راكب اللي لا مشى تومي حباله//لا نوى له ديرة (ن) جاها بحيني - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم قصــه و قـصيــده ::

إضافة رد
انشر الموضوع
 
أدوات الموضوع انواع عرض الموضوع
قديم 04-09-2010, 12:59 AM   #1
 
إحصائية العضو







خالد المشاويه غير متصل

خالد المشاويه is on a distinguished road


افتراضي راكب اللي لا مشى تومي حباله//لا نوى له ديرة (ن) جاها بحيني

اخواني الكرام انقل لكم قصتين وقصيدتين ايضا

وهي لبن خر الذيب العجمي وعبدالله ابن حسين المصارير الدوسري


وكلها تجمع العلوم الغانمة والشعر الجزل



اتمنا ان تستمتعوا بقرائتها



الشاعر راشد بن حسن العجمي الملقب ( بخر الذيب ) كان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي يوقفون السواقين ويطلبونهم توصيلهم على طريقهم .. والشاعر راشد الله يرحمه كان يخالف التعليمات وكل هذا حيا فيه ومرجله يوم من الايام أشرت له عجوز ومعها غنم قالت وصلني يا الأجودي قدام شوي قال ابشيلك بس الغنم .لا قالت له خلاص روح الله يستر عليك بيجي خر الذيب ويشيلني ان شاء الله تقصد راشد العجمي .. قال لها يا خاله انا راشد الذيب .. اركبي وابشري بالخير .. وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث رحمه الله .. وله في ذلك ابيات جميلة منها :


اشـرب الفنجـال واخلـي البيالـه

طيـب و احـب سلـوم الطيبـيـن

والصبي وان طاب قالوا من خوالـه

وان تردى فـادروا انهـم خايبينـي

لالقيت اللـي علـى السكـه لحالـه

يلتفـت ويقـول ويـن المستحينـي

أوقف الموتر حيـا وابغـا الجمالـه

يوم ولد اللاش وجهـه مـا يلينـي

حالف ما اخذ على الطرقـي ريالـه

والثلاثه حالـف انهـا مـا تجينـي

الطمع في كـروة الرجلـي رزالـة

خص وان جابـه مجـال الغانمينـي

والردي فـي حالـة ماهـي بحالـه

واعوينـه مـن كـلام الطيبيـنـي

الـردي لـو بـان مايذكـر عمالـه

مايعـد الـلاش مقصـور اليمينـي

أركبـه لعيـون مـن زيـنٍ دلالـه

ماتحاكـوا فـي قفـاه الرامسينـي

مابغى غيـري وانـا مابغـى بدالـه

قاعـدٍ لـي بالرجـا مـدة سنينـي

ولاقعدنـا بالعمـل بنـا الـرزالـة

ناخـذ العليـا طريـق الفايزيـنـي

قال خر الذيب مـن هاجـوس بالـه

كلمـة يلعـب بهـا والبـال زينـي

قالهـا يومـه طرالـه ماطـرالـه

من هواجيـسٍ تشيـب المرضعينـي

غرني بعض الرجـال بكثـر مالـه

مادرى ان الموت في حبل الوتينـي

كيف ينفعنـي وابـا(......) خالـه

مايقوم البيـت دام السـاس طينـي

ناس ويـن اللـي عوايـده الجمالـة

مثل ابن ظافر حمـد ليتـه يجينـي

الثنـا والجـود دايـم فـي خيالـه

علمـه ظافـر سـلـوم الطيبيـنـي

جـوّد العليـا ولزمّـهـا عيـالـه

وادركوا مـن علمتـه دنيـا ودينـي

واهني من باع حظه واشتـرى لـه

وسار في درب النبي وأخزى اللعيني

موقفـه مـاكـل رجَــال ينـالـه

مـن بغـى ممشـاه يقعـد مرتينـي

كم ذبح من حايـل مـن حـر مالـه

وعادتـه لطمـة خشـوم العايلينـي

ورد عليه الشاعر الكبير : مسعود بن عنبر المقابله الدوسري حيث كان مسعود في احد الأيام يبي يركب مع أهل السيارت المتجهين للرياض ومر عليه شخص معه سياره ومعه ركاب فسأله مسعود ان يركب معهم فقال السواق مالك درب معنا ثم نزل السواق في ظل شجره ونزل برّاد الشاهي وصب لنفسه وترك أخوياه الركاب ما قهواهم معه. بعدها بلحظات مر على مسعود رجل من أهل الهدار بالأفلاج يقال له ابن حسين المصارير الدوسري بسيارته الخاصة ، ووقف ابن حسين لمسعود ثم انزل واحد من ابنائه- كان راكب معه في الغماره- واركبه في الحوض وحلف ان يركب مسعود مكانه ، ولم يكتفي بهذا فقط بل إنه أوقف سيارته ونزل معاميله وزين القهوة وقهوى مسعود والركاب اللي معه وذبح لهم ذبيحة ، وأوصلهم بالمجان ( وكان هذا الكرم من طبعه ) فقال مسعود قصيده طويلة في مدح ابن حسين المصارير وذم ذلك الرجل البخيل ، يقول مسعود في قصيدة طويلة لا أحفظ منها إلا أبيات قليلة :

راكب اللي لا مشى تومي حباله

لا نوى له ديرة (ن) جاها بحيني

انص خر الذيب عندي له رساله

عـندنا مثله ربوع (ن) طيبيني

عندنا ابن حسين يفعل ما طرى له

يركب الطرقي وهيف(ن) له سميني

كم نقل له خبرة (ن) من حرّ ماله

لا لقاهم في الخـلا متعـطـلـيني

ضَـوّهم ضوّه ودلتهم ادلاله

شوف عيني واشهدوا يا حاضريني

جعل يفداه الردي راعي البياله

شارب الشاهي وربعه قاعديني






وسلامتكم

 

 

 

 

 

 

التوقيع

ماني من اللي زلة الصاحب لاجاته تفرحه = بعض البشر ماميّزت باصحابها وخصومها
وان جا يحرّث جمر صحبة عمر بالطيب اطرحه = لي عادةٍ يوم العرب بطبوعها وسلومها
يوم الجدي ماغاب نجم سهيل بالعام المحه = مراجلٍ تحضر مع الموسم تغيب نجومها
والقرم فعل الغانمة عند اللوازم مشلحه = والا الضعوف ضعوف لو تكشخ بكل هدومها

آخر تعديل محمد بن سالم الخضراني يوم 04-09-2010 في 07:41 AM.

    

رد مع اقتباس
قديم 04-09-2010, 02:24 AM   #2
 
إحصائية العضو








محمد بن حمد الشكرة غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

محمد بن حمد الشكرة is on a distinguished road


افتراضي رد: انص خر الذيب عندي له رسالة=عندنا مثله ربوعٍ طيبيني

الله يعطيك العافية ياابو غازي على نقل القصة والقصيدة

وهذي من شيم العرب ومن طيب رووسهم


تقديري,,,

 

 

 

 

 

 

من مواضيع: محمد بن حمد الشكرة

0 دعوة عامة من الشيخ / محمد بن زيد بن جريس الخييلات لحضور ملتقى قبيلة الخييلات
0 ياهـل الموقـع إلــي عنـدنـا غـالـي
0 مرشحي قبيلة الدواسر لإنتخابات نادي السالمية بالكويت-قائمة أبناء النادي
0 وزير التجارة يعين المهندس شويمي الكتاب المصارير عضوا بمجلس إدارة الغرفة التجارية بالخرج
0 سوف بعرض مساء اليوم الجمعة 19/11/1433هـ حفل تكريم الشاعر / نايف بن مسرع الدوسري بمناسبة مشاركته المشرفة في برنامج شاعر المليون للموسم الخامس على شاشة قناة الدانة

التوقيع




الى جنات الخلد يا بو فهد
أسأل الله ان يرحمه رحمةٍ تطمئن بها نفسه وتقر بها عينه
أسأل الله العظيم رب العرش الكريم أن يغفر له ويرحمه ويسكنه فسيح جناته


m.h.s502@vip.cn






    

رد مع اقتباس
قديم 13-09-2010, 01:49 PM   #5
 
إحصائية العضو







مليانه غير متصل

مليانه is on a distinguished road


افتراضي رد: راكب اللي لا مشى تومي حباله//لا نوى له ديرة (ن) جاها بحيني

يسلموووووووووو ع النقل الرائع ولاهنت يلطيب

 

 

 

 

    

رد مع اقتباس
قديم 26-10-2010, 04:24 PM   #7
 
إحصائية العضو








ناصر بن فهد غير متصل

وسام الخيمة الرمضانية 1430هـ الفضي لصاحب المركز: الوسام الفضي لصاحب المركز الثاني بالأفضلية - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

ناصر بن فهد is on a distinguished road


افتراضي رد: راكب اللي لا مشى تومي حباله//لا نوى له ديرة (ن) جاها بحيني

لاهنت على نقل القصه والقصيده وبيض الله وجهك

 

 

 

 

    

رد مع اقتباس
قديم 27-10-2010, 01:32 AM   #8
 
إحصائية العضو







محمد شافي الهواشله غير متصل

محمد شافي الهواشله is on a distinguished road


افتراضي رد: راكب اللي لا مشى تومي حباله//لا نوى له ديرة (ن) جاها بحيني

لاهنت على نقل القصه والقصيده وبيض الله وجهك

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 08:14 AM


Powered by vBulletin® Copyright ©2000 - 2024, Jelsoft Enterprises Ltd.
---