التغطيه المصّوره لملتقى قبيلة الغرره الثاني - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 09-04-2007, 06:59 PM   #1
 
إحصائية العضو








فهد الغريري متصل الآن

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


:t-t-5-: التغطيه المصّوره لملتقى قبيلة الغرره الثاني



الحمد لله رب العالمين والصلاة والسلام على رسوله الكريم محمد بن عبدالله عليه أفضل الصلوات والتسليم

الإخوه أبناء قبيلـة الدواسر العريقة

الأخوة زوّار وروّاد موقع قبيلـة الدواسر الرسمي


إن من أسس موقع قبيلة الدواسر الرسمي ومن أهدافه الطموحه كانت ولا تزال جمع أبناء القبيلة على المحبة
و الطاعة والتعارف فيما بينهم ، ومن فضل الله تعالى وبجهود هذا الموقع الذي لم ولن يُخَيّب ظن أعيان القبيلة إن شاء الله عندما وضعوا الثقة فيه وأعلنوا بأنه الممثل الرسمي لقبيلة الدواسر على شبكة الانترنت . ومن ثمرة هذا المنتدى انشاء منتدى قبيلة الغرره الرسمي:

فكان تحقيق أول الأهداف المستقبلية :-

((ملتقى قبيلة الغــرره الأول))

والذي عقد

يوم الخميس ليلة الجمعة

بتاريخ 18/10/1427هـ حسب تقويم أم القرى الموافق 9/11/2006م

في استراحة(( تلال الظهران )) و الواقعة في حي الدوحه الشمالي

وقد تكفل به مشكوراً ، كلاً من:-


راشد بن عبدالهادي بن راشد بن حماد الغريري
نمر بن حسن بن سالم بن الحميدي الغريري
سالم بن مشنان بن فراج بن مرشد الغريري
محمد بن صهيب بن محمد بن مرشد الغريري



وفي يوم الخميس ليلة الجمعة

بتاريخ 10/3/1428هـ حسب توقيت أم القرى الموافق 9/11/2006م


قام مشكوراً ، كلاً من:-


راشد بن هادي بن محيثل الغريري
راشد بن جويعد بن فراج الغريري
عيد بن شافي البوير الغريري
هادي بن عبدالله بن شبيب الغريري



بالتكفل بالملتقى الثاني للقبيلـة الغـرره

الذي لاقى نجاحاً مبهراً

فيسرّنا أن نقدم لكم تقريرا مفصلا عن الحفل :-


في ليلة فريدة وفي تجمع عـز وطاعة وفي لقاء أنس ومحبة ومن على تلال الظهران

في ملتقى قبيلـة الغـرره الثاني والذي تكفل بتنسيقه ، كلاً من:-

فهد بن هادي بن راشد الغريري
راشد بن حماد بن محسن الغريري
فراج بن مشنان بن فراج الغريري


وقاموا بتنظيمه بالتعاون مع موقع قبيلـة الغـرره الرسمي على أحسن ما يكون .

ولا أنسى بالذكر: عبدالله بن الحميدي بن محمد الغريري
الذي ساند المنسقين فور وصوله من العمل يوم الأربعاء

فقد بدأت جموع المدعوين تتوافد على إستراحة تلال الظهران الواقعة في حي الدوحه الشمالية من بعد صلاة المغرب

فقد حضر أغلب أعيان قبيلة الغـرره، كما توافد العديد من أبناء القبيلة من مناطق المملكة العربية السعودية ، وكما حظرا أبناء عمنا من الخرج و كما حظرا أبناء عمنا آل مقرن من الرياض وكما حضر أبناء عمنا آل حسن من الحوطه ، وذلك للإلتقاء بأبناء عمهم ، الذين حضروا لكي يجتمعوا معهم في هذا الملتقى الطيب.


وكما اغتنم موقع الغــرره الرسمي الفرصة بحضور أبناء عمنا من الجهات السعودية المختلفة في توزيع المجلد الصادر عن موقع قبيلة الغــرره الرسمي ، والذي يجمل عدة مواضيع ، ولعل من أبرزها:
نبذه مختصره عن قبيلة جميلة الوائلية في الجزيرة العربية ، و نبذه مختصره عن قبيلــة الغــرره ، و معركة الهدار الشهيرة ، وغيرها الكثير...
من أراد إغتناء المجلد فليحمله من الرابط التالي

أضغط هنا

وهذه بعض جوانب الحفل المصّوره:-



جانب من الحفل



جانب أخر من الحفل



جانب من الحفل



جانب من الحفل



جانب من الحفل



صوره جماعيه لكبار قبيلة الغــرره



الشيخ:الحميدي بن محمد بن الحميدي الغريري


الشيخ:مفلح بن الحميدي بن فالح الغريري


الشيخ:بتال بن محمد بن شافي الغريري


الشيخ:مدعث بن سالم بن مدعث الغريري


إبن العم:مقرن بن عبدالعزيز آل حسن الغريري


الشيخ:هادي بن إبراهيم الغريري


إبن العم:عبدالله بن سعد آل مقرن الغريري


إبن العم:محمد بن سعد بن بتال الغريري


العم:راشد بن محمد بن الحميدي الغريري



في تمام الساعة التاسعة بدء برنامج الحفل



راشد بن حماد ، وهو يقدم الحفل


وقد قدم الحفل إبن العم: راشد بن حماد الغريري ، حيث رحب بجميع الحضور الذين تعنوا وأتوا من جميع الجهات السعودية من أجل أن يحضروا هذا الملتقى ، حيث تألق وأبدع في تقديم الحفل ، وهذا ليس بمستغرب من رجلٍ بمثابة ابو محمد.



إفتُتِحَ برنامج الحفل بآياتٍ من الذكر الحكيم تلاه الأخ: هادي بن سعد بن هادي الغريري



هادي بن سعد ، وهو يتلوا أياتٍ من الذكر الحكيم


قال الله تعالى: (( يَا أَيُّهَا الَّذِينَ آمَنُواْ اتَّقُواْ اللّهَ حَقَّ تُقَاتِهِ وَلاَ تَمُوتُنَّ إِلاَّ وَأَنتُم مُّسْلِمُونَ{102} وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَاناً وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ{103} وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ{104} وَلاَ تَكُونُواْ كَالَّذِينَ تَفَرَّقُواْ وَاخْتَلَفُواْ مِن بَعْدِ مَا جَاءهُمُ الْبَيِّنَاتُ وَأُوْلَـئِكَ لَهُمْ عَذَابٌ عَظِيمٌ{105} ))


ـــــــــــ


منطلقاً من قول الرسول صلى الله عليه وسلم : (( ما اجتمع قومُ في بيتٍ يذكرون الله ، إلا غشيتهم الرحمة ، وحفتهم الملائكة ، ونزلت عليهم السكينة ، وذكرهم الله فيمن عنده ))



راشد بن محسن ، وهو يلقي الكلمة الدينيه


لذا قام: راشد بن محسن بن عيد الغريري ، بإلقاء كلمة وعظيه ، قال فيها:

رحب بجميع الحضور
وأشاد بمن تكفل بالحفل ، وكذالك المنسقين للحفل ، وشكر كل من حضر هذا الاجتماع


كما قال أن معظم الأسر تتمنى أن تكون لها مثل هذه الاجتماعات ولكن!!
شغلتها الدنيا ونسوا صلة أرحامهم


وكما ذكر أن مثل هذه الاجتماعات تنمي أوصر القربى وتزيد التآخي بين أفراد القبيلة كافه

وكما حذر من قطيعة الأرحام لأنه يترتب عليها أثمٌ عظيم وذنبٌ كبير


ـــــــــــ



راشد بن جويعد ، وهو يلقي كلمة موقع قبيلة الغرره الرسمي


موقع قبيلـة الغــرره الرسمي لا شك أنه يفتخر بجميع منسوبيه ، وقد اختير نيابتاً عن أعضاء المنتدى الإداري الفخري: راشد بن جويعد بن فراج الغريري ، ليلقي كلمة موقع قبيلـة الغــرره الرسمي ، حيث قال فيها:


حيث رحب بالجميع ، وشكر على هذا الحضور الطيب

وقال هذا شيء غير مستغرب عليكم يا أبناء القبيلة ، فهذا سلمٍ لنا من قديم الزمان

وأثنى على هذه الاجتماعات وقال إنما هي تجسد روح التآخي بين أبناء القبيلة


وأشاد بجهود إبن العم مؤسس منتدى قبيلة الغرره الرسمي : راشد بن عبدالهادي بن راشد بن حماد الغريري ، على جهوده الواضحة في منتدى قبيلـة الغــرره الرسمي

وفي ختام الكلمة سأل الله بأن يجمع القبيلة على خير ولا يفرقها.



ـــــــــــ


ويأبى الشعر إلا أن يكون له حضور ونصيب من هذا الملتقى الطيب وبين هذا الجمع الطيب

والرسول صلى الله عليه وسلم يقول: (( إن من البيان لسحراً وإن من الشعر لحكمه ))


شاعِرُ حضر الملتقى الأول لحفل القبيلة وألقى قصيدة الشاعر: محمد بن ناصر بن هديهد الغريري بدلاً عنه ، وها هو في هذا الحفل يلقي قصيدةً له

إنه الشاعر الكبير: محمد بن حمد بن سالم الغريري



محمد بن حمد ، وهو يلقي قصيدته


ويقول في قصيدته:

اهدي سلامي معطراً مسك وريحان=وبرسله حفل الرجال المناعير
واثني التحية من محبٍ وولهان=للي لهم بالقلب حشمه وتقدير
ترثة جميلة من سلايل الشجعان=أحفاد فيصل وعمرو وكليب والزير
هم عزوتي ومحزمي في كل الأزمان=نسل الشيوخ متسلسلين من غرير
أفعالهم يشهد لها كل من كان=ومضيرين المراجل صدق تضيير
وراعي الفكرة هو على العز كسبان=كاسب طيب الفعايل دون تقصير
شيخٍ ولد شيخ وللطيب شفقان=شيخ المراجل وما التفت للمخساير
ولع أنا قلبي من الشرق نيران=والبعد عنكم دمر القلب تدمير
قلبي معاكم دايم الدوم خفقان=وغلاكم عندي سطر الشعر تسطير
معذور انا معذور ولا نيب غلطان=شوقي دعاني و جيتكم دون تفكير
و المعذرة وإن كان في الشعر نقصان=فكره طرت لي وصغتها بكل تدبير


ـــــــــــ


ويستمر عطاء الشعر في ذاك الليل البهيج ، وكان موعدنا مع شاعر من خريص ، إنه شاعر الغرره ، إنه الشاعر: محمد بن ناصر بن هديهد الغريري ، وقال في قصيدته:



محمد بن ناصر ، وهو يلقي قصيدته

يقول ابن هديهد جديد القول لا قـال=بدا و ابتدا بأعـذب معانـي امثالـه
ابمدح هل الطالات والعلوم الجـزال=أهل الوفا والطيب شـرق وشمالـه
أنا دوسري معرب العـم والخـال=من الغرره نعـم الفخـر و الطالـه
دواسـر كنيـو بدوسـر بالأمـثـال=فحول الجمال اللي قـوىٍ احتمالـه
قد قالها محمـد السديـري ولا زال=واليـوم أنـا اللـي بجـدد مقالـه
حنـا الدواسـر متعبيـن الجـمـال=وحنا الدواسر على الخيـل خيالـه
والخيل ما يركب عليها كود خيـال=يـوم المعـارك كـل قـرم وفالـه
أي لا من غدت بعض السوالف طـوال=رجال الغـرره للصعبـات حلالـه
رجالنـا يسـوى خمسيـن رجـال=قولٍ صحيحٍ بعطي علـي الدلالـه
تشهد على صدق السوالف الأفعال=علوم الوفا والطيـب كـل ومجالـه
لامن اشتدت الشدات في كل الأحوال=اتبيـن بالشـدات ذيـاب وثعـالـه
احدٍ علـى الشـده وسيـع البـال=وحدٍ على الشدات قصيـره حبالـه
لابتي الغرره سعد من حده الجـال=قصيرهم مـا يشتكـي مـن ليالـه
يرتكـون لكـل حمّـلات اثـقـال=أنشهد إنهم لا أثقل الحمـل شيالـه
قومٍ كـرام فيهـم اطـوال الامـال=سلالـه يـا نعـم فيهـا سـلالـه
بيوت شعري فيهم تصيـر جـزال=و الاشعار ما تصلح بغير الجزالـه
الآد الغريري عزوتـي مثـل الجبـال=هـم اهـل المراجـل و الجمالـه
كامليـن والله اللـي لـه الكـمـال=سبحـانـه الله جــلا جـلالــه
رجلٍ بليا ربع عليـه الدهـر مـال=وعزاه يا رجـال بيعيـش بلحالـه
وارجوا المعذره على نقص الأمثال=ما فيـه شـي بالمـلا فـي كمالـه


ـــــــــــ


ورثنا المجد كابر عقب كابر=مع التاريخ وشدينا شراعه


بيت من قصيده للشاعر: فراج بن مشنان بن فراج الغريري، فقال في قصيدته :



فراج بن مشنان ، وهو يلقي قصيدته


على الموعد نجي سمعٍ و طاعه=نجي حب ومحبه من قناعه
بأن الملتقى عز ومعزه=و وصلٍ جعل نلقى به شفاعه
وجيهٍ طيبه و علوم غانمه=و سوق رجال يا طيب البضاعه
و هبة ريح وعودٍ فاح طيبه=وكيفً يدور من دون إنقطاعه
سواليف وتعاليل و وناسه=وسجّه بين ربعي حول ساعه
صبيٍ يرتكز هلاّ ورحّب=وصبيٍ يثني للدله كراعه
مواري للكرم يا كن اهلها=تسوقها مع وقت الرضاعه
عسى الله يجزي الطيّب بطيبه=و يلقى الطيب عند الله وداعه
و الا يا ناقضه حلو الجدايل=يا عودٍ ناعمٍ ما ازين طباعه
تصوبني سهوم عيونك السود=و لا لي دونها درع ومناعه
و انا شاعر تمثل بالقوافي=يلّعبك الطرب حزة سماعه
و انا اقصر عنك من خوفي من الله=و شيمة ربعي و وجيه الجماعه
يا حيث ان لابتي ما هي بتجهل=من جميله مزابين الشجاعه
من اغرير ابن حماد ابن فيصل=دواسر للعدو سم و مراعه
ورثنا المجد كابر عقب كابر=مع التاريخ و شدينا شراعه
على دين الله وسنت رسوله=ولا في غيرها عز و طماعه
و للعليا نذبّ انفوسنا ذبّ=و لو قالوا كنوز الارض قاعه
عشقنا الطيب و لا نرضى بديله=و رفيق القوم ما نرضى خداعه
تعلمنا العطى من دون حسبه=نمد المُد و نزيده بصاعه
من الله وحده و جوده و فضله=كريم معتلي عرش ارتفاعه
مواريث و مواجيب محفوظه=و لا بعناها يوم الردي باعه
وهذا شي من بعض التواصيف=الى من شبل وصّف سباعه
و الا يا ناعمه صدي بوجهس=عن اللي سهم عينس جاه و لاعه
و الا يا لابتي حب ومحبه=نجي للملتقى سمعٍ و طاعه
لأن الملتقى عز ومعزه=عسى نلقاها عند الله شفاعه


ـــــــــــ
وما يزال فيض الشعر مستمر ، وأما الآن فمع قصيدة الشاعر : محمد بن صهيّب بن محمد الغريري ، ويقول فيها :



محمد بن صهّيب ، وهو يلقي قصيدته


يالله انا طالبك من ضعف وهزال = انك تروف بحال منهو كسيري
لا جار بي وقتي وعلي الدهر مال = بخلاف فكري كيف احكم ضميري
ابكي ودمعي من على الخد ينهال = ابلا وقوفٍ دمع عينٍ غزيري
ابكي وكن جاني قصاف الآجال = وكن عمري في حياتي قصيري
ما ينفع المخلوق من كنز الاموال = لا جا مماته وفيها وقفة مصيري
لا حِصيت أعماله من ادقاق واجلال = وأيقن بأنه فالحساب الأخيري
يا مبدل الأحوال من حال لا حال = ارفق على وجهٍ طليقٍ سفيري
ويا سالم المنعور يا طيب الفال = سندت قافي وانت رجلٍ خبيري
خذ يا نديبي من عذيات الامثال = مثايلٍ قدام جمعٍ غفيري
وألغاز شعرٍ في معانيه واجزال = ما يفهم المعنى عديم البصيري
دنياً دنية ما صفت لي على حال = ولا صادفت عسر الليالي بخيري
بارك الله فيوم صكّات الاهوال = عرفت منهو قد حسبته ذخيري
وآحزني مما شفت بالعين مهتال = وبعض العرب في عينه شرٍ خطيري
ما كل من يركب له الخيل خيّال = وما كل من ركّب جناحٍ يطيري
وما يرتكي للكايده كود رجال = وقت اللوازم فالزمان العسيري
وما يذبح الرجال يا كود الانذال = واللاش ما يعز جاره وايجيري
يا مشيّن الفرقا لذربين الافعال = ويا محقر الجمعه في عين الحقيري
فأنا عزيز النفس فارس وخيّال = ما ذلني قل الدراهم لغيري
أفزع لربعي دايمٍ كل الاحوال = ومن لامني يجهل بفعل الغريري
ولو المصايب تمتطر وبل همّال = على ابن عمي جيتنا له خشيري
ولو ما بقى فالبيت فلسٍ ولا ريال = رحت أستلف وافزع لحاجة قصيري
ما آرثت من جدي لا أرضٍ ولا مال = إلا وثت منه علمٍ كبيري
لنا مجالسٍ للشغاميم مدهال = ونجرن يدن طول ليله سهيري
وحيلٍ سمانٍ مع معاميل ودلال = وفنجال بنٍ زاهيٍ مستديري
يبعد عماس الراس ويكيّف البال = وسوالفٍ على المراجل تشيري
وكل النشاما لو شخلهم بمشخال = صفت على ربعي ابعدٍ كثيري
لأن القبيلة افعزها ما بها احثال = يجمد على شارب خصيمي شطيري
مثل السعاير ضوحها يشعل اشعال = وفعل المراجل شاربه من غديري
ويا لابتي يا عزوتي لاحتمى الجال = ولا اعتلى المرقاب وصاح النذيري
وكلٍ تعزوته بعزوته لآشهب اللال = وانا اتعزوى بربعي لآد الغريري
من فوق قب مهار فزعين واعجال = يا درعي الضافي نهار المغيري
وسم الغريري مطرقينٍ مع هلال = وعلى يمين العنق باسم بعيري
وذيداننا من دونها حراب وسلال = ومن دونها لابة بحد الشطيري
ما قلتها فخرٍ ولا قلتها اهبال = ولا جبتها صدفة ولا هي لغيري
منظومةٍ ومطرزة بكل الاشكال = فايح شذاها من خزام وعبيري

__________


إخواني وأبناء عمي و زوار موقع قبيلـة الدواسر الرسمي

لكل مجتهد نصيب من الشكر

والرسول صلى الله عليه والسلام يقول: (( من لا يشكر الناس لا يشكر الله ))

فكانت فقره تكريميه لأعضاء منتدى قبيلـة الغــرره الرسمي ، الذي رعاها ابن العم : راشد بن عبدالهادي بن راشد بن حماد الغريري ، حيث قال في كلمته قبل التكريم :



راشد بن عبدالهادي ، وهو يلقي الكلمه التكريميه


الحمد لله رب العالمين والصلاة والسلام على رسوله الكريم محمد بن عبدالله عليه أفضل الصلوات والتسليم

برغم البعد وبرغم قسوة الظروف إلا أننا اجتمعنا في مكان واحد

كل الشكر لمن تكفل وساهم بإنجاح هذا التجمع الطيب الذي نتمنى أن يستمر بهذه الطريقة

ونشكر كل من

1-راشــد بن محيثل 2 - عيد بن شافي 3- راشــد بن جويعد 4- هادي بن عبدالله

شكراً لكل من حضر في الملتقى من المنطقة الشرقية وخارجها

و أيضا لا أنسى تقديم كل الشكر والعرفان لأبناء عمومتنا من الخرج والرياض

على حضورهم وتكبدهم عناء الطريق في الحقيقة سعدنا جميعاً لحرصهم

على الحضور و جميعنا مقدرين ذلك

وفي الأخير لن أدع هذه الفرصة تفوتني دون أن أتوجه بجزيل الشكر

إلى كل من ساهم في إنجاح هذا الملتقى وأخص بالذكر منسقين الملتقي

وهم : فهد بن هادي و فراج بن مشنان و راشد بن حماد

لاشك أن منتدى قبيلة الغرره الرسمي يفخر بجميع المنتسبين له وما وصل إليه إلا

بفضلكم بعد الله وجميع الاحبه المشاركين معنا سواء من أبنا الغرره

او من الإخوان الأعضاء وهذا ما يجعلنا كغرره بشكل عام نفخر بتواجد

هذه النخبة من الأعضاء

ولكل مجتهدٍ نصيب ولابد لكل فاعل خيرٍ جزاء

تصديقاً لقول رسول الله صلى الله عليه وسلم

(( من لا يشكر الناس لا يشكر الله ))

وقد طلبت من أعضاء إدارة منتدى قبيلـة الغــرره الرسمي ترشيح من يستحق الدرع التذكاري

وقد رشحوا 25 شخص

ونحن في هذا اليوم لا نستطيع أن نكرم كل هذا العدد

فقررنا تكريم 8 أشخاص في هذا الملتقى

وهم:

1- عيد بن شافي. 2 - راشد بن جويعد. 3 - راشد بن محسن (البوير).
4- هادي بن عبدالله (ابو نواف). 5- محمد بن حمد. 6- سالم بن مشنان.
7- مشاري بن جويعد. 8- الحميدي بن محمد.



وإليكم صور التكريم:-



شكر وعرفان من موقع قبيلة الغرره الرسمي لــ عيد بن شافي الغريري



شكر وعرفان من موقع قبيلة الغرره الرسمي لــ راشد بن جويعد الغريري



شكر وعرفان من موقع قبيلة الغرره الرسمي لــ هادي بن عبدالله الغريري ((أبونواف))



شكر وعرفان من موقع قبيلة الغرره الرسمي لــ راشد بن محسن الغريري(( راشد البوير))



شكر وعرفان من موقع قبيلة الغرره الرسمي لــ محمد بن حمد الغريري



شكر وعرفان من موقع قبيلة الغرره الرسمي لــ سالم بن مشنان الغريري



شكر وعرفان من موقع قبيلة الغرره الرسمي لــ مشاري بن جويعد الغريري



شكر وعرفان من موقع قبيلة الغرره الرسمي لــ الحميدي بن محمد الغريري


ـــــــــــ


وهذا ليس بالغريب على راشد بن عبدالهادي بتكريم من يستحق التكريم في منتدى قبيلة الغرره الرسمي ، والكل يستحق التكريم

وعندما تسلم الدرع التذكاري: الحميدي بن محمد الغريري



الحميدي بن محمد ، وهو يلقي كلمة إرتجاليه بعد تكريمه



اعتلى المنبر ليلقي كلمة ارتجاليه ، حيث شكر راشد بن عبدالهادي على هذا التكريم الذي لا يستغرب من أمثاله ، وشكر جميع أبناء القبيلة على الحضور الكثيف الطيب ، وكما دعى أبناء القبيلة على المشاركة في منتدى قبيلة الغــرره الرسمي


ـــــــــــ


وبعد أن انتهت فقرة التكريم كانت فقرة الصفوف ، وإليكم التفصيل:-


بعض صور العرضة :-














[





وحيث شالوا قصيدة الشاعر: محمد بن صهيّب الغريري ، حيث يقول فيها:

قال منهو بدا بذكر الله الهادي = خالق الكون وعالم ابخوافيّه
منشي الغيم ومرزق كل العبادي = وكل عبدٍ ورزقه عند واليّه
ببدع القاف وبذكر فعل الاجدادي = وكل قافٍ جديدٍ في معانيّه
وسلم جداننا هو سلم الاجوادي = نمّن الجار وندمح له خطاويّه
دارنا اللي عليها الضيف وفادي = دارنا بالكرم والطيب مبنيّه
والقصور الشوامخ حق واسنادي = قصر سلمى وصبحا يالدناويّه
سلمنا نكرم الضيفان يا هادي = وضيفنا يبشر ابحيلٍ وبريّه
وفي اللقا ضربنا بسيوفٍ احدادي = والعدو يبشر ابشلفا وجنبية
من شمال الجزيرة وحّدر الوادي = لين ما تجنب يم ديار ياميّه
ولا بتي مثل برّاق ورعّادي = لاد الغريري ترثة الجميليّه
فعلنا سابقٍ برهانه اوكادي = والهدف صايده من كان راميّه
والفعايل لنا تاريخ وامجادي = اعجز بذكرها سر وعلانيّه


ـــــــــــ


وبعد هذه الفقرة

فتحت أبواب الموائد فتفضل الجميع للعشاء


ـــــــــــ


وعندما عادوا إلى المجلس

أحيى نخبه من شعراء الغرره أمسية شعرية ، وهم:-
الشاعر محمد بن ناصر بن هديهد و الشاعر محمد بن حمد بن سالم و الشاعر فراج بن مشنان


وفيما يلي عدة صور إلتقطة في الأمسية:-











وإليكم تفصيل الأمسية :-



راشد بن حماد ، مقدم الأمسية



الشاعر الكبير: محمد بن حمد ، وهو في الأمسية



الشاعر: محمد بن ناصر ، وهو في الأمسية



الشاعر: فراج بن مشنان ، وهو في الأمسية



حيث أدار الأمسية بكل جداره مدير العلاقات العامه للمنتدى قبيلة الغـرره راشد بن حماد الغريري

وبدء بالأمسية الشاعر: محمد بن ناصر بن هديهد الغريري ، حيث شارك بقصيده كتبها عندما أرسله إبن القبيلة حسن بن راشد بن زيد آل حسن الغريري قصيده غزليه من وراء الأفلاج يقول في مطلعها:

الراكب إلي وردوها وسموها همر=خذ مرسول الغريري وخلك له عوين


إلى نهايتها ، ويقول في نهايتها:


لا توصيني صبر يا محمد قد سمحت من الصبر=هات حلك يا محمد يا الرجل الفطين


وقد رد ابو ناصر عليه بهذه القصيده ، ويقول فيها:


مرحباً ترحيبة الطيب يدفعها قدر=بالكتاب ومرسله والنديب والأقربين
مرحباً ترحيبتن طعمها طِعمة تمر=مبمذع مخيضن في غضاره وفاض بذبد ضبن
ولونها تنعومة الوسم بأكتوبر الأغر=وريحها لا فاح فالفل وإلَّا الياسمين
تخضع لجبهة لأبن زيد وتكابر فخر=في ربوع الوادي اللي أتخلده السنين
وادين باسم الدواسر يوم الدنيا بكر=نحتمي غرسه وذوده بمذلوقٍ سنين
يا حسن تشكي لي الحب والدنيا عبر= يا كيف بأفيدك وأنا أصيح ضمن المشتكين
و حرة الفرقا ليا وقعت وسط الصدر=ما يطفيها سوى شوفت الغايب بعين
عدني لك سايق خاص شهرين و شهر=وموتري في خدمتك و أنت تأمرني يمين
لين تاصل سيد البيض براق النحر=وتبتهج رق المشاعر بلمسات اليدين
ثم تخالط حر الأنفاس في رض الخضر=و تنكشف الأسرار ما بين لَلْسن و الكنين
و رقصت حلو السوالف مع قطف الثمر=كلمتين و لقمتين وضحك و جغمتين
ثم دخلتوا عالم الهاي هاي أول تو قذر=وكل ما شحت سحا من طغاك تقول أجين
ها كذا والذل ما هوب يثر في القدر=محدن يغدا بحقه يا كود المستحين
ولا وصلت حدود شبكك فلا منك عذر=عدني لك بنك و أمر ابن هديهد يبين
الحتفال و صالته و الذبايح و المهر= والملّك وشعرانا و بشت وشاهدين
وعقب اللي في لزوم الرفاقه يتخر=كيف عاد وعالم العشق عند العاشقين
وختامها صلوا عدد ما تبين القمر=على النبي محمد سيد كل المرسلين



عندما يتكبر الشخص على لا شيْ ويشوف نفسه على شيء فإن هذا الشيء يكون مذموم ، وبهذه المناسبة قال الشاعر: فراج بن مشنان الغريري ، وللسماع القصيده يرجى تحميلها من على الرابط التالي:


اضغط هنا



راشد بن حماد ((مدير العلاقات العامه للمنتدى قبيلة الغرره الرسمي)) أحد أسس المنتدى وأحد أركان القبيلة ، فمهما أقول فيه لن أوفيه حقه بالقول بهذه المناسبة ، لذا فإن الشاعر: محمد بن حمد بن سالم الغريري قال قصيده في راشد بن حماد "و ابو محمد يستاهل ما قيل فيه" ، وللسماع القصيده يرجى تحميلها من على الرابط التالي:


اضغط هنا



ابو ناصر"محمد بن ناصر بن هديهد الغريري" ، وكعادته بقصائده الجزلة التي لا تستغرب منه ، فالآن مع قصيده له يمدح بها : الشيخ محسن بن عيد الغريري "طيب الله ثراه" و الشيخ: مفلح بن الحميدي الغريري "أطال الله في عمره" ، ويقول فيها:



أبـدا بـذكر اللـي فـرض خمــس لركـان=فرد صـــمد حـــيـــــن رؤفٍ ودودي
اللي بسـط سـبع ورفع سبع بلا عمــدان=لا إلــــة إلا هــــو خـــير معبـــــودي
مـن بعـد ذكـرة بمـدح اللـي لهــم شــان=اشــــيوخ قــــومٍ فلقـــا مـــاتحــــودي
أشــــيوخنا لاثـــــور الجـــــو دخـــــان=يـردون حوض الموت ورد الورودي
حمايـــةٍ للبـــل مــــن كــــل طمعـــــان=وعنـدي علـى قــولي أدلــه وشـهودي
الشـــيخ مفلـــح ونعـــم بـــة كحــــيلان=شـــيخٍ ولـد شيـــخ وفعلــه مشــهودي
ابـوه لحميـدي وجـده فـالح بن ســلطان=متسلسـلين مـن راس ســلطان العودي
ولأ نسى ذكر فارس من روس فرسان=شـجاع وكــريم يفـرح بة المضــهودي
البـوير، إلى من عـدة افعـول الشـجعان=علـي الحـرام أن فعـل محسـن يـزودي
قـــد قادهـــا يـــم الوديعــــة بنجــــران=وشــارك أبحـربن بـة جمـع وجنــودي
ومـن فضل ربي وفعـل ذربين الأيمـان=رفــرف علمنــا فــوق روس زيــودي
حنـا هل العشـوى على ماضي الأزمان=عــزوة ســلاطين الرجــال الأســودي
دخيلنــا ينــــزل علـــى روس الأبيـــان=ســـلمن لنــا من ماضــيات العهــودي
توســم عصـاه وطالبــه صـار خسـران=ومــن غرتــه نفســه كلتــه الوقـــودي
وبيــوت ربعــي ظـل للضـيف وكنــان=ياجعلـــهم دب الـــدهر في الوجـــودي
تلقــى الـدلال اللــي بهــا خــتم رسـلان=وســـوالفن عنــد النشـــامى لفهـــودي
ونجـرن يـدن ويصـقعه طــير حــوران=قـرمن غريــري بالمراجــل يجــودي
ونحمـــد الله حـــن في أمــــن وأمــــان=في ديننـا الإســلام وحكـم آل سـعودي
وصــــلاة ربــــي عــــد ماهــــل ودان=وعـــداد ما هبـــت هبايـــب النـــودي



وأما الآن فلنا موعد مع الغزل مع الشاعر: فراج بن مشنان الغريري ، ويقول فيها:


الا يـا مـلّ قـلـبٍ بالـمـوده = سلبه الزين ما هو بالذراعي
تلاعب به و بيّح فيه سدّه = و بدل عنه وصله بإنقطاعي
يعشّمني و يقصر دوني مُده = و انا موفي له الكيله بصاعي
يورّدني على بيره و عدّه = و يـصدّرني و انا ظـميان قـاعي
ينام اللـيل خـده فـوق يـده = و انا هاجوس فكري غصب واعي
اصفف له قصيدي ثم ارده = و اشل الصوت حزات الهـجـاعي
صغير السن لون الورد خده = غضيض العود و عيونه وساعي
تمكن في ضميري و استبده = و لا هـو للـمحبه يــوم يـراعي
و انا قلبي عليه الشوق يحده = على من لا شرى حبي و باعي
على منهو سـلبـني بالـموده = حـظـيظٍ مـا خـذاها بالـذراعي
ولو هي بالذراع و فعل زنده = حرام اني لـطّـرحهم صراعي
و لو هي بين جدي و بين جده = خذيناهم و لو دون المناعي
و لـكن نـدّ والـمحـبوب نـدّه = سفيـنـه والهوى يذرى الشراعي
يـمـيل الـوقـت ما نـقدر نـردّه = بطيع الوقت اذا ما الوقت طاعي
و اكيد ان السعه من عقب شدّه = و يطيح الطير من بعد ارتفاعي



الشاعر الكبير: ابو حمد "محمد بن حمد بن سالم الغريري" ، لنا موعد مع قصيده له في أخوه سعد بن حمد الغريري "أطال الله بعمره" ، وبقول فيها:


جتني قصيدة يوم الفكر دار = قلتها من داخل القلب مخفية
ابرسلها لحرٍ معتليٍ سيد الاحرار = من قومٍ ماتهاب الموت في كل هية
غريريةٍ لاحل الملاقا كلهم اغوار = من نسل فيصل اهل الوفا والحمية
كاسبين النفايل فاكين النشب الجسار = ربعي في نهار الهوش تصلى الصلية
دواسرٍ تنهض الهامة وقت العسار = تاطى على ارقاب النفوس الردية
ابو حمد وقت المحن متجلدٍ صبار = مايرتضي بالضيم لو تجيه المنية
هو عضيدي لامن اصطكت بي الاضرار = لانصيته لقيته في حزة وفية
كريمٍ صادقٍ حافظٍ حقوق الجار = فاتحٍ مجلسه يفرح بكل جية
ياطيب طيبه عند صغار و كبار = وعسى السعادة ماتفارق ثنية
قلتها من خاطري من بعد الاسحار = لسعد وجه السعد ابو نفسٍ زكية
وصلاة ربي على سيد الاخيار = الرسول اللي نذكره كل صبح وعشية



نعود مع الشاعر: محمد بن ناصر الغريري مع قصيده له في منتدى قبيلة الغرره الرسمي عندما فتح ، ويقول في مطلعها:

بسم الله أبدا بأول أحروف الأبيات=بسـم الله الرحمـن مبـدا كلامـي


وقال فيها:


بسم الله ابدا بأول احروف الابيات=بسم الله الرحمن مبدا كلامي
علام ماتخفي عليه الخفيات= ذكره على المسلم وجوب(ن) الزامي
وافشى السلام يقال في كل حزات= ومني لموقع منتدانا السلامي
المنتدى اللي شيده طيب الذات= راشد ولد هادي عزيز المقامي
له من جنابي والقبيله تحيات= للجهد والمجهود والقصد سامي
ومن باب فتح الباب للشعر صولات=وانا بميدان المعاني اهمامي
احب اخاطب به عقول فهيمات= والشعر مرسول للعقول الفهامي
ياربعي الغرره ياهل المروات= عندي نصيحه يالوجيه الحشامي
نصيحةٍ تشمل ارجال الجميلات= والطايله تبني لهلها سنامي
تاريخنا معروف من ماض الاوقات=فعل مثبت مايبي له محامي
مافيه داعي للفتن والتشتات= ياطيب لم الشمل قدام الانامي
ابليس لوهو شن لشر غارات= غايته يحدث بالصفوف انقسامي
للشر شارات وللخير شارات= والخير يسعى له ارجال اعضامي
من قدم الحسنا يجازا بحسنات= ومن قدم السيات يجزا الاثامي
والناس بالظاهر تقدم علامات= كل على مقدار مده يسامي
والمنتدى يقرئ بقوقل مع الشات= بكل اللغات يعد منبر اعلامي
ياطيبها بمزارق الطيب لاجات= بين الجميع وكلش(ن) باحترامي
وانا بقافي بينكم حاضر اثبات= فيما يعز المنتدى بالتمامي
واركز لبوهادي على الرجم رايات=في بادي الموضوع وايضا الختامي
وصلو على محمد بخير الصلوات =اعداد من كبر وصلى وصامي



بعد قصائد الغزل تأتي النصائح لعل هذه تمسح تلك ، وأما الآن فمعَ الشاعر: فراج بن مشنان الغريري ، ويقول في قصيده له مسندها على خوي له عزيز وهو: فهد بن مسحل البقمي، ويقول فيها :


تبارك من على خلقه فضايله = قريب يجيب من يدعيه سايله
و انا ببداء بذكره عقب اسمي = الا و اسمي الوليّ يهوّن هوايله
بعدها يا فهد يابن الحموله = بقوم اهل الفخر و الروس طايله
يطاول مجدهم عال الجبالي = و ترى المعروف ما تعرّف فعايله
ابسند لك قصيدٍ من هجوسي = و انا شاعر يصخر لك مثايله
و انا من لابة و الحمد لله = لها بالطيب صولات و جايله
دواسر و العرب تشهد فعولنا = غريريٍ طويلٍ مع طوايله
و حيثك يا فـهـد شيٍ من الروح = ببوح بسدي و الشكات زايله
ابشكي شي شفته شوف عيني = من اصناف البشر عدله و عايله
يعومس خاطري شوفة صبينٍ = مضيع دينه و دنياه مايله
يـغـيـر لـون جـلـده كل حـزه = بسـبع وجـيه معـدومه جـمايله
فكر خاوي بلا مبداء و قناعه = وغاياته تبـرر له وسايله
تعيسن يعبد رياله و مسكين = كبير الهم فوق الراس شايله
و ينومسني صبيٍ جامع الدين = مع سلم و مراجل في عمايله
يجيك ابلج قبولٍ في محيّاه = يذكرك الصحابه في خصايله
يحفظ الله في سر و علانه = يحفظ اعراض جاره ما يخايله
يعز الضيف و يفرح في مجيه = و الى جت للعطاء يعطي جزايله
ما بين الناس بالخيرات يسعى = و بصفوف الصلاه صفه باوايله
يوزن كل كلمه قبل يقولها = و يربـطه اللسان بـحرف قـايـلـه
و هذا يا فهد من بعض خاطري = كثير البوح و اعطيتك قلايله
و عسى ربٍ على الطاعه جمعنا = يبلغنا جنان قطوفها مايله
و ابختمها مثل مبدى القصيده = تبارك من على خلقه فضايله
و صلى الله على محمد و سلم = عدد ما خطوا حروف برسايله




عبدالله بن راشد الغريري ، الشاعر القادم لقبيلة الغرره بإذن الله


وأما الآن مع الشاعر القادم لقبيلة الغــرره إنه:عبدالله بن راشد بن هادي بن محيثل الغريري ، ومن أراد الاستماع إلى القصيده فليحملها من على الرابط التالي:

اضغط هنا



فهد على اسمه من فهود مسمين=يفداه راعي الهون واهل الجهالـــــــه


قصيده للشاعر:محمد بن ناصر الغريري ، في:فهد بن هادي الغريري ، ويقول فيها:


يالله ياقابل صلاة المصــــــلين=يالواحد المعبود جل جلالـــــــه
ياهازم الشرك ناصر هل الدين=يا واحد مافيه غيرك نسالـــــــــــه
بك نستعين ونرجي العون يامعين=يلي فرضت الدين حق وعدالـــــــه
انك تساعدنا على العسر والين=وتعز راعي الجود واهل الجمالــــــــه
سوات ابو راشد صعوط المجانين=راعي الكرم راعي الوفا والشكالــــــه
فهد على اسمه من فهود مسمين=يفداه راعي الهون واهل الجهالـــــــه
لا يافهد ياشوق مريوشه العين=يا شوق من نعجز نوصف جمالــــــــه
يا شوق من زينه يفوق المزايين=غرون ملك زين الطبيعه لحالـــــــــه
وفي وصف زينه اصغر القاف ويزين=واذكر قليل من جمال زهالـــــــــه
شامة من الحجار قاصين وادنين=تبغا الذي جزل المدايح سمالــــــــــه
مثل فهد قرم عسى عمره سنين=قرم ومن بيت يضلل ضلالــــــــــــه
ومن لابتن يوم اعتلاج الحفيفين= عدوهم يفقد غوالي حلالـــــــــــــه
دواسر يشهد لهم في الميادين=الي لهم في قمة المجد قالــــــــــــــه
في السلم عراف وفي الحرب شرسين=يشهد لهم شرق البلاد وشمالــــــــه
وغرب وجنوب مرجحين الموازين=اهل الكرم والكيف واهل الجزالــــــــه
ربعي وانا معهم على الشين والزين=وافخر بتاريخ يشرف مجالـــــــــــه
والمدح ما يزهاه كود المديحين=ولا الردي في الوقت تقصر حبالــــــــــه
وختامها مني ورود ورياحين=وشكر وسلام في ختام الرسالـــــــــــــه



محمد بن ناصر ، يتحفنا دائماً بقصائده في رجال يستحقون القيل فيهم ، وأما الآن فمع قصيده غزليه له في:راشد بن حماد الغريري ((مدير العلاقات العامه في منتدى قبيلة الغرره الرسمي)) ، ومن أراد الاستماع لها فليحملها من على الرابط التالي:

اضغط هنا



نأسف تعثر يالوليــف اتصالك = سدد فواتير الغلا و انت مديون


بيت من قصيده للشاعر: فراج بن مشنان الغريري ، ويقول فيها:


نأسف تعثر يالوليــف اتصالك = سدد فواتير الغلا و انت مديون
راجع مكاتبنا و جدد وصالك = و اترك نميمة كل عاذل و ملعون
ترى رصيدك عندنا ما تهالك = مير انت طاغي بالقطيعه يا مجنون
اللي حكا لي هرجةٍ هو حكا لك = كذبتها لك و انت صدقت و شلون
اعرف مقامك قبل تنطق مقالك = لا تظلم اللي في محبتك مفتون
و افهم ترى ما و الله بفالي فالك = و انت اتسمّع للعواذل يقولون
راجع دفاتر حبنا و ان بدى لك = غلطه بعدلها على كيف ما يكون
مير انت عاتبني و عطني سؤالك = و اخذ الجواب موثقٍ لك و مضمون
قـلـنا من اول مـا نـبدل بدالك = و ماني من اللي ينقض العهد و يخون
شـفنا مزايـيـنٍ تعدوا جمالك = مـيـر ان حبك سرّ في القلب مدفون
ما واحده منهن خذت من خصالك = حلو المظاهر و المخابر بلا لون
تنعاف شمسك عقب فيّة ظلالك = و صوتٍ ماهو صوتك يعاف التليفون
فديت انا ربعك و عمك و خالك = و فديت من بيّح بي ما كان مكنون
اخلص وجدد يا وليفي وصالك = حد ائتمانك بالغلا صار مليون



إبن هديهد 2007


شعار جديد له ، أعرفتم لماذا أطلق عليه هذا اللقب..؟؟ ، لمعرفة الجواب حمل المقطع من الرابط التالي:


اضغط هنا



يشهدون رجال دوسر وكم شيـخ وعقيـد=إن هديهـد قدهـا للتقـت حـد الـسـلال


بيت من قصيده للشاعر : محمد بن ناصر بن هديهد الغريري ، يقول فيها:


زان لي نظم المثايل والمعنا الجديد=والمثايل تو ما جالها عندي مجال
اهتويت القاف وشعر له عندي رصيد=أنقده نقد الجنيه الحمر هو ريال
أتخير فالمعاني من جزل القصيد=مجتهد في ما أقوله ولله الكمال
والله إن رحنا وصرنا من ديرة بعيد=شوف ربعي ينحسب في رصيدي راس مال
شوفهم عندي تجاره وكنه يوم عيد=عزوتي لجا نهار الملاقا والقتال
لابتي بين القبايل لها فعلن مجيد=من قديم الوقت لا حظرنا ذا لا يزال
لابتي فلحرب تكسب وتفعل ما تريد=لابتن من نسل تغلب على العليا تنال
لدواسر فعل ظاهر في لشب الوقيد=زايدين بفعلهم وزود لرب الجلال
ذا قليلن من كثيرن وغيرها العديد=يا سلامي يا سلامي لذربين الفعال
قلتها وانا غريري معرب والجديد=اطلع المشراف ورقا على روس الجبال
وجدي يوم صوت المشوك غادين له رعيد=كاسبن الذروه وصارن على ملكه حلال
كسب عودن جعله الجنه يا رب العبيد=في نهارن فيه ضرب البلاجيك طوال
يشهدون رجال دوسر وكم شيخ وعقيد=إن هديهد قدها للتقت حد السلال
يذبح الحايل لظيفه وجاره له عضيد=يوم كلن صاح يشكي عليه لحمل مال
وفـالختام بهدي سلامي لربعي بلوكيد=درع جنبي وتاج راسي بلا شك وجدال


الإخوه أبناء قبيلـة الدواسر العريقة

الأخوة زوّار وروّاد موقع قبيلـة الدواسر الرسمي

ها نحن نصل إلى نهاية برنامج ملتقى قبيلة الغرره الثاني

ونتمنى أننا قد وفقنا في تقديم تقرير مفصل عن الملتقى الثاني للقبيلة الغرره الثاني

وإلى الملتقى الثالث لقبيلة الغرره

والشكر كل الشكر للمنسق الأعلامي لقبيلة الغرره

(الحميدي بن محمد بن الحميدي الغريري) على جهوده الحثيثه لخدمة قبيلته.

وصلى الله على سيدنا محمد إبن عبدالله وعلى آله وصحبه أجمعين


www.alghurairi.net


ـــــــــــــــــــــــــــــــــــــــ

تنبيه!!

إذا لم تظهر الصور لك ، فانقر كليك يمين واختر إظهار الصوره ، وسوف تظهر بإذن الله ؛ ويرجع سبب عدم ظهور بعض الصور إلى كثرة الصور في هذا الموضوع

 

 

 

 

 

 

التوقيع

آخر تعديل محمد الغريري يوم 10-05-2007 في 02:10 AM.

    

رد مع اقتباس
قديم 10-04-2007, 12:53 AM   #2
 
إحصائية العضو








مبارك الدموخ غير متصل

مبارك الدموخ is on a distinguished road


افتراضي رد: التغطيه المصّوره لملتقى قبيلة الغرره الثاني

كفو والله على هذا الاجتماع الرائع
الله يجمعكم على المعزه

 

 

 

 

    

رد مع اقتباس
قديم 10-04-2007, 01:20 AM   #3
 
إحصائية العضو








نايف الخييلي غير متصل

نايف الخييلي is on a distinguished road


افتراضي رد: التغطيه المصّوره لملتقى قبيلة الغرره الثاني



فهد بن راشــد

والله انــك أسعدتنا بالتغــطيه الكامله لإجتماع قبيله الغرره .. وبــصراحه موضوع طيب

وجــعلكم للمعـــزه والله يجمعكم دوماً على الخير والعز .. والله يعافي اللى أقاموا بتكفل

هذا الاجتماع .. وعسى الاخرين يحذون حــذوهم . وبصراحه القبيله محتاجه لمثل هالاجتماعات

التي من خلالها تقوى أواصر المحبه بين ابنــاء العمومه


وعـــز الله يابــو راشــد انكـ تستاهل القصيده التي قيلت فيــكـ



وتقبــل خالص تقديري وسلامي

 

 

 

 

    

رد مع اقتباس
قديم 10-04-2007, 10:42 AM   #4
 
إحصائية العضو







فهيد الكبيري غير متصل

فهيد الكبيري is on a distinguished road


افتراضي رد: التغطيه المصّوره لملتقى قبيلة الغرره الثاني

كفو والله يا ترثة جميلة تقولون وطولون
وبيض الله وجهك يابو هادي ووجيه الغرره كلهم على الاجتماع اللي يرفع الراس
والله يجمعكم على العز وهذه اللقاءات تزيد من اواصر الالفه والمحبه

وانشهد انها تغطيه رائعه وشامله من علوم تنومس وبصراحه انبسطنا مع هذه التغطيه الطيبه
والله لايهين الشعار فقد ابدعوا وقصايدهم جزله جعلهم يحيون

وتقبل تحياتي

 

 

 

 

    

رد مع اقتباس
قديم 10-04-2007, 11:01 AM   #5
 
إحصائية العضو







جعلني_فدوة_للدواسر غير متصل

جعلني_فدوة_للدواسر is on a distinguished road


افتراضي رد: التغطيه المصّوره لملتقى قبيلة الغرره الثاني

الغالي ابو هادي الف الف شكر لك على تسطيرك هذا الحفل لابناء عمنا الغرره الله يجمعهم على العز والطاعه ويسدد خطاهم وفعلا مثل ما قال اخوي نايف الخييلي والله انا محتاجين مثل هذي الاجتماعات اللي تقوي المحبة وصلة الرحم لابناء العم... الله يجعلكم للمعزه دوم يارب وبيض الله وجه كل من قام بتكفل هذا الاجتماع وكل من ساهم في نجاحه. وعز الله انكم تستاهلون الطيب كله يلاد الغريري

اخوك / جعلني_فدوة_للدواسر

 

 

 

 

 

 

التوقيع


اشكر اخــوي الغـــالي رعـاد على التــوقيــع

    

رد مع اقتباس
قديم 19-04-2007, 02:22 PM   #6
 
إحصائية العضو







فيصل بن جزاء غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الثانية في صدى نبض القصيد
: 1

فيصل بن جزاء is on a distinguished road


افتراضي رد: التغطيه المصّوره لملتقى قبيلة الغرره الثاني

كفو والله يا ترثة جميلة تقولون وتطولون كفو يابني عمي
وبيض الله وجهك يابو راشد ووجيه الغرره كلهم على الاجتماع اللي يرفع الراس
والله يجمعكم على العز وهذه اللقاءات تزيد من اواصر الالفه والمحبه

وانشهد انها تغطيه رائعه وشامله من علوم تنومس وبصراحه انبسطنا مع هذه التغطيه الطيبه
والله لايهين الشعار فقد ابدعوا وقصايدهم جزله جعلهم يحيون

وكفو ياابو راشد وتستاهل القصيده اللي قيلت فيك

وعلي باالملازيم ان المدح يقصر عندكم ياالغرره


تقبل صادق التقدير والاحترام

 

 

 

 

    

رد مع اقتباس
قديم 16-05-2007, 11:00 PM   #7
 
إحصائية العضو







أبوسعد التغلبي غير متصل

أبوسعد التغلبي is on a distinguished road


افتراضي رد: التغطيه المصّوره لملتقى قبيلة الغرره الثاني

لا هنت يابوراشد على نقل الحفل الذي جمع قبيلة عزيزة الجانب

واحفاد أولئك الرجال العظام

فشكرا لك يابوراشد

اخوك: ابوسعد

 

 

 

 

    

رد مع اقتباس
قديم 03-06-2007, 01:48 AM   #8
 
إحصائية العضو








العماني غير متصل

العماني is on a distinguished road


افتراضي رد: التغطيه المصّوره لملتقى قبيلة الغرره الثاني

الله يجمعكم ولايفرقكم وبيض الله وجهك يابوراشد على التغطية الجميله

تقبل تحياتي،،

 

 

 

 

    

رد مع اقتباس
قديم 03-06-2007, 08:09 PM   #9
 
إحصائية العضو







عبدالله أبن مصلح غير متصل

عبدالله أبن مصلح is on a distinguished road


افتراضي رد: التغطيه المصّوره لملتقى قبيلة الغرره الثاني


الاخ / فهد بن هادي الغريري


الله لا يفرقكم ولا يباعد بينكم , ويجمعكم على المعزه دايم

ولاهنت وبيض الله وجهك على هالتغطيه الرائعه

 

 

 

 

    

رد مع اقتباس
قديم 04-06-2007, 12:41 PM   #11
 
إحصائية العضو








فهد الغريري متصل الآن

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: التغطيه المصّوره لملتقى قبيلة الغرره الثاني

اقتباس:
المشاركة الأصلية كتبت بواسطة نايف الخييلي مشاهدة المشاركة


فهد بن راشــد

والله انــك أسعدتنا بالتغــطيه الكامله لإجتماع قبيله الغرره .. وبــصراحه موضوع طيب

وجــعلكم للمعـــزه والله يجمعكم دوماً على الخير والعز .. والله يعافي اللى أقاموا بتكفل

هذا الاجتماع .. وعسى الاخرين يحذون حــذوهم . وبصراحه القبيله محتاجه لمثل هالاجتماعات

التي من خلالها تقوى أواصر المحبه بين ابنــاء العمومه


وعـــز الله يابــو راشــد انكـ تستاهل القصيده التي قيلت فيــكـ



وتقبــل خالص تقديري وسلامي



العزيز الغالي "نايف الخييلي"

متابعتك المستمره لمواضيعي تزيدني شرف يابوفهاد

جعل من ارثك في الجنه.

علومه غانمه اول وتالي يابوفهاد.

تقبل تحياتي وتقديري ومحبتي.


اخوك/ فــــــــهــــــــــــد الــــغـــــريـــري

 

 

 

 

 

 

التوقيع

    

رد مع اقتباس
قديم 04-06-2007, 12:43 PM   #12
 
إحصائية العضو








فهد الغريري متصل الآن

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: التغطيه المصّوره لملتقى قبيلة الغرره الثاني

اقتباس:
المشاركة الأصلية كتبت بواسطة فهيد الكبيري مشاهدة المشاركة
كفو والله يا ترثة جميلة تقولون وطولون
وبيض الله وجهك يابو هادي ووجيه الغرره كلهم على الاجتماع اللي يرفع الراس
والله يجمعكم على العز وهذه اللقاءات تزيد من اواصر الالفه والمحبه

وانشهد انها تغطيه رائعه وشامله من علوم تنومس وبصراحه انبسطنا مع هذه التغطيه الطيبه
والله لايهين الشعار فقد ابدعوا وقصايدهم جزله جعلهم يحيون

وتقبل تحياتي


اررررحب يافهيد الكبير تراحيب السيل

بيض الله وجهك على هذى المرور العطر يالقرم

وجعل من ارثك في الجنه يابن العم

وافي جعلني افداك في ردوك الجزله

تقبل تحياتي وتقديري

اخوك / فــهـــد الــــغــــريــــري,,,

 

 

 

 

 

 

التوقيع

    

رد مع اقتباس
قديم 30-06-2007, 02:25 PM   #13
 
إحصائية العضو







بدران البدراني غير متصل

بدران البدراني is on a distinguished road


افتراضي رد: التغطيه المصّوره لملتقى قبيلة الغرره الثاني

جميلة من راس تغلب مناجيب = تغلب ابن وايل نصينا فهوده


كفو والله يا ترثة جميلة

والله انــك أسعدتنا بالتغــطيه الكامله لإجتماع قبيله الغرره الكرام .. وبــصراحه موضوع طيب

ومفصل من جميع الجوانب الله يجمعكم ولايفرقكم وبيض الله وجهك يابوراشد على التغطية مميزة

تقبل تحياتي

 

 

 

 

 

 

التوقيع

    

رد مع اقتباس
قديم 13-07-2007, 03:44 AM   #14
 
إحصائية العضو








الغادي غير متصل

الغادي is on a distinguished road


افتراضي رد: التغطيه المصّوره لملتقى قبيلة الغرره الثاني

كفو والله يالغرره
ماقصرتوا
وبيض الله وجيهكم
تحياتي لمن رعى الحفل واهتم بهذه الإجتماعات الهادفة...

 

 

 

 

    

رد مع اقتباس
قديم 15-07-2007, 01:15 AM   #15
 
إحصائية العضو








فهد الغريري متصل الآن

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: التغطيه المصّوره لملتقى قبيلة الغرره الثاني

اقتباس:
المشاركة الأصلية كتبت بواسطة جعلني_فدوة_للدواسر مشاهدة المشاركة
الغالي ابو هادي الف الف شكر لك على تسطيرك هذا الحفل لابناء عمنا الغرره الله يجمعهم على العز والطاعه ويسدد خطاهم وفعلا مثل ما قال اخوي نايف الخييلي والله انا محتاجين مثل هذي الاجتماعات اللي تقوي المحبة وصلة الرحم لابناء العم... الله يجعلكم للمعزه دوم يارب وبيض الله وجه كل من قام بتكفل هذا الاجتماع وكل من ساهم في نجاحه. وعز الله انكم تستاهلون الطيب كله يلاد الغريري

اخوك / جعلني_فدوة_للدواسر

الاخ الفاضل/ جعلني_فدوة_للدواسر

بيض الله وجهك على التصفح العطر

وافي جعلك تحيا في ردوك

والله لا يهنك على كل حال

تقبل تقديري واحترامي

اخوك / فهد الغريري,,

 

 

 

 

 

 

التوقيع

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. الإداره :: قسم اللقــاءات والفعاليات والتغطيات الخاصة:: 16 22-11-2010 09:44 AM
تغطية الموقع الرسمي للقبيلة لحفل قبيلة الحراجين برعاية الشيخ محمد بن فهيّد آل ملحم شيخ قبيلة الحراجين المقام على شرف قبيلة الغفران آل مره . الإداره :: قسم اللقــاءات والفعاليات والتغطيات الخاصة:: 18 19-07-2010 12:45 AM
التغطية المصوّرة (الحصريّة) لحفل الصلح بين فخذيّ آل سويلم وآل عرفج النتيفات بحضور أمراء ومشائخ قبيلة الدواسر . الإداره :: قسم اللقــاءات والفعاليات والتغطيات الخاصة:: 28 16-07-2010 04:54 PM
التغطية الـمصّورة للحـفل الثـاني لموقع الدواسر الرسمي برعاية الغرره الإداره :: قسم اللقــاءات والفعاليات والتغطيات الخاصة:: 29 18-08-2007 06:40 PM

 


الساعة الآن 04:32 AM


Powered by vBulletin® Copyright ©2000 - 2024, Jelsoft Enterprises Ltd.
---