذغ على الكبد بالهـون
تـوذي عيالـي بالنهـر والكـلامـا=وانا تجرعنـي مـن المـر بصحـون
والله لــولا هالصـغـار اليـتـامـا=وخايف عليهم من الدجـه يضيعـون
لقـول كـل البيـض عقبـة حرامـا=واصبر كما يصبر على الحبس مسجون
عليـه منـي كـل يــوم سـلامـا=عدة حجيج البيـت واللـي يطوفـون
وصلوا علـى سيـد جميـع الانامـا=على النبي يللـى حضرتـوا تصلـون

المرحوم الشيخ / نمر ابن عدوان


المهم عدت السنين وتزوج نمر ابن عدوان مره وكان يحاول يقنع عقاب ان المره هذي

امه ( ام عقاب ) رحمة الله عليها وكان عقاب وقتها بعمر العشر سنين حولهن على

كلام الراوي المهم قال عقاب ماهي امي هذي يا بوي امي اذا انسدحت على ظهرها

ادخل من تحت ظهرها واطلع مع الجنب الثاني ويقصد المكان الي بين الوروك وبين

الخصر وامه كان مشهود لها بالجمال وزين عودها وطيب اصلها سكت ابن عدوان شوي

بعد كلام ولده وقال وهذا بلا ابوك يا عقاب


ومن يومها صار مثل مشهور الى يومنا هذا





منقول/من كاتب القصة احمد العنزي
تحياتي

 

 

 

 

 

 

التوقيع

    

رد مع اقتباس
قديم 26-04-2005, 08:33 PM   #3
 
إحصائية العضو








الجوهره غير متصل

الجوهره is on a distinguished road


افتراضي

لا هنت أخوي على نقل واحده من أروع قصص الوفاء ....

 

 

 

 

 

 

التوقيع


وش جاب والي العين لأضعف خدمها؟
بين الذهب و(الجوهره) فرق شتــّــان
فرق مثل فرق الثريا وعسمــــــــــــها
عن الثرى واللي بها كايــــــنٍ كــــــان
(الجوهره) ألماسه ولا أحد(ن) رسمــها
وإلا الذهب مرسوم بأشكال وألــــــوان!

**منتديات قبيلة الدواسر**

    

رد مع اقتباس
قديم 27-04-2005, 12:43 PM   #6
 
إحصائية العضو








العماني غير متصل

العماني is on a distinguished road


افتراضي

لاهنت اخوي بومحمد على السالفه

بس حبيت اوضح ان القصيدة الاولى ليست لنمر بن عدوان ، وانما هي لسليم عبداليحيى من شعار الاحساء الكبار.

وهناك دلائل كثيرة تقدر تستنتجها من القصيدة مثل كلمته((خايف ٍ عليهم من السكه يضيعون)) ابن عدوان شيخ وفي البر وينه وين السكك والدواعيس اللي توجد في المدن الكبار مثل الحساء او الكويت.

وبعدين كلمة سكة خليجية بحته.وابن عدوان من بادية الاردن.بعدين هو شيخ كيف يخاف على بزرانه يضيعون بدل الخادمه يحط ثنتين لهم.

تقبل تحياتي،،

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
هذا بلا ابوك ياعقاب مبارك بن شافي النتيفات :: قسم قصــه و قـصيــده :: 14 06-01-2011 02:43 PM
خمسون فكرة لزرع الثقة في ابنك سـ كون الليل :: قسم الأسـره والمـجتمـع :: 3 06-12-2010 01:08 AM

 


الساعة الآن 05:07 PM


Powered by vBulletin® Copyright ©2000 - 2024, Jelsoft Enterprises Ltd.
---