وقعه ياطب بين الدويش وابن رشيد وقصيدة العوني التي اشعلت شمر - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: القسم الـتاريخــي الــعام ::

إضافة رد
انشر الموضوع
 
أدوات الموضوع انواع عرض الموضوع
قديم 11-02-2009, 11:02 AM   #1
 
إحصائية العضو







سمي الظبي غير متصل

سمي الظبي is on a distinguished road


:r-r-5: وقعه ياطب بين الدويش وابن رشيد وقصيدة العوني التي اشعلت شمر

بعد مقتل الامير عبد العزيز بن متعب ال رشيد تنازع ال رشيد على امارة حائل وشمر فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد الى ابن سعود خوفا من ابن عمه محمد بن طلال ان يقتله وفي ظل تنزاع ابناء العمومه على الحكم زعلت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل في ظل تلك الاحداث قام الملك عبدالعزيز ال سعود بارسال فيصل بن سلطان الدويش على راس جيشه الكبير لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش وجيشه امام ابن رشيد ، قال العوني مخاطبا قبيلة شمر على لسان ابن رشيد قصيدة أحزنتني


عزي لقلبٍ كل ما طرف الليـل
=عليه صـارن الدقايـق جلايـل
واعتاظ عن طيب الكرى بالتعاليل
=بافكار واذكـار وقـول وقايـل
والعين كن ابموقها يـدرج الميـل
=عيت تطيق النوم من فور جايـل
على بني عمي اسنادي عن الميـل
=نطاحة الكايـد اكبـار الحمايـل
اقفوا كما مزنٍ ثقيـل المخاييـل
=من زاعج الغربي حدر له شعايـل
شمر مقابيس المنايـا هـل الخيـل
=عصمان الاريا مقحمين الدبايـل
يا دار وين أهل المهار المشاويـل
=اهل النزول اللـي تعـز النزايـل
بكيتهم يوم ارتكى فوقي الشيـل
=وذكرتهم يو اقبل الضـد صايـل
وصاح الصياح وطوحن الهلاهيل
=وهلت ادموع معكرشات الجدايل
وقلت ابشرن ما دام بالعمر تمهيل
=ما دام ما رزت علينا النضايـل
لا تبكين الوحدة قِل الرجاجيـل
=ما دام عيـن الله علينـا تخايـل
وظهرت أنا باسم العصاة المشاكيل
=لو هم قليل يدركـون الجمايـل
هم حاصلي لا كملنّا المحاصيـل
=غوش الجبل خزني غلامين حايـل
باعوا عزيز العمر دون المضاليـل
=وحموا حماهـا مقدميـن الفعايـل
قالوا عليهم قلت يزجوا اهل الخيل
=وقهرتهم غصب ووردوا غلايـل
واذنيت هجنٍ يقربـن المحاويـل
=هوج هجاهيج اهجـاف نحايـل
عليكم يطرب قلـوب المراسيـل
=خفقات رفقات صلاب جلايـل
قلايص عوص صعاصع شماليـل
=من سلسلة نسل السباق السلايل
الصبح مدن كنهن جولـة الريـل
=رفيحٍ علت من فوقها ارجال حايل
وصبح اربعٍ تلفي نزول كما الليل
=شمّر إليا عدت فـروع القبايـل
أدنى بالادنى خبروهـم بتفصيـل
=لا تسفهون اصفارهم والجمايـل
ولازم إليا شافوا اركاب مقابيـل
=تلزمهم النشدات عن سكن حايل
قولوا لهم يا مقبلين علـى خيـل
=نجد واهلهـا يطلبـون الاوايـل
جونا هل العارض جموع كما الليل
=يبغون دار هابهـا كـل عايـل
وجرى لمنا يومٍ يا طب به الشيـل
=يطيح ما تشنى عليهـا الرحايـل
واضفا على عكاش مثل الهمال
=يـليا طول ما حنـا لهـم بالاوايـل
وين الطنايا ؟ وين شرابـة الهيـل
=وين الرجال اللي تشيل الثقايـل؟
وين السيوف اللي نعدل بها الميـل
=وين الرماح اللي ترد كل عايل ؟
وين النشاما والعصاة المفاليـل ؟
=وجميع من ضربه تضيع الدلايـل
نشرب بهم صافي القراح الشهال
=يلوننزل بهم غصب على كل طايل
تذكرتهم يوم ارتدم فوقي الشيـل
=ونخيتهم يوم اقبل الضـد صايـل
غلبا ترى بلدانكم لبست النيـل
=تنخى الرجال المكرمين الاصايـل
تنخى اهل العادة كرام الاسابيـل
=يوم التعازي والدخن له صلايـل
قلته وانا معكم على العدل والميل
=لعل ما نعتـاظ عنكـم بدايـل
تمت وصلوا عد وبـل المخاييـل
=على نبي الحـق مـا زال زايـل

 

 

 

 

    

رد مع اقتباس
قديم 15-03-2009, 08:40 AM   #2
 
إحصائية العضو








نايف الخييلي غير متصل

نايف الخييلي is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

قصيده حماسيه ورائعه
الشكر لك على الطرح والحمد لله على نعمة الإسلام

 

 

 

 

    

رد مع اقتباس
قديم 03-07-2009, 02:39 PM   #3
 
إحصائية العضو







سمي الظبي غير متصل

سمي الظبي is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

نايف الخييلي

كل التقدير لمرورك الكريم

 

 

 

 

    

رد مع اقتباس
قديم 15-08-2009, 02:33 AM   #4
 
إحصائية العضو








شيهانه بكف صقار غير متصل

شيهانه بكف صقار is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

قصيدددددة وافيـــــــــــه ابدع بصياغتها العوني المطيري

صح الله لسانك ولسااان القايل ولا هنت ع النقل الموفق

تحياتي لك

 

 

 

 

 

 

التوقيع

    

رد مع اقتباس
قديم 20-08-2009, 01:17 AM   #6
 
إحصائية العضو







ابو عمر الشمري غير متصل

ابو عمر الشمري is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

لاهنت يا سمي الظبي ,,, ويقال ان ابن رشيد هو من قال اول سبع ابيات من القصيدة ودمعة عينه وحين جاء العوني سئل قال وش قال الامير قالو قال كذا وكذا وتوقف عن القصيد وكملها العوني ,, اخر بيت لبن رشيد كان,, يا دار وين أهل المهار المشاويـل
=اهل النزول اللـي تعـز النزايـل ,,, واعتقد الشاعر يستطيع يلاحض تغيير نفس القصيدة من هذا البيت

 

 

 

 

    

رد مع اقتباس
قديم 01-09-2009, 06:03 PM   #7
 
إحصائية العضو







هذلول غير متصل

هذلول is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

معركة ياطب انتصر فيها جيش الاخوان وتم بعدها فتح حائل وتم القبض على العوني
وسجنه الملك عبدالعزيز بالاحساء هذا التاريخ وقصائد العوني عظيمة وحماسية
لكن نجم ال رشيد أفل وتركت الكثير من قبائل شمر حائل للعراق ..

 

 

 

 

    

رد مع اقتباس
قديم 01-09-2009, 07:10 PM   #9
 
إحصائية العضو







دغش محمد الصخابرة غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

دغش محمد الصخابرة is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

قصيده حماسيه ورائعه
الشكر لك على الطرح والحمد لله على نعمة الإسلام

 

 

 

 

    

رد مع اقتباس
قديم 04-12-2009, 10:02 PM   #10
 
إحصائية العضو







سمي الظبي غير متصل

سمي الظبي is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

اقتباس:
المشاركة الأصلية كتبت بواسطة ابو عمر الشمري مشاهدة المشاركة
لاهنت يا سمي الظبي ,,, ويقال ان ابن رشيد هو من قال اول سبع ابيات من القصيدة ودمعة عينه وحين جاء العوني سئل قال وش قال الامير قالو قال كذا وكذا وتوقف عن القصيد وكملها العوني ,, اخر بيت لبن رشيد كان,, يا دار وين أهل المهار المشاويـل
=اهل النزول اللـي تعـز النزايـل ,,, واعتقد الشاعر يستطيع يلاحض تغيير نفس القصيدة من هذا البيت
شكرا للاضافه

والشكر لمرورك الكريم

 

 

 

 

    

رد مع اقتباس
قديم 04-12-2009, 10:06 PM   #11
 
إحصائية العضو







سمي الظبي غير متصل

سمي الظبي is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

اقتباس:
المشاركة الأصلية كتبت بواسطة هذلول مشاهدة المشاركة
معركة ياطب انتصر فيها جيش الاخوان وتم بعدها فتح حائل وتم القبض على العوني
وسجنه الملك عبدالعزيز بالاحساء هذا التاريخ وقصائد العوني عظيمة وحماسية
لكن نجم ال رشيد أفل وتركت الكثير من قبائل شمر حائل للعراق ..
نجم القبائل افل وليس ابن رشيد فقط !

وين القبائل
واين مواطنها
واراضيها !
لم يعد لهم صيت ولا مناصب ولاشيء

والله المستعان

 

 

 

 

    

رد مع اقتباس
قديم 04-12-2009, 10:08 PM   #12
 
إحصائية العضو







سمي الظبي غير متصل

سمي الظبي is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

اقتباس:
المشاركة الأصلية كتبت بواسطة محمد بن سالم الخضران مشاهدة المشاركة
سمي الضبي لاهنت على القصه

والقصيده الحماسيه
جزيل الشكر لمرورك

 

 

 

 

    

رد مع اقتباس
قديم 04-12-2009, 10:11 PM   #13
 
إحصائية العضو







سمي الظبي غير متصل

سمي الظبي is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

اقتباس:
المشاركة الأصلية كتبت بواسطة دغش محمد الصخابرة مشاهدة المشاركة
قصيده حماسيه ورائعه
الشكر لك على الطرح والحمد لله على نعمة الإسلام
جميع القبائل تنتمي الى الاسلام حتى قبل تأسيس الدوله السعوديه
فالحكم لو كان لاي قبيله فالاسلام تحصيل حاصل
قد تختلف الاوضاع السياسيه والاداريه للافضل او للاسوء
لانعلم الغيب
لكن نتفق جميعا على الاسلام موجود ولم ينشأ مع الدوله السعوديه

والحمد لله على كل حال

 

 

 

 

    

رد مع اقتباس
قديم 04-12-2009, 10:59 PM   #14
 
إحصائية العضو







راشد محمد المقابله غير متصل

راشد محمد المقابله is on a distinguished road


افتراضي رد: وقعه ياطب بين الدويش وابن رشيد وقصيدة العوني التي اشعلت شمر

الله يعطيك العافيه على القصه والقصيده ولاهنت

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 12 ( الأعضاء 0 والزوار 12)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 11:22 AM


Powered by vBulletin® Copyright ©2000 - 2024, Jelsoft Enterprises Ltd.
---