الــــعـــيــــــيـنـــه - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: القسم الـتاريخــي الــعام ::

إضافة رد
انشر الموضوع
 
أدوات الموضوع انواع عرض الموضوع
قديم 12-04-2005, 10:55 PM   #1
 
إحصائية العضو








ابـو مــحــمــد غير متصل

ابـو مــحــمــد is on a distinguished road


افتراضي الــــعـــيــــــيـنـــه

السلام عليكم ورحمة الله وبركاته

يوم العيينة معركة أشتهرت في بداية القرن العشرين كان أطرافها العجمان من جانب وابن جلوي والهواجر وسبيع والقبايل من ورائه وكان ابن شافي يتحين الفرص بتحريض ابن جلوي على العجمان وخاصة بعد معارك ذاق فيها ابن شافي مرارة الهزيمة أكثر من مره وهي كالتالي معركة جودة معركة كون قدام معركة الرياحية ومعارك كثيره.
و لان ابن شافي وربعه لا يستطيعوا مواجهة العجمان وجها لوجه اشتركوا مع ابن جلوي والقبائل الاخرى في محاربة العجمان وبعد غدر فهد بن عبدالله ابن جلوي لامير العجمان ضيدان رحمه الله حيث حذر العجمان الامير ضيدان من إجابة دعوة ابن جلوي فقال الامير ضيدان لربعه العجمان إذا أتى المغرب ولم أظهر عليكم فعلموا أن ابن جلوي غدر بي وعندما أتى الامير ضيدان لابن جلوي قام بإكرامه في البداية والغدر به فقام بقتله فهرب أحد مرافقين الامير ضيدان من قبضة ابن جلوي ليخبر العجمان بغدر ابن جلوي للامير ضيدان بن حثلين فركض مرافق الامير ضيدان من العيينة الى الصرار وهي مسافة تتجاوز 10 كم بوقت قياسي وعندما أخبر العجمان أثار فيهم الحماس والانتقام من الغادر ومن معه من القبائل فاتفقوا العجمان بعدم لبس الثياب ولكن لبس الملابس الداخليه الخفيفة ليعرفوا بعضهم في الحرب وهذا ما تأكده الابيات التي سوف أذكرها.
في ذلك الوقت دب الفزع والخوف في ابن شافي امير بني هاجر ومن معه من بني هاجر الذين تمنوا انه لم يسمعوا كلامه ولم يتبعوه او يجعلوه شيخا عليهم وحاول ابن جلوي الفرار ومن معه من القبائل ولكن العجمان كانوا أقرب إليه من شَرَك نِعليه وحاول الهواجر الهروب وترك ابن جلوي خلفهم ولكن أين المفر
فأتى العجمان وكأن الارض تزلزل من تحتهم بسبب غضبهم الجامح الذي أفقد ابن شافي عقله فأصبح يترنح من الروع الذي دب في قلبه

وفي قدوم العجمان من الصرار الى العيينه قال الشاعر
:

يوم جينا مع الصوان جرداني=يا زين ضرب النمش في قوم عبدالله
وبندق(ن ) في العيينه حج راعيها=صوبت من فهد لكبد عبدالله

فهد المقصود هنا فهد بن عبدالله بن جلوي الذي غدر في الامير ضيدان وعبدالله هو ابو فهد حيث مات حسرة بعد مقتل ابنه فهد في العيينة.
وساق ابن جلوي الهواجر بقيادة ابن شافي
أشتروها القصاصيب بردى ثمن=واقصبوها وأهلها يشوفونها

وفعلا حضر ابن شافي مصارع قومه في العيينه والقبائل التي ساندت ابن جلوي لم يكن حظها بأقل من حظ ابن شافي الذي آثر السلامه وهرب تاركاً مصرع سيده ابن جلوي ومصارع أبناء عمه في العيينه.


قال الشاعر الكبير الذي حظر معركة العيينة سالم بن حوشان
:

لاكن ما سِرنا عليهم مساليخ=ما كِنْ حِنَّا نافلين القبايل
سِرنا بجمع(ن) يشلخ الجمع تشليخ=عجمان لَمَنَّه عصى كل عايل
الدم يزعج في نِحير الصَّلاليخ=في الليل مِنا كَنَّهم في القوايل
سِدْحانهم مثل الطروح المداليخ=مِتْروِّسين فوق روس النثايل
ابن شافي يعتِرض كنه الذِّيخ=ما يدري يتحقق وين وجه الدبايل
من جوخهم والصبح ربعي مجاويخ=إمحذفينه ذاهبين الحمايل
من ضرب ربع(ن) قادمين على الشيخ=إمصقلات يوردن الغلايل
يازين وسط إخيامهم دقَّت السيخ=يا ليت ضيدان إبعينه يخايل

تِماسطوا ظفرانا وظفرانهم=إمشوِّكات(ن) وردِّداً إشيوف
لكن زعيج الدم بينا وبينهم=وروس(ن) تخالف مالها إكتوف
منهم السبيعي طق يبغي ديرته=والهاجري مِتزبن(ن) الجوف

ويوجد لدي عرضه حربيه للعجمان يوم العيينه
::

ياضيدان يازبن المجنى=مارضينا عقبك بالمهونه
الخيال منا مايتتـــــنا=والتفاق ماترمش عيــــونه


اللعب والله فـي العيينـه لعبنـاه=ياللـي مـع نسوانكـم تلعبونـي
جمعن لعيبه فالملاعـب تمثنـاه=بمشوكاتـن يلهـبـن المتـونـي
يوم اعترض جمعه علينا دمرنـاه=ماعاد تنينا اللي بعيـدن يجونـي
طقيقهـم مازيـد تمحـا جدايـاه=والشيخ منهم شاعفتـه الجنونـي
احدن شعفه الجن واحـدن قتلنـاه=واحدن هلك بين الغضا والعيوني
طرحانهم مثل الخشيـب المدانـاه=ربعي للـي ماحنـن يمحنونـي
لا زعزعوا مرزوق عقب المثاراه=ماعادهم للـي دعـوا يسمعونـي
سمن الغنم ينثر على كف يمنـاه=اللي قصر من ماقفه كـل دونـي
خيامهـم علـى المبانـي مبنـاه=وعوالنـا بفعولهـم يكبـرونـي
ليلن عليهم ما احدن قبـل سـواه=ليلن تواصيفه علـى كـل لونـي
ان قلت براق الحيـا كنـه ايـاه=مثل الرعد من راسيات المزونـي
جون على الجدان من جاه جينـاه=ولا حصل للـي قديمـن بهونـي
نحتدهم حـد الضمايـا لمضمـاه=حتى انهم من عقبنـا يسمحونـي
يا من يرد العلـم للشيـخ لاجـاه=ياويش عادهم من ورانا يبونـي
عوالنا فرسـان الخيـل مطغـاه=ولا مر عليها بالنمـش يلحقونـي
كم واحدن منهم على القاع دسنـاه=عليه تكفـخ جوختـه والزبونـي
يستاهل اللي فالصيانـي مجفـاه=غصبن على اللي عندهم يرملوني
حريبنا ما ياكـل الـزاد لاجـاه=مثل الرمد لاما وقـع فالعيونـي
حريبنا لامـن حربنـا حربنـاه=بمصقلاتـن يشلخـن المتـونـي
العـو لامنـه برانـا بريـنـاه=بشلفن مضاربها تفـج الزغونـي
والعد لامن جا المزاحـم مردنـاه=بجموعنا اللي ضافيات الركونـي
يفدانا اللي ما يعـرف المجـازاه=عليه دايـم لا بغـوا يخمرونـي
لعيون شقحا مقدم الـزود تبـراه=هجاجتـن لا طرقـوا باللحونـي
ننزل لها فاللـي تـوده وتشهـاه=بعوالنا اللـي ينزعـون الديونـي
ومهارنا اللـي للحرايـب مغـذاه=في دارها الاجناب ما يرتعونـي

وذي قصيدة عصام الحريصي المحفوظي

ليل العينه مزينه ليل السعد=بان الشجاع وبان من طق الشرود
جود الامير وحن سرينا للوعد=ماهمنا كثر المخايم والجنود
لاميرنا ضيدان قاضينا فهد=ونحمد اللي حان خوان العهود
ونحمد اللي حان خوان العهد=قيده طريح يوم خلوه الجنود
سرنا عليهم بالله الفرد الصمد=بالاد مرزوق موسعة الحدود
يوم المشوك بيننا مثل البرد=يصبح على جو العيينه به رعود
من قبلها ترى حن تعشينا سعد=في ليل كنزان عسى مثله يعود
ومن قبلها ليل على جوده بعد=حنا دمار الحاكم لا جا فيه زودام

وقال طنيقر ابن مسعود مـن اّل حـبـيش فى يوم العينه

يـوم جـيـنا مـع الـصـوان وراده=مـثـل ورد القـطـيـع الـلـى ملا هيــبى
قل لبو تركى وش عاد مقعاده=حن ذبحنا فهد(ن) غصب(ن) بلا طيبى

والقصــائـد الي قيــلــت كـثــيـره

 

 

 

 

 

 

التوقيع

    

رد مع اقتباس
قديم 12-04-2005, 11:10 PM   #2
 
إحصائية العضو








العماني غير متصل

العماني is on a distinguished road


افتراضي

لاهنت يابومحمد على ذكر هذه المعركة الشهيرة ومقتل ابن جلوي، ونعم بعيال مرزوق .

وفي الحقيقة لدي تعقيب بسيط وهو قصيدتك الاولى

فالحقيقة هي للشاعر محمد الغالي آل بحيح المري وهذا ما اكده لي ابنه الشاعر المعروف عبدالله الغالي المري مقدم برامج باذاعة قطر.

واللي اعرفه منها التالي:

يوم جينا مع الصوان جرداني =يا زين ضرب النمش في قوم عبدالله
بندق في "العيينة" حج راعيها =طَيّرت من (فهد) في كبد (عبد الله)
ليت من هو بزين الصوغ حاليها =أنقذت من خبيث الفعل خلق الله
أربع آلاف راحت هي وراعيها =كل ألف بميّة من جنود الله

تقبل تحياتي،،

 

 

 

 

    

رد مع اقتباس
قديم 12-04-2005, 11:12 PM   #3
 
إحصائية العضو







تركي ال فنيس غير متصل

تركي ال فنيس is on a distinguished road


افتراضي

والله كفوووووووووووووووووووووو لاد مرزوق والف نعم بربعنا واخواناااااااااااا ويستاهلون كل خير

 

 

 

 

    

رد مع اقتباس
قديم 12-04-2005, 11:15 PM   #4
 
إحصائية العضو







الشكري غير متصل

الشكري is on a distinguished road


افتراضي

خيامهـم علـى المبانـي مبنـاه =وعوالنـا بفعولهـم يكبـرونـي
ليلن عليهم ما احدن قبـل سـواه =ليلن تواصيفه علـى كـل لونـي
ان قلت براق الحيـا كنـه ايـاه =مثل الرعد من راسيات المزونـي



والله ونعم ما توفي حق العجمان عيال مرزوق


علمهم غانم

لاهنت يا بو محمد

وبيض الله وجهك

على علومك

 

 

 

 

 

 

التوقيع


آلاد شكر هم اكعام المعاديني= صوارم في اللقا تروي شلافيها
ذباحة الحيل يوم الزمن شيني= مهوب يوم العرب فاضت مخابيها
يفرح بهم هاشل ذاق الامريني = والجار يامن بقصرتهم ويغليها
الشاعر الكبير برق الجنوب

    

رد مع اقتباس
قديم 12-04-2005, 11:18 PM   #6
 
إحصائية العضو








ابـو مــحــمــد غير متصل

ابـو مــحــمــد is on a distinguished road


افتراضي

ولا انــت يابو مـبــارك ولاعلــيك زود يالقــرم واشكــرك ولاهنت على الاضافه لاني ماعرفت تــكمـلتها وجزاك الله خـيـر

ابــو مـــحــمــد

 

 

 

 

 

 

التوقيع

آخر تعديل أبوفهيد الودعاني يوم 06-10-2005 في 10:53 PM.

    

رد مع اقتباس
قديم 13-04-2005, 02:53 AM   #10
 
إحصائية العضو







المبيعيج غير متصل

المبيعيج is on a distinguished road


افتراضي

ابومحمد بيض الله وجهك والله لايهينك والعجمان يستاهلون من غير قصور في القبايل المذكورة والغير مذكورة وهاذي عادات الاولين مرٍ فايز ومرٍ مهزوم

 

 

 

 

 

 

التوقيع

بشر غدا عند المبيعيج ناصر
غدا بينهم يوم اختلاف الوعايد
.........................................
ونعم ياولد المبيعيج ناصر
سابقه في المعركة تنغبى وتشاف
.........................................


وداعين عز الجار من زايد الملطوم
سهوم المنايا عنهم الضد حوادي
وداعين مايخطون ضربة عقيد القوم
ومن ذاق ضرب سيوفهم راح ماعادي
وداعين لاجا موقفٍ فيه لطم خشوم
يردون راس الشر بخزام وقيادي

للتواصل عبر الماسنجر latwa2000@hotmail.com

    

رد مع اقتباس
قديم 13-04-2005, 02:32 PM   #11
 
إحصائية العضو







محمد الغريري غير متصل

محمد الغريري is on a distinguished road


افتراضي

سرنا عليهم بالله الفـرد الصمـد = بالاد مرزوق موسعـة الحـدود
يوم المشوك بيننـا مثـل البـرد = يصبح على جو العيينه به رعود


كفو كفو والله يالعجمان


في قفاك يا امير

ذبحنا فهد

في قفاك يا امير

ياليت تكمل هذه الكلمات يا بو محمد اللي شليتوها بعرس خالك ظافر



اخوك في الله

محمد الغريري

 

 

 

 

    

رد مع اقتباس
قديم 14-04-2005, 02:16 AM   #13
 
إحصائية العضو







فهد العجمي غير متصل

فهد العجمي is on a distinguished road


افتراضي

السلام عليكم ورحمة الله وبركاته


لاهنت يابومحمد على ذكر هذة المعركة


ويقال ان عبدالله بن جلوي توفى بعد مقتل ابنة فهد بفترة بسيطة

حرقة عليه ..


اخوك فهد

 

 

 

 

    

رد مع اقتباس
قديم 14-04-2005, 03:52 PM   #15
 
إحصائية العضو








ابـو مــحــمــد غير متصل

ابـو مــحــمــد is on a distinguished road


افتراضي

ابــشــر يالغـريـري

في قفاك يا امير تــعشيــنا فـهد في قفاك يا مـيــر
خــيـل(ن) مشـاهـيـر لها مثل الـرعد خيل(ن) مشاهير
ســم(ن) وتــقــدير ياخــوان العهــد سم(ن) وتقــديــر

انشاء الله عن قريب انزلهــا في المنــتدى كـاملــه


والله لايهينك على المرور

 

 

 

 

 

 

التوقيع

    

رد مع اقتباس
إضافة رد


الذين يشاهدون محتوى الموضوع الآن : 42 ( الأعضاء 0 والزوار 42)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 12:10 AM


Powered by vBulletin® Copyright ©2000 - 2024, Jelsoft Enterprises Ltd.
---