ردي على الشاعر معيوف بن مبارك ال ابو سباع - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 02-09-2008, 09:02 PM   #1
 
إحصائية العضو







مفرج بن ناصر بن جنبان غير متصل

مفرج بن ناصر بن جنبان is on a distinguished road


:t-t-5-: ردي على الشاعر معيوف بن مبارك ال ابو سباع

بسم الله الرحمن الرحيم


اول مواضيعي وهي قصيده رديتها على الشاعر الجزل معيوف بن مبارك ال ابو سباع المسعري عندما قال في قصيده له


سلام يا لاد المنيعي مـن صناديـق الضميـر=سلام ياللهضب المسمـى والشجاعـه والفخـر
سلام يا لاد المنيعي من كبيـر ومـن صغيـر=سلام يا رووس الرجال الي تدوسون الخطـر
راسي يشوش من الفعول الي تشيـب بالغريـر=فعل المنيعي يوم شبت النار والمـوت الحمـر
يا جعل راس ما يشوش الموت والسيف الشطير=يعيش عيشة محتقـر ويمـوت موتـة محتقـر
لاد المنيعـي للمعـادي علقـم وشـر شريـر=ولصاحب الطف من زماليق الخزاما والزهـر
يا عزوتن تسكر على صوت البنادق والنذيـر=والسيف الملح والجنابي ماهي بتسكـر خمـر
لكم على الطالات ميراد على الجـم وصديـر=ولكم على الاطلال مايبـرد لواهيـب الصـدر
حنا لكم وانتو لنا في شمـس ولا فـي هجيـر=دواسرن لامن كسرنا العضم يبطي مـا جبـر
مافيه منا واحدن قد صار في الصـف الاخيـر=آمرين يا اما العز في الدنيا يا مـووت معتبـر
دواسـرن وافعالنـا تحيـر بالـي مايحـيـر=وسلومنا ماهيب لا مـع زيـد ولا مـع عمـر
حنا مزبنة الملـوك وكـل سيـف لـه جفيـر=يوم الوجيه وجيه والدنيا لهـا بطـن وضهـر
وحنا مروعة الشيوخ بحـد سيـف مـا ينيـر=يومنها تطحـن رحاهـا بالشيـوخ وبالجبـر
وحنا مدلهـة الغريـب اليـا لفانـا والقصيـر=وحنا شغاميم الرجال اهـل العوايـد والضفـر
وحنا لنا التاريخ يكتب من تبوك اليـا عسيـر=ان الدواسر في العلاء العالي لها بيـت ومقـر
وحنا نخلي مايجـي عسيـر بـذن الله يسيـر=بشر لاكنا في الحرايب مـا تقـول انـا بشـر
هاذا قليل من كثيـر وكـل مـا قلتـه يصيـر=دامه مجير بالدواسر عـز فـي سـر وجهـر


و ردي على ابو مبارك اقول

قم يانديبي فوق جيبٍ صانعه رجلٍ خبير=جيبٍ على حسب الطلب من مصنعه توه صدر
لكزس اليا منه مشى الخط الطويل اصبح قصير=من مركبه ما يشتكي السواق لو طال السفر
لكزس جمع كل المزايا ولا مع اللكزس خشير=في سرعته في راحته وصفه يحير ابه الفكر
مركب غنين العرب ما ركبه عيال الفقير=اللي حياته كل ابوها دين و هموم و كدر
انا اشهد انه درةٍ من حد شبكه لــ اسبير=في لازمي ما همني سعره ولو زاد السعر
شيّك عليه و جهزه يا مسندي لاجل المسير=ثم دق سلفه يا حزامي لا فرغة من الفجر
حرك من الوادي ونصه راعي الوجه السفير=راعي الوفا راعي الكرم راعي الجزاله في الشعر
ولامن لقيته حب لي خشمه عسى الطيب بخير=وبلغ سلامي للشجاع اللي على العليا شهر
لاجيته بتلقى الشحم و البن و الخير الكثير=و العود الازرق يجعله راعي الكرم فوق الجمر
تعيش يارجلٍ عشقت الطيب من يومك صغير=و تعيش يارجلٍ فعولك بينه مثل القمر
يا شاعرٍ قولك جزل وانته كما العد الغزير=تنقش بيوتك يا ابو مبارك كما نقش الحجر
و انته من ربوعٍ تضد الضد في اليوم العسير=افعالكم تشهد بها العربان من بدو و حضر
اللابه اللي لا حصل يومٍ عبوسٍ قمطرير=تارد على حياض المنايا ولا تهاب من الخطر
تروي الهنادي كل ما قامت رحاها تستدير=لاجل الكرامه ترخص الارواح و تبيع العمر
الآد ابو سباع مروين الجنابي والشطير=لا دارت الهيجا على الاعداء كما موج البحر
من فعلكم كم من عدوٍ عاش مقهور حسير= ومن ضربكم كم من عقيدٍ ساكنٍ وسط القبر
هدادكم يشبع به السرحان وايضا كل طير=و مداتكم تغني الضعوف اللي شكى هم و فقر
و انتم على الاعداء عذاب وعلقم و ضر و ضرير=و للصاحب احلى من حليب اللي رعت روضٍ خضر
و انتم مقابيس الوغى وانتم هل الفعل الشهير=يوم الجهل بسيوفكم حامين حسكات الوبر
و انتم كما جبال ذراها مزبنٍ للمستجير=واللي نخاكم في نهار الضيق يبشر بالنصر
و انتم لكم بين القبايل هيبه و قدر كبير=و انتم هل الطالات و الفزعات لا حل القشر
في مدحكم جتني البيوت يقودها سلك الحرير=وردت غبات البحور و جبت انا منها الدرر
ارسل تحياتي لكم وانا هنا لربعي سفير=ورجلٍ يقول الصدق له قيمه وله دايم قدر
وختامها صلو على اللي سنته نورٍ منير=شفيعنا لا شخصت الابصار في يوم الحشر


وسلامتكم.....


اخوكم الشاعر


مفرج بن ناصر بن جنبان المخاريم

 

 

 

 

    

رد مع اقتباس
قديم 02-09-2008, 09:13 PM   #2
 
إحصائية العضو








محمد الولامين غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده المميزة في خدمة الموقع
: 1

محمد الولامين is on a distinguished road


افتراضي رد: ردي على الشاعر معيوف بن مبارك ال ابو سباع

الآد ابـو سبـاع مرويـن الجنـابـي والشطـيـر=لا دارت الهيجا على الاعـداء كمـا مـوج البحـر
من فعلكم كـم مـن عـدوٍ عـاش مقهـور حسيـر=ومن ضربكم كم مـن عقيـدٍ ساكـنٍ وسـط القبـر
هدادكم يشبـع بـه السرحـان وايضـا كـل طيـر=و مداتكم تغني الضعوف اللـي شكـى هـم و فقـر


ونعم في أل بوسباع كلهم


عز الله يستاهلون المدح



وصح لسان ابو مبارك على قصيدته الطيبه

ويستاهلون المخاريم علومهم غانمه

فعلهم مخبور من اول وتالي

وصح لسانك يابوناصر على ماقدمت من جزاله

وبيض الله وجهك على الابداع اللي ماهو مستغرب عليك

ولا تحرمنا من جديدك

لا هنت على كل حال

 

 

 

 

    

رد مع اقتباس
قديم 02-09-2008, 09:36 PM   #3
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: ردي على الشاعر معيوف بن مبارك ال ابو سباع

كنت أدري من يوم قريت اسمك يابو ناصر مسجل في ومنتدى الدواسر الرسمي أن للجزالة موعد مع هذا المنتدى ، وبالفعل أو مشاركة لك قصيدة لك وللشاعر المطنوخ معيوف بن مبارك المسعري.

قصيدة معيوف تكتب بماء الذهب وتستاهلون يالاد المنيعي المدح من أول وتالي وبيض الله وجهه على القصيدة التي عبر بها عن شعوره وشعور كل دوسري أصيل تجاه أبناء عمومته اللي يستاهلون المدح.

وقصيدتك تطلى بالذهب الخالص يابو ناصر وعز الله رد وافي وجزل من شاعر شرب الجزالة والإبداع وماعليكم زود يابني عمنا.
لاهنت يابو ناصر وبيض الله وجهك على القصيد الجزل انت والمطنوخ معيوف.
تقبل ودي وتقديري ،،،

 

 

 

 

    

رد مع اقتباس
قديم 02-09-2008, 10:47 PM   #4
 
إحصائية العضو







شافي القويسي المخاريم غير متصل

شافي القويسي المخاريم is on a distinguished road


افتراضي رد: ردي على الشاعر معيوف بن مبارك ال ابو سباع

صح لسانك يا ابو ناصر على الرد الوافي
توقعت الرد منك على قصيده معيوف
بيض الله وجهك على كل حال
و ننتظر ابداعات اخوي مفرج
تحياااااااتي

 

 

 

 

    

رد مع اقتباس
قديم 02-09-2008, 10:56 PM   #5
 
إحصائية العضو







ابو فهد الغييثي غير متصل

وسام الدواسر البرونزي: للأعضاء المميزين والنشيطين - السبب: التميز والنشاط
: 1

ابو فهد الغييثي is on a distinguished road


افتراضي رد: ردي على الشاعر معيوف بن مبارك ال ابو سباع

صح السانك وعتلى شانك يابو ناصر

عز الله انها قصيده جزله مثل قايلها

ولاهنت على كل حال وننتظر جديدك

تحياااااااااااااااااااااااااااااتي

 

 

 

 

    

رد مع اقتباس
قديم 03-09-2008, 02:28 AM   #6
 
إحصائية العضو








ابو زابن المسعري غير متصل

ابو زابن المسعري will become famous soon enoughابو زابن المسعري will become famous soon enough


افتراضي رد: ردي على الشاعر معيوف بن مبارك ال ابو سباع

صح الله لسان الشاعر معيوف ويستاهلون آلاد المنيعي
وصح الله السانك وبيض الله وجهك

 

 

 

 

 

 

التوقيع

لاصار حظك ردي والوقت ماياوي= مناطح الروس خيرا من مصافحها
وإن لم تكن ذيب في راس الجبل عاوي= اصبحت طمعة لعاويها ونابحها

    

رد مع اقتباس
قديم 03-09-2008, 04:23 PM   #7
 
إحصائية العضو








العماني غير متصل

العماني is on a distinguished road


افتراضي رد: ردي على الشاعر معيوف بن مبارك ال ابو سباع

الله الله

الشاعر الكبير والمحبوب مفرج بن ناصر بن جنبان المخاريم

في البداية مرحبا بك ملايين في محلك وبين ربعك وبني عمك في موقع الدواسر الرسمي

وسعيدين بانضمامك لأسرة المنتدى ولكوكبة الشعراء المشاركين فيه وهذا شرف لنا .

وصح الله لسان الشاعر معيوف ال بوسباع وبلاشك انه عبّر عن مشاعرنا كلنا خلال فترة القاءه القصيده ، وصح الله لسانك مدد مهوب عدد على الرد الجميل الغير مستغرب من شاعر جزل تعودنا منه دائما ً الجزاله .

في انتظار ابداعاتك الجميله

تقبل تحياتي،،

 

 

 

 

    

رد مع اقتباس
قديم 03-09-2008, 05:02 PM   #8
 
إحصائية العضو







غازي المسعري غير متصل

غازي المسعري is on a distinguished road


افتراضي رد: ردي على الشاعر معيوف بن مبارك ال ابو سباع

وصح لسان ابو مبارك على قصيدته الطيبه

ويستاهلون المخاريم علومهم غانمه

فعلهم مخبور من اول وتالي

وصح لسانك يابوناصر على ماقدمت من جزاله

كل الشكر

 

 

 

 

    

رد مع اقتباس
قديم 03-09-2008, 05:16 PM   #9
 
إحصائية العضو








مبارك الخييلي غير متصل

وسام الدواسر الذهبي: للأعضاء المميزين والنشيطين - السبب: لجهوده الجباره والمتميزه في خدمة موقع قبيلة الدواسر الرسمي
: 1

مبارك الخييلي is on a distinguished road


افتراضي رد: ردي على الشاعر معيوف بن مبارك ال ابو سباع

أبو ناصر



صح ألسانك وعتلى شانك



وبيض الله وجهك وجعل يمينك سالمة لهذه الأبيات الرائعه


وصح ألسان الشاعر الكبير معيوف أبن مبارك


أدمنا اللع على طاعته



وماقول ألا كما قال الجباري في حضور مران بن قويد والقصيده التي قالها


ما قول ألا عسى الله يجمعكم ولايفرقكم


تقبلوا شكري والتقدير

 

 

 

 

 

 

التوقيع

    

رد مع اقتباس
قديم 06-09-2008, 11:13 PM   #10
 
إحصائية العضو







مفرج بن ناصر بن جنبان غير متصل

مفرج بن ناصر بن جنبان is on a distinguished road


افتراضي رد: ردي على الشاعر معيوف بن مبارك ال ابو سباع

اقتباس:
المشاركة الأصلية كتبت بواسطة محمد الولامين مشاهدة المشاركة
الآد ابـو سبـاع مرويـن الجنـابـي والشطـيـر=لا دارت الهيجا على الاعـداء كمـا مـوج البحـر
من فعلكم كـم مـن عـدوٍ عـاش مقهـور حسيـر=ومن ضربكم كم مـن عقيـدٍ ساكـنٍ وسـط القبـر
هدادكم يشبـع بـه السرحـان وايضـا كـل طيـر=و مداتكم تغني الضعوف اللـي شكـى هـم و فقـر


ونعم في أل بوسباع كلهم


عز الله يستاهلون المدح



وصح لسان ابو مبارك على قصيدته الطيبه

ويستاهلون المخاريم علومهم غانمه

فعلهم مخبور من اول وتالي

وصح لسانك يابوناصر على ماقدمت من جزاله

وبيض الله وجهك على الابداع اللي ماهو مستغرب عليك

ولا تحرمنا من جديدك

لا هنت على كل حال

صح بدنك يالغالي على الاطراء الرائع ووجهك ابيض و باذن الله سامتعكم بماهو جديد اخلاص و تقديري لك اخوي محمد

 

 

 

 

    

رد مع اقتباس
قديم 06-09-2008, 11:18 PM   #11
 
إحصائية العضو







مفرج بن ناصر بن جنبان غير متصل

مفرج بن ناصر بن جنبان is on a distinguished road


افتراضي رد: ردي على الشاعر معيوف بن مبارك ال ابو سباع

اقتباس:
المشاركة الأصلية كتبت بواسطة راشد المسعري مشاهدة المشاركة
كنت أدري من يوم قريت اسمك يابو ناصر مسجل في ومنتدى الدواسر الرسمي أن للجزالة موعد مع هذا المنتدى ، وبالفعل أو مشاركة لك قصيدة لك وللشاعر المطنوخ معيوف بن مبارك المسعري.

قصيدة معيوف تكتب بماء الذهب وتستاهلون يالاد المنيعي المدح من أول وتالي وبيض الله وجهه على القصيدة التي عبر بها عن شعوره وشعور كل دوسري أصيل تجاه أبناء عمومته اللي يستاهلون المدح.

وقصيدتك تطلى بالذهب الخالص يابو ناصر وعز الله رد وافي وجزل من شاعر شرب الجزالة والإبداع وماعليكم زود يابني عمنا.
لاهنت يابو ناصر وبيض الله وجهك على القصيد الجزل انت والمطنوخ معيوف.
تقبل ودي وتقديري ،،،

جعل والديك في الجنه و اشكرك على المدح و الاطراء الجميل و تفداك الرخوم اخوي راشد و ابو مبارك قصيده جميله بغض النظر انها مدح في المخاريم و يستاهل من يرد عليها كل احترامي لك اخوي راشد

 

 

 

 

    

رد مع اقتباس
قديم 06-09-2008, 11:19 PM   #12
 
إحصائية العضو







مفرج بن ناصر بن جنبان غير متصل

مفرج بن ناصر بن جنبان is on a distinguished road


افتراضي رد: ردي على الشاعر معيوف بن مبارك ال ابو سباع

اقتباس:
المشاركة الأصلية كتبت بواسطة شافي القويسي المخاريم مشاهدة المشاركة
صح لسانك يا ابو ناصر على الرد الوافي
توقعت الرد منك على قصيده معيوف
بيض الله وجهك على كل حال
و ننتظر ابداعات اخوي مفرج
تحياااااااتي
صح بدنك يا ابو مبار ك ووجهك ابيض و لاهنت على كل حال

 

 

 

 

    

رد مع اقتباس
قديم 06-09-2008, 11:21 PM   #13
 
إحصائية العضو







مفرج بن ناصر بن جنبان غير متصل

مفرج بن ناصر بن جنبان is on a distinguished road


افتراضي رد: ردي على الشاعر معيوف بن مبارك ال ابو سباع

اقتباس:
المشاركة الأصلية كتبت بواسطة ابو فهد الغييثي مشاهدة المشاركة
صح السانك وعتلى شانك يابو ناصر

عز الله انها قصيده جزله مثل قايلها

ولاهنت على كل حال وننتظر جديدك

تحياااااااااااااااااااااااااااااتي
ما عليك زود يا ابو فهد و صح بدنك و لك كل الاحترام

 

 

 

 

    

رد مع اقتباس
قديم 08-09-2008, 02:50 AM   #14
 
إحصائية العضو







ســـطام الروقي غير متصل

ســـطام الروقي is on a distinguished road


افتراضي رد: ردي على الشاعر معيوف بن مبارك ال ابو سباع

مفرج صح لسانك مليااااااار جزل جزل

 

 

 

 

 

 

التوقيع

[poem font="Simplified Arabic,5,white,normal,normal" bkcolor="orange" bkimage="" border="ridge,6,blue" type=0 line=0 align=center use=ex num="0,black"]
متى يجي وصــــــل فصل المواليف=مبـــــطي وانا أعد الليالي بالأرقام
مستنظرآ عز الشتاء من أول الصيف=مواعدآ نفسي طرف بـــــرد الايام
أحاول أسلى وأخدع النفس بالزيف=يغضبني الواقع وترضيني أوهـــام
أبضرب دروبن قد محتها العواصيف=وأكتب على الصحراء مشاوير الأقدام[/poem]

    

رد مع اقتباس
قديم 10-09-2008, 10:17 PM   #15
 
إحصائية العضو







مفرج بن ناصر بن جنبان غير متصل

مفرج بن ناصر بن جنبان is on a distinguished road


افتراضي رد: ردي على الشاعر معيوف بن مبارك ال ابو سباع

ارحب ياسطام الروقي واشكرك على مرورك وادام الله سرورك

ياعتيبه ياهل الجود والجمع الرزين=ياهل ابيوتن تذري جميع اركانها


هذا بيت من قصيده وهي لها مناسبه وبتسمعها عن قريب كامله باذن الله والسلام عليكم

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة لحفل (ترقية الشيخ محمد بن مرّان بن قويد)وحصوله على درجة الماجستير برعاية الشيخ مرّان بن متعب بن قويد (حفظه الله تعالى) الإداره :: قسم اللقــاءات والفعاليات والتغطيات الخاصة:: 51 09-10-2011 10:09 PM
التغطية المصورة لحفل المسابقة الشعرية الأولى لموقع قبيلة الدواسر الرسمي الإداره :: قسم المسابقة الشعرية السنوية للموقع الرسمي لقبيلة الدواسر :: 17 11-12-2010 11:09 PM
الدراسة التفصيلية الكاملة لشعر المحاورة عقاب بن هذال ال بريك :: قسم المــحــاورة والألــغـاز:: 8 09-10-2010 08:54 PM
التغطية الـمصّورة للحـفل الثـاني لموقع الدواسر الرسمي برعاية الغرره الإداره :: قسم اللقــاءات والفعاليات والتغطيات الخاصة:: 29 18-08-2007 06:40 PM

 


الساعة الآن 11:45 AM


Powered by vBulletin® Copyright ©2000 - 2024, Jelsoft Enterprises Ltd.
---