معركه لميلاح

[معلومات العضو ابو زيد الغييثي]

المعركه احصلت بين قبيلة الرجبان الدواسر والقحاطين بقيادة الشيخ ناصر بن عمر بن هادي شيخ الجحادر ، ومناسبتها عندما ربّع بن عمر في مراعي الرجبان وكان الرجبان بالعارض ذاك الوقت
والمراعي هي قمرا وصدعان عند هضبه اللميلاح .
وقال ابن عمر: انا بضم ذي المراعي لديارنا ومهب طالعين الااذا اولدت هضبه لميلاح بحوار وقال :

شرفت في قمرا وشفت العجايب=والعفو مزين منزل عند صدعان

وجاء الرجبان، وقامت المعركه ،وقيد الرجبان الجمال بالحديد ،واشتد الضرب الى ان انكسرت قحطان
وقال واحد من الرجبان مخاطبا ناصر بن عمر بن هادي على وزن قصيدته السابقة:

ياشيخ تركت المزا وانت شايب=ياملقح هضبة لميلاح باللسـان
ياملقح روس الهضاب الصلايب=توالدت عقبك ابكـارٍ وقعـدان
نشعى محلك والدبش جاء نهايب=من فوق قب ٍ فوقها كل ديقـان
مريت (....) والـرزق سايـب=والخيل طلق ماتمالك بلرسـان

وقال ابن عمر قصيده ومنها :

الرابح اللـي ماحضـر لميـلاح=ولاحضر عزالها في المضاحـي
جونا ((الدواسر)) كل قرم ٍ وذباّح=ثم عزلوا ذيداننا فـي المراحـي
والضرب بوسط جموعهم ننزاح=نذودهـم ذود الجمـل للقـاحـي
ما حط فوق الزمل من قشنا طاح=ولا غبني كون صيحـة رداحـي
أن انثنيت مقابلي شلف وارمـاح=وأن انهزمت مغيزل العين صاحي
يوم انكسر رمحي تنجدت ابولاح=رديت للهندي شريـدة اسلاحـي
تهن يازمل اريش العين وارتـاح=مادام زلبـات السبايـا تناحـي
عاداتنا بالضيق نهدي لـلأرواح=ليا هبا خطـو الذليـل السناحـي
يقوله اللـي للمواجيـب نطـاح=صياد بالضيقات طيـر الفلاحـي

مع تحيات ابو زيد الغييثي

 

 

 

 

[معلومات العضو تركي ال فنيس]

والله كفووووووووووووووووو بالرجبان والف نعم فيهم ماتوفيهم حقهم


لاهنت يابو زيد الغييثي

 

 

 

 

[معلومات العضو ابو زيد الغييثي]

لاهنت ياتركي على مرورك والتعديل

 

 

 

 

[معلومات العضو فهد الغريري]

كفو والله بالرجبان قوال وفعل صبيان زايد بدون قصور بقحطان.

جعل من جابك في الجنه يابو زي الغييثي.

 

 

 

 

[معلومات العضو محمد ال بو زمام]

السلام عليكم ورحمة الله وبركاته


كفوووووووووو والله يالرجبان قول وفعل ونعم والله فيهم . والله يعطيك العافيه اخوي ( ابو زيد الغييثي ) لاهنت .

 

 

 

 

[معلومات العضو نايف]

كفو والله يالرجبان ولاهنت يابو زيد على المشاركه الطيبه ,,,,,

 

 

 

 

[معلومات العضو حمد الودعاني]

كفو بالرجبان مقيدة الجمل

ولاهنت اخوي ابوزيد وبيض الله وجهك والله يعطيك العافية

 

 

 

 

[معلومات العضو ابن بوير]

كفو يا الرجبان عيال زايد

 

 

 

 

[معلومات العضو أبوفهيد الودعاني]

كفو بالرجبان مقيدة الجمل

ولاهنت اخوي الغييثي وبيض الله وجهك على ايراد هذة المعركه


المشهورة


نقبل تحياتي ،،،،

 

 

 

 

[معلومات العضو عامر الحراجين]

كفو بالرجبان يحروبها صبيان زايد.

تسلم يابوزيد الغييثي على العلوم الطيبه

تحياتي/عـــــــــــــامـــــــــــــــر الــــحـــــراجين....

 

 

 

 

[معلومات العضو ابن غياث]

والله ونعم بالرجبان ولاهنت يابوزيد على القصية والقصيدة

 

 

 

 

[معلومات العضو ابوشجاع]

بيض الله وجهك يابوزيد

كفيت ووفيت

ياذيبان

والنعم بالرجبان لامن تناطحت الجموع

 

 

 

 

[معلومات العضو ابو زيد الغييثي]

لاهنتوا وذا الواجب ياجماعت الخير

 

 

 

 

[معلومات العضو الشكري]

الرابح اللـي ماحضـر لميـلاح=ولاحضر عزالها في المضاحـي
جونا ((الدواسر)) كل قرم ٍ وذباّح=ثم عزلوا ذيداننا فـي المراحـي
والضرب بوسط جموعهم ننزاح=نذودهـم ذود الجمـل للقـاحـي
ما حط فوق الزمل من قشنا طاح=ولا غبني كون صيحـة رداحـي
أن انثنيت مقابلي شلف وارمـاح=وأن انهزمت مغيزل العين صاحي

كفو والله يا الرجبان علمك غانم

بو زيد الغييثي

علومك وافيه

وجعلك والله تسلم

لاهنت

 

 

 

 

[معلومات العضو ابو زيد الغييثي]

لاهنت يالشكري