التغطية المصورة لـــ حفل قروب (المطاليق) بحضور شيوخ ووجهاء قبيلة الدواسر - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 23-06-2014, 10:31 PM   #1
 
إحصائية العضو







الإداره غير متصل

الإداره is on a distinguished road


:e-e-5-: التغطية المصورة لـــ حفل قروب (المطاليق) بحضور شيوخ ووجهاء قبيلة الدواسر



لحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر



أعدّ التقرير

عضو مجلس إدارة الموقع الأستاذ فهد بن هادي الغريري







يا مرحباً و عداد نبت الزماليق=و عداد ما هلّت مناشي سحابه

ترحيبةٍ منا لكل المطاليق=اهل الكرم و اهل الوفا و المهابه

دواسرٍ من فضل رب المخاليق=للمجد راس و للقبايل صحابه


لاشك ان الانجازات المتواصله التي نحصدها تباعا ً والسمعة المشرّفه اللي نالها ولله الحمد هذا الموقع والقائمين عليه هي نتاج طبيعي لجهود موقعنا وجهود أعضاءه وزوّاره وثقتهم الدائمه به مما جعل المنتدى يحقق شهرة طيّبه ذائعة الصيت . ومما لاشك فية أن الثقة الكبيره التي اولاها لنا أمراء وأعيان وأعلام قبيلة الدواسر من أدباء وباحثين ومفكرين وجميع أبناء القبيلة عندما اعلنوا الموقع الممثل الرسمي لقبيلة الدواسر على شبكة الانترنت .




حيث تناوب الرجال على فعل الكرم والطيب ويتسابقون في ذلك من باب التنافس الشريف ومن باب لم الشمل ، ففي ليلةٍ فريدة وفي تجمع عـزٍ وطاعة وفي لقاء أنس ومحبة في جو أخوي زاد من جماله ذلك التجمع الرائع بين أبناء قبيلة الدواســر .

وانطلقت فكرة هذا الاحتفال من قروب ( المطاليق) الذي أسسه الشاعر الكبير صاحب الاخلاق العاليه الشاعر عبدالله بن صالح الصليبي الحقباني ويضم بين جنباته شيوخ وأعيان ووجهاء وشعراء ومنشدين واعلامين من ابناء قبيلة الدواسر


حيث تكفل الشاعر عبدالله بن صالح الصليبي الحقباني وعبدالله بن سلمان آل مصلح الخييلات بهذا الحفل المتميز بـــــ مخيم شركة بتروكيميا البحري بــ الجبيل الصناعية





من اليمين عبدالله بن سلمان آل مصلح الخييلات وبجانبة الشاعر عبدالله بن صالح الصليبي الحقباني










من اليمين الشيخ عبدالعزيز بن مترك العجالين وبجانبة الشيخ محمد بن زيد بن جريس الخييلات


من اليمين الشيخ مسفر بن فالح آل شافي العمور وبجانبة الشيخ سعد بن مسفر آل طاقان العمور


من اليمين الشيخ سعود بن مترك العجالين وبجانبة محمد بن سالم الشرافي


من اليمين الشيخ عبدالله بن راشد بن نقيزان الحقباني وبجانبة الشيخ عبدالله بن مهدي الحقباني


من اليمين الشيخ موافق الحقباني



من اليمين الشيخ حمد بن محمد الصليبي الحقباني وبجانبة الشيخ راشد بن محيثل الغريري


من اليسار محسن بن فهد الحقباني


من اليمين بدر بن عبدالله الخييلي وبجانبة شبيب بن حليس الخييلي


من اليمين محمد بن عامر القربي الحقباني ويليه محسن بن هادي ال شملان الحقباني

من اليمين ناصر بن صالح الصليبي الحقباني


من اليسار العقيد منصور الحقباني


من اليمين المقدم خالد بن شبيب العمور وبجانبةحضرم بن مطلق المصيريع الخييلات


من اليمين فهد بن صالح الصليبي الحقباني


من اليمين عبيد بن شبيب آل مصلح الخييلي وبجانبة فهد بن هادي الغريري


من اليمين فهاد بن سعد الشرافي وبجانبة الشاعر ناصر بن شايع الودعاني



من اليسار المنشد عبيد بن ذيب الرجباني ( شبل الدواسر) وبجانبة الشاعر سعد بن فهيد آل بريك


من اليمين الاعلامي راشد بن حماد الغريري وبجانبة الشاعر مبارك بن عبدالله بن نقيزان الحقباني

[IMG][/IMG]
من اليمين سعد بن وسام ال وسام الخييلات


من اليمين خالد ثلاب الخييلي وبجانبة ناصر بن ثلاب الخييلي








من اليمين مبارك بن عبدالله ال شملان ويليه محسن بن ناصر ال فرج الحقباني ويليه الشيخ محمد بن ناصر الصليبي الحقباني


من اليمين الشيخ فرج بن منصور ال شملان الحقباني




من اليمين سعد بن عبدالله ال وسام الخييلات


من اليسار الشيخ مسفر بن ناصر ال شملان الحقباني


من اليسار الشاعر مرزوق بن حليس الخييلي

























فـقـرات الـحـفـل


الأعلامي راشد بن حماد الغريري


إنطلقت فعاليات الحفل المنبري عند وصول جميع الضيوف التي قدمها الأعلامي المتميز الأستاذ راشد بن حماد الغريري وقد بدأ الحفل بآي من الذكر الحكيم عبدالمحسن بن محمد آل شملان الحقباني



الشيخ عبدالمحسن بن محمد آل شملان الحقباني



عبدالله بن سلمان آل مصلح الخييلي


وبعد ذلك كان لـ عبدالله بن سلمان آل مصلح الخييلي كلمة ترحيبية بالضيوف الكرام



الشاعر عبدالله بن صالح الصليبي الحقباني



وبعد ذلك كان للشاعر عبدالله بن صالح الصليبي الحقباني كلمة ترحيبية بالضيوف الكرام



لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهلها الشاعر صالح بن محمد الصليبي الحقباني



الشاعر صالح بن محمد الصليبي الحقباني




لا اله الا الله عد همال الامطار=واستغفره في كل ساعة اجابه

الواحد المعبود علام الاسرار=ماخاب عبد ً فر له والتجابه

الله يقدينا على درب الاخيار=نهج النبي الهاشمي والصحابه

يامرحبا مليار مليار مليار=ترحيبة ً فيها وقار وذرابه

ياربعنا الغالين وافين الاشبار=ياهل الوفا والمرجله والحزابه

ربع ً تجمعتوا على حب وايثار=كل ابلج ً شوفه يزيل الكآبه

يشرح بشوفه صدر من جاه زوار=ويفرح قلوب ً بادلته الرحابه

نهار عيد ً شعشعت فيه الانوار=يوم اجتماع ً لم ربع وقرابه

جيتوا على الداعي محبه ومقدار=ماردكم بعد الطريق وذهابه

تواصل ً بين الرياجيل الابرار=ماحسبوا طول السفر مع ايابه

متسابقين ً للوفا كبار وصغار=وحبل الوصل من ياصله ينجزا به

واللي تعنا يدفعه طيب واصرار=حرص ً على ربعه وشوق ولبابه

عسى الولي ينجيه من صالي النار=ويجزاه بالجنه ويرفع جنابه

من كل شهمً يعجب العين لاثار=وليا وقف له موقف حل مابه

من دون ربعه ينثني سر وجهار=وان جاه هرج مشوش ً صك بابه

يفداه لاش ً مهنته نقل الاخبار=وان غاب محد ً لا تغيب درابه

والشكر لاهل الفضل ماعنه اعذار=حق ً على من يشهده ينوفا به

امكون الفكره عسا سنينه كثار=لاهان من جمع النشاما دعا به

عبدالله المنعور له جاه واكبار=لولا غلا بليهان ماجت الاجابه

وليا بذل للجود في وجد واعسار=ذا ديدنه من معدنه لاغرابه

هذا الصليبي كاسب المدح والكار=اسم ً على نهج الصخا يقتدابه

ولاهان قرم ً من تناساه بوار=شيخ ً شجاع ً كل مجد ً رقابه

القرم ابن مصلح الي جات الاشوار=شوره مثل برق ً لمع في سحابه

عبدالله ابن سلمان مشهور الاذكار=مطنوخ راس و فاللقا يندعا به

وكل ابلج ً حاول على الجود معبار=الله يزيده بالكرم والمهابه

الله يجمل حال شرهين الانظار=ويعز من جا الاجتماع وسعا به

عساه يبقى للمطاليق تذكار=رمز المحبه بين شيب وشبابه




الشاعر محمد بن مبارك الشرع العمور


ثم ألقى الشاعر محمد بن مبارك الشرع العمور قصيدة بهذا الحفل
، حيث يقول في قصيدته :



شد عـزم الطايرة واطلق جرسها=وانتزع بالسرعة الرقم القياسي
السماء فيها من الوالي حرسها =والاراضي فوقها حكم وكراسي
بينهن يطوي المسافة من كبسها=مثل ما يطوي الشلي درب الماسي
المعزة والغلا ربي غرسها =والوصل في سلمنا شي ٍ أساسي
يا مطاليق ٍ على العليا هجسها=خبرة ٍ ما بين مطنوخ ورياسي
لا اجتمعتوا روحنا يزها نفسها=والعيون لشوفكم فيها حماسي
هيه يالي عينها تشكي نعسها =بنت شيخ ٍ صامل ٍ قرم ٍ سياسي
لا خطبها الدوسري تطلق عمسها=ما تمالي به ولا تنشد مواسي
تنجب الي ناره يهولك قبسها=ليـّـن ٍ لربوعه وللضد قاسي
فالمجالس كامل علومه درسها =بين شيبانه سوات الضلع راسي
قالها الي في ضميره ما حبسها=ومن شعب تمرة لفاكم دون باسي



الشاعر مبارك بن عبدالله بن نقيزان الحقباني


ثم ألقى الشاعر مبارك بن عبدالله بن نقيزان الحقباني
قصيدة بهذا الحفل ، حيث يقول في قصيدته :




محفل ما عاد منه ولا عنه صدود=اول بركته تواصل وجمعاً في سداد

لادعوني هل المواجيب مانيب معقود =عقب اللي في المواجيب لامن جات حاد

ليلة جت بالنشاما عريبين الجدود=والله انا نعتبرها من ايام العياد

وبعد ذا يامرحبا عد همال الرعود=وعد مانسس من الغرب ذعذاع البراد

بلابتي خطلان الايدي موسعة الحدود=سعد من هم محزمه لاقدح خشم الزناد

تامن الطرعات لاحك عود راس عود=في ذرى خيالة البل الى المظهور قاد

كم عقيد يبغي البل ولا كنه يحود=خايف من ضربة اللي مضاربها وكاد

فعلنا لامن ركزنا العلم فوق العمود =ندهم العدوان لو خيلهم كثر الجراد

والزبين الى زبن دارنا يرقى سنود=لازبنا زال روعه وطاب اله الرقاد

الدواسر لاغدا القوم في صدر وورود =مرويت حد الهنادي مع الشلف الحداد

ولانقص حق كل القبايل والبدود=للعرب تاريخ وامجاد دراس وجداد

وحن ذرا الدولة الى من عقب خطوا الشرود=دون داري نقطع الروس ونقص الاياد

الولا لله الاول وثم ابن سعود =المليك اللي بحكم العدل والشرع ساد
والختم صلو على المصطفى ماهب نود =الرسول اللي بهديه هدا گل العباد





الشاعر مبارك بن مناحي العمور


ثم ألقى الشاعر مبارك بن مناحي العمورقصيدة بهذا الحفل
، حيث يقول في قصيدته :



الحمد لله ... وابتدي فالقصيده=ابدا بذكره ... والقوافي جديده

شاعر ولي فالشعر منهج ومبدا=اقطف ثمر غاليه .. وترك زهيده
وجنب اللي مايشرف .. مقاامي=وختار من شعري بيوتن فريده

حنا الدواسر .. بين تغلب وزايد=القلب واحد .. والعزايم شديده

حنا الدواسر .. لعتزينا وقمنا= ماننثني لو المنايا ... وكيده

اوجيهنا .. فالطيب للطيب ترقا=ونفوسنا وقت المعاند عنيده
وسم العصا يبقى لنا يادواسر=سلمن ﻻهلنا من سنين" عديده

صغيرنا .. يبخص دروب الشكاله=وكبيرنا خلد فعول" مجيده

نبني بيوت العز في كل ديره=وحنا رصيد اللي تعثر رصيده

يبشر بنا اللي طاح وقفى خويه=ناقف معه وقفت عضيد لعضيده

وترى الرفيق اللي يقدر رفيقه=نقصه يضره .. والزياده تزيده

يسرا" بلا يمنى تراها ضعيفه=ورجل" بلا ربعن حياته وحيده

وكل القبايل حقهم مانسيته=كل" فعله .. وطيبه .. وجيده

والختم صلوا .. عد ماهل ومطر =على الرسول اللي هدا للعقيده





المنشد عبيد بن ذيب بن مدباج الرجباني ( شبل الدواسر)


وكان لنا موعد مع الانشاد مع المبدع ( شبل الدواسر) المنشد عبيد بن ذيب بن مدباج الرجباني الهب حماس الحضور بــ الشله الانشادية الجزله من كلمات الشاعر عبدالله بن صالح الصليبي الحقباني::::::.::::::



شبل الدواسر يا زبون المجنّا=جاك القصيد اللي تبثه شجوني

يا هاجسي حضّر علي وش تتنّا=ذا الليل ليلك و المطاليق جوني

دنيا الهنا عقب العنا جمّعتنا=من بعد ما كنا نعيش بسجوني

يا مرحبا مليار و اكثر تثنّا=باللي بتيجان الفخر توّجوني

ندّر حرارٍ جات منا و منّا=في كل منهج للعلا ينهجوني

دواسرٍ وقت الطلب ما تونّا=خصيمهم يحرج و لا يحرجوني

و كل القبايل طيبها ما يدنّا=للطيب مركاضٍ و له يسرجوني

نعلن ولانا للمليك و وطنا=و نحارب دعاة الفتن و المجوني

و لو كل رجل يدرك اللي تمنّا=طابت حياة اللي لها يرتجوني


الشاعر ناصر بن شايع الودعاني


ثم ألقى الشاعر ناصر بن شايع الودعاني
قصيدة بهذا الحفل ،





الشاعر سعد بن فهيد آل بريك

ثم ألقى الشاعر سعد بن فهيد آل بريك قصيدة بهذا الحفل ،
حيث يقول في قصيدته :



سلام ياربعي سلاماً ينعش القلب العليل=سلام تسليمة وفا تهدى الذربين الفعال
ويامرحبا ترحيبةً ما ساقها غير النبيل=سوق اطيب الفنجال الاشقر من مباهير الدلال
ترحيبةً اغلا والذ من القراح السلسبيل=ماكنها الا .. ويش اقول: اقول شيً من الخيال؟
تهدالكم من طيب خاطر ياهل الذكر الجزيل=الي حفا التاريخ يكتب مجدكم ولا يزال

دواسراً مهما كتبنا من فعايلكنا قليل=المدح يخجل من تسامينا ولله الكمال
والي يشكك في الصحيح الناقص النذل الهبيل=قولوله اصصص اقطع يامال المعضله الا يامال
يا ضايعن حنا الدواسر وقعنا وقعن ثقيل=تشهد فاعيلنا لنا علماً مايبغيله جدال
حنا تبينا مثل نجم الجدي والا سهيل=وش الجدي وسهيل لا ذكروا مداغيش الرجال
وحنا هل الوادي مقر الجود والضل الضليل=وادين مسما بسمنا معروف مايبغي سؤال
وحنا العصاة القاسيين مزبنة من جى دخيل=ناسم عصى دخيلنا ونقول رح يابن الحلال
وحنا اشجع الشجعان واصمل من نحى السيل المهيل=فريسنا ماتعرف اسلوب الحيل والاغتيال
وحنا محددة الجمل في يوماً ايروغ الذليل=يوماً اتبين لابتي في وسط ساحات القتال
وحنا هل الفزعه وهل شلفا وهل سيفً صقيل=كذا كذا جالن ايعنز ماحن بجالن هيال
وحنا هل الوقع المؤكد في عدواً جى معيل=روحوا انشدوا قوز الشريف الي دمر نفسه وعال
وحنا مأدية الدية عن جارنا الضيف القتيل=الي ذبحه اجدار بيته والعوض سقناه مال
وحنا هل الريشه خذيناه من يدين القبيل=ماجاتنا شحذه خذيناها بحدات السلال
وحنا هل الابل يامكثرة المهايط والعويل=الا عليه بالحرام انا هل الابل والحلال
وحنا وحنا والفخر فينا مايبغيله دليل=واضح وضوح الشمس اذا ارتفعت ومالت للزوال
زايد وتغلب هم سنام العز والعز السليل=حلفن جمع بين اطيب الاعراق والواقع يقال
زايد وتغلب كنهم بالمختصر خل وخليل=علاقةً جت بالنسب ما جات صدفه وارتجال
اليا زهم زايد بتغلب جاك جمعاً كنه سيل=واليا زهم تغلب بزايد جاك جمعاً كـ الخيال
ياما شكت خدان نجد من الدواسر ميل ميل=وتحت حوافر خيلنا بانت تضاريس الرمال
كنا رسمنا خارطة اتوضح المجد الجليل=من شافها قال اشهدنهم قوماً اتدك الجبال
اعيونا تقدح شرر وعقولنا ساحات خيل=وصدورنا مجلس كريماً مايجيب الا الجزال
قاموسنا مافيه صعب وكايدات ومستحيل=ومن السطر فينا مانرضخ للصعب والا المحال
كنا خلقنا للصعب جيلاً ايورث بعد جيل=نشوم عن بعض الامور الي تعد من الهزال
ماقد ذكر فينا جبان وماذكر فينا بخيل=نعطي ولا نحسب عطايانا ولو كانت ثقال
مانرضخ الصكات بقعا لو نقص مافي الشليل=كرامة الواحد تساوي صحته واغلى العيال
نطمح الما فوق النجوم ونرفض الوضع الهزيل=انطوع الدنيا على مانشتهي في كل حال
خطلان الايدي قسمنا وافي ماهوب من القليل=ماناخذ الا من علو وقسمنا عذبن زلال
دواسرن مهما ذكرنا من فعايلنا قليل=المدح يخجل من تسامينا ولله الكمال



الشاعر مسفر بن عبدالله الصليبي الحقباني


ثم ألقى الشاعر مسفر بن عبدالله الصليبي الحقباني
قصيدة بهذا الحفل ، حيث يقول في قصيدته :



باسم ربي بابتدي والمعين الله=وباسم راعي الحفل ننطق ونعلنها

الصليبي راية المجد عبدالله=جمعة ربوعه على العز ثمّنها
ٌ
وابن مصلح يعرف الطيب ويدله=لا وقف في كرمة الضيف سمّنها

مرحبا ترحيبةٍ تبري العله= يا رجالٍ ما تغير معادنها

يا مطاليقٍ تخاوت على الملّه=شرعها الناموس و الطيب ديدنها

روس قومٍ تنطح الضد وتذله=ما تشوف الضيم لاجيت موطنها

الدواسر طيبهم طبع وجبله=سعد من في ساعة الضيق يزبنها

لا اعتزينا بان في خصمنا خله=ما يشل عظام رجله ويازنها




الشاعرحمد بن ناصر بن صالح الصليبي


ثم ألقى الشاعر حمد بن ناصر بن صالح الصليبي قصيدة بهذا الحفل ، حيث يقول في قصيدته :





اشعلت في وسط الضماير وقيده .=.. من نارها زادت بقلبي وقايد

نارٍ بقلبي بين الاضلاع تلتهب .=.. من حرها تركت نوم الوسايد

من حرها عديت في راس عيطا ..=. في راس مرجومٍ عن القاع نايد

يجيه من عدل المناكب وحوشها .=.. خطوا اشقرٍ يضوي على الرجم صايد

خطوا اشقرٍ ضربات يمناه كنها .=.. مخباط قناصٍ على الصيد جايد

حرٍ قطوع وفي الطلب يلحق الهدد ..=. ولطم الحباري دايمٍ له عوايد

او ذيب سرحانٍ مع الليل لاسراء .=.. تسمع قنيبه من على الضلع زايد

تسمع قنيبه لا على الرجم بأوله .=.. حده على المشراف كثر النكايد

حده على المشراف في ليلة الدجاء ..=. اصدوف بقعاء والقهر والزهايد

من عاش بالدنياء ولاحا دهورها .=.. شاف الذي تشيب منه الولايد

من عاش بالدنيا على الجور والشقى .=.. يختار لصدوف المنايا سنايد

رجالاً على الطالات والعز والقداء ..=. سقم العداء فوق ظهور الجلايد

كسابة العليا على الناس تنفق ..=. كرمان لو حاده على الفقر حايد

فرخ النداوي لابدا الرجم ذبه ..=. والبوم فرخه في ذراء الوكر عايد

يشوف ماينكر على الناس فعلها .=.. لو هم تغطو بالثياب الجدايد

ومن جاد بالمعروف و اخلص نيّته ..=. يجود به ربٍ على الخلق جايد

ومن جاد بالمعروف واخلف نيّته .=.. خسران لو يملك قصورٍ تشايد

والله والي مجري الكون والفلك ..=. مايرفع الرجال كود الحمايد

هذي من وصوف الرجال الخيّره .=.. الي تعلّت فوق روس المجايد

وتراء النساء مثل الحقوق المنشي ..=. تشوف خيره لا غشتك الرعايد

منهن سوات الحظ لا اقبل بجوده ..=. ومنهن غبارٍ مايجي بالحمايد

و منهن قوام البيت ومنهن حرّه .=.. ومنهن غرابٍ ناعقٍ في البدايد

ومنهن ذهب وايضا ومنهن فضّه .=.. ومنهن من الجوهر اشكالاً فرايد

اسمع وصاتي يامثنى تراني .=.. اليوم ذخرك في الليالي الشدايد

ولا قدر المولى على العبد ساعته ..=. جاه الذي ماهوب عنه يحايد

عمر الفتى مكتوب والموت سنه .=.. و مافات من عمرك فلاهوب عايد

اخوك درعك رافقه لا تخيّبه ..=. رمحك الا سنو عليك العتايد

و لا ثارت الهيجاء ولحق كل عندل .=.. يمناك لا كثرت عليك الظهايد

واختك على قصار اللحى لاتزتّها .=.. كثيرهم مامن قربه فوايد

ياسترها الظافي هي بلسم الحشئ ..=. من دونها جرّد السيوف الحدايد

وان طابلك يومك و طابت عيشتك .=.. احذر ترا لصدوف بقعى عوايد

لاتامن الدنيا ترا من ومنها .=.. اصبح تحت وطيات صفر العدايد

لاتامن الدنيا ترا من ومنها .=.. ماطابله مقيال ظل الجرايد

واعرف خصيمك قبل تعرف رفيقك ..=. ومن قدم الحسنى خذاله شهايد

والسو على راعيه والخير ينحسب ..=. والاقدار برقاب الخلايق قلايد

و مامدته يمناك بالجود والكرم .=.. تلقاه عند الله به الجود زايد

والدين هم وكلمت الرجل مفصل ..=. لو صاغها في مفردات القصايد

والنفس ماحاشت بيمنى كفيلها .=.. مجرود وعند الله اكوامٍ حصايد

وان طالت الطرقه و طالت غربتك .=.. الصبر يرقابك بروس المجايد

وخلك كما ذيبٍ يدارج لقمته ..=. حذرٍ وعينه للكمن والمكايد

يشوف مخراجه ويعرف مدخله .=.. ويقدم الا من شاف منها فوايد

هذا وصلو عد مالاح برقه ..=. وعداد ماذعذع هبوب النوايد

وعداد ما مزنٍ من الغرب منشي ..=. على نبيٍ للمخاليق قايد





صــور عــــامــه من الحفل





من اليمين الشيخ سعود بن دواس الخييلات وبجانبة الشيخ ثلاب بن جابر الخييلات







من اليسار عبدالله محمد ال بجران الخييلات




من اليسار عمار بن محمد الحقباني
















من اليمين ناصر سعد ال مصلح ويليه خالد محمد ال مصلح


من اليمين الشيخ راشد مناحي الخييلات


من اليمين محسن بن عبدالله الحقباني وبجانبه الشيخ فهد سفر الخييلات وبجانبه حضرم مطلق الخييلات


















من اليمين الشاعر مبارك مناحي العمور ويليه محمد ناصر الخييلات


من اليمين جابر راشد الخييلات وبجانبة عبدالله محمد الخييلات












من اليسار سعد عبدالله الخييلات










من اليمين الشيخ محسن بن هادي ال شملان وبجانبة الشيخ محمد بن عامر القربي الحقباني










من اليمين فالح بن حليس الخييلات وبجانبه مبارك حزام الخييلات وبجانبة محمد حزام الخييلات وبجانبة عبدالاله مبارك الخييلات








من اليمين برجس محمد ال مصلح وبجانبة سعد بن ناصر ال مصلح






من اليمين الدكتور سعد راشد ال مصلح وبجانبة العقيد ناصر بن محمد الخييلات




من اليمين بادي منصور الخييلات ويله حالد محمد الخييلات



























وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لـ الشاعر عبدالله بن صالح الصليبي الحقباني وعبدالله بن سلمان آل مصلح الخييلات على الإحتفاليّة وإن هذا ليس بمستغرب عليهم أبداً والشكر على حسن التنظيم والترتيب المسبق المعدّ لهذه الإحتفاليّة المتميزه



(صوت قبيلة الدواسر)
منتدى قبيلة الدواسر الرسمي
www.alduwaser.org/vb

 

 

 

 

 

 

التوقيع


حسابنا في تويتر

@alduwaser1

    

رد مع اقتباس
قديم 23-06-2014, 10:34 PM   #2
 
إحصائية العضو







الإداره غير متصل

الإداره is on a distinguished road


افتراضي رد: التغطية المصورة لـــ حفل قروب (المطاليق) بحضور شيوخ ووجهاء قبيلة الدواسر

يـــــتــــــبـــــــع





ضمن ما يقوم به الموقع الرسمي لقبيلة الدواسر من تقديمٍ لتغطياتٍ مختلفة ومتنوعة لـ جميع أحداث قبيلة الدواسر المختلفة بكل مكان ، فإننا ليسرنا أن نستعرض عبر هذا المتصفح وعلى اثر حفل قروب ( المطاليق) بمحافظة الجبيل الذي اقامة كلاً من الشاعر عبدالله بن صالح الصليبي الحقباني والشيخ عبدالله بن سلمان آل مصلح الخييلات .قامة إدارة موقع قبيلة الدواسر الرسمي بجوله لبعض اعيان قبيلة الدواسر بــ محافظة الجبيل.



في بيت مـن يكـرم وجيـه الخطاطيـر=بـيــت يـدلـونــه زحــــول الـرجـالــي
راشـد ولـد هـادي صبـي المخاسـيـر=سمـوه مـن طيـبـه كـريـم السبـالـي

وكانت المحطه الاولى في منزل راشد بن هادي بن محيثل الغريري بحي القدس.

وبحظور كلاً من:


الشيخ عبدالعزيز بن مترك العجالين والشيخ محمد بن زيد بن جريس الخييلي والشيخ سعود بن مترك العجالين
والشاعر صالح بن محمد الصليبي و الرائد عبدالعزيز بن محمد العجالين والاعلامي محسن بن الحميدي الحقباني والشيخ و بدر بن عبدالله الخييلي وشبيب بن حليس الخييلي والشاعر سعد بن فهيد آل بريك والشاعر محمد بن مبارك الشرع العمور والمنشد شبل الدواسر والاعلامي فهد بن هادي الغريري والاعلامي راشد بن حماد الغريري




راشد بن هادي بن محيثل الغريري

























____________________________________

الشعر دلة كيف والراس مدهال.= وطيب المشاعر يسرق القلب سرقا
سلام ياوسام والحق ينقال = انك على فعل المواجيب ترقا
المرجله ماهيب في كثر الاموال =ان شهد فيها مع العزم فرقا
اسمك يابن عمي من الجال للجال =في صدور ربعك يابيض الوجه يبقا
. يامرحبا" اعداد ماهل همال= وماحن رعادن ومالاح برقا
على حضور الحفل ذربين الافعال = بسمك نسجلها مع كل ورقا
. اهل"ا هلا مادار فالحفل فنجال =بربوعنا الي بين غربا وشرقا
. جمعت طيب الجد والعم والخال = وحطيت في كبد المعادين حرقا
. اللي مثل شرواك يبقا على البال= ياللي يدينك بازرق العود غرقا


وسام بن جلوي العمور


[U]وبعدها قمنا بزيارة لمنزل وسام بن جلوي العمور بحي (الفاروق) بــ محافظ الجبيل الصناعية وكان من ضمن الحضور كلاً من:


الشيخ عبدالعزيز بن مترك العجالين والشيخ محمد بن زيد بن جريس الخييلي والشيخ سعود بن مترك العجالين
و الشيخ سعد بن مسفر آل طاقان العمور و الشيخ مسفر بن فالح آل شافي العمور والشاعر صالح بن محمد الصليبي و الرائد عبدالعزيز بن محمد العجالين والاعلامي محسن بن الحميدي الحقباني والشيخ و بدر بن عبدالله الخييلي وشبيب بن حليس الخخيلي والشيخ سالم بن طاقان العمور والشاعر سعد بن فهيد آل بريك والشاعر محمد بن مبارك الشرع العمور والمنشد شبل الدواسر والاعلامي فهد بن هادي الغريري والاعلامي راشد بن حماد الغريري [/U]










































____________________________________________


أبو شبيب ٍ يعشق المجد راسه =من طيب شيبانه ومن طيب مجناه
الي بنا صيت ٍ على العز ساسه =ودرب المراجل عانقه بأول صباه


وبعدها قمنا بتوجه لمنزل المقدم خالد بن شبيب العمور بدعوه كريمة منه للعشاء بحي (الفاروق) بــ محافظ الجبيل الصناعية وكان من ضمن الحضور

كلاً من:

الشيخ محمد بن زيد بن جريس
الشيخ عماش بن مبارك العمور
الشيخ سعد بن عبدالعزيز العجالين
الشيخ سعد بن مسفر ال طاقان
الشيخ عبدالله بن مترك العجالين
الشيخ عبدالعزيز بن مترك العجالين
الاعلامي محسن الحميدي الحقباني
الشيخ سعود بن مترك العجالين
الشيخ سالم بن مسفر ال طاقان





























الشاعر فالح بن تميم بن حويل الخييلي وهو يلقي قصيده في
المقدم خالد بن شبيب العمور








الشاعر سعد آل بريك يهدي بشت لشيخ عماش بن مبارك العمور














وختاماً، فإنه ليسر إدارة الموقع الرسمي لقبيلة الدواسر أن تتقدم بخالص الشكر والعرفان لــ أعيان ووجهاء ماحافظة الجبيل على رحابة صدرورهم وكرمهم الغير مستغرب



(صوت قبيلة الدواسر)
الموقع الرسمي لقبيلة الدواسر
www.alduwaser.org

 

 

 

 

 

 

التوقيع


حسابنا في تويتر

@alduwaser1

    

رد مع اقتباس
قديم 24-06-2014, 09:22 AM   #3
 
إحصائية العضو







نآصر البدراني غير متصل

نآصر البدراني is on a distinguished road


افتراضي رد: التغطية المصورة لـــ حفل قروب (المطاليق) بحضور شيوخ ووجهاء قبيلة الدواسر



كُفو نشهد انهم مطاليق


بيض الله وجه الشاعر عبدالله بن صالح الصليبي الحقباني


والشيخ عبدالله بن سلمان آل مصلح الخييلات على الحفل الطيب


ولانستغرب الطيب منهم والله يجمعهم على المعزه ,


وبيض الله وجه كل من الشيخ راشد بن هادي بن محيثل الغريري


والأستاذ وسام بن جلوي العمور والمقدم خالد بن شبيب العمور



على استضافة اعضاء القروب في منازلهم ,



لا تعبت يا الامير وبيض الله وجهك على جهودك

 

 

 

 

 

 

التوقيع




استغفر الله لي ولوالدي وللمسلمين والمسلمات


المؤمنين والمؤمنات الأحياء منهم والأموات


    

رد مع اقتباس
قديم 24-06-2014, 04:59 PM   #4
 
إحصائية العضو







عبدالله الدوسري غير متصل

عبدالله الدوسري is on a distinguished road


افتراضي رد: التغطية المصورة لـــ حفل قروب (المطاليق) بحضور شيوخ ووجهاء قبيلة الدواسر

السلام عليكم و رحمة الله و بركاته

اسعد الله اوقاتكم بكل خير

احبتي اعضاء و زوار هذا الصرح الشامخ


تتطاير العبارات لوصف هذا المنتدى المشرف بإسمه قبل كل شيء و بغايته السامية و ادارته الحكيمة و قروب الماطاليف إنما انبثق من هذا المنتدى الرسمي ان كان معنويا او ضمنيا فنحن و هذا المنتدى مكملين لبعضنا

اشيد هنا بالأستاذ الناجح و الاعلامي القدير علم الدواسر فهد بن هادي الغريري و جميع الاعضاء على ما يبذلونه من جهود ملموسة و خطوات مدروسة .

لا اريد الإطالة


و انتهز الفرصة لمباركة الجميع قدوم شهر الخير شهر رمضان المبارك و أسأل الله ان يبلغنا اياه و يتقبل منا و منكم صالح الأعمال انه عزيز قدير و بالإجابة جدير


و تقبلوا خالص شكري و محبتي و السلام...


اخوكم عبدالله الصليبي

 

 

 

 

 

 

التوقيع

قلته و انا ربعي طريّين الأفعال=من لاد تُغلب مضعِفين الحْلالي
أهل رْباعٍ للمناعير مدهال=كرمان في شحشاح عسْر الّليالي
لا جاو اهل عوص النّضا بأشهَب الّال=تسابقوهم بالعزايم عيالي
و عاداتهم لا جاء الّلقا كسْب الأنفال=و كم واحدً في سِرْب ربعي يِشالي
هل سربةٍ يفرح بها المغرق الذّال=لا حلّ بأقطار السّبايا جْفالي
كم واحدٍ نجعل على كبده املال=عقب الشّرَه يتبع طريق السّهالي

dossasd@hotmail.com

    

رد مع اقتباس
قديم 24-06-2014, 05:01 PM   #5
 
إحصائية العضو







عبدالله الدوسري غير متصل

عبدالله الدوسري is on a distinguished road


افتراضي رد: التغطية المصورة لـــ حفل قروب (المطاليق) بحضور شيوخ ووجهاء قبيلة الدواسر

فهد


يا اخوي عطنا صلاحية التعديل ع الأقل ساعة ساعتين

 

 

 

 

 

 

التوقيع

قلته و انا ربعي طريّين الأفعال=من لاد تُغلب مضعِفين الحْلالي
أهل رْباعٍ للمناعير مدهال=كرمان في شحشاح عسْر الّليالي
لا جاو اهل عوص النّضا بأشهَب الّال=تسابقوهم بالعزايم عيالي
و عاداتهم لا جاء الّلقا كسْب الأنفال=و كم واحدً في سِرْب ربعي يِشالي
هل سربةٍ يفرح بها المغرق الذّال=لا حلّ بأقطار السّبايا جْفالي
كم واحدٍ نجعل على كبده املال=عقب الشّرَه يتبع طريق السّهالي

dossasd@hotmail.com

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة للحفل السنوي الخامس لقبيلة الدواسر بإستضافة ورعاية الشيخ فيحان بن شجاع بن محماس بن سويلمه آل بريك حفظه الله ورعاه. الإداره :: قسم اللقــاءات والفعاليات والتغطيات الخاصة:: 39 30-04-2011 02:03 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. الإداره :: قسم اللقــاءات والفعاليات والتغطيات الخاصة:: 16 22-11-2010 09:44 AM
التغطية المصوّرة للحفل التكريمي لقبيلة الدواسر العريقة بمناسبة موقفها المشرّف إتجاه قضية إبنها محمد بن فهد الصخابرة الإداره :: قسم اللقــاءات والفعاليات والتغطيات الخاصة:: 12 22-02-2010 08:34 PM
التغطية المصوّرة للحفل السنوي الثالث لقبيلة الدواسر بإستضافة ورعاية حسين بن براك آل حضيري المشاوية بدولة الكويت الإداره :: قسم اللقــاءات والفعاليات والتغطيات الخاصة:: 71 03-03-2008 02:25 PM

 


الساعة الآن 01:31 AM


Powered by vBulletin® Copyright ©2000 - 2024, Jelsoft Enterprises Ltd.
---