التغطية المصوّرة لحفل آل ثنيّان المصارير لـــ زواج ابنهم مفلح بن شبيب المصارير - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 17-05-2014, 11:58 PM   #1
 
إحصائية العضو








فهد الغريري متصل الآن

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


:e-e-5-: التغطية المصوّرة لحفل آل ثنيّان المصارير لـــ زواج ابنهم مفلح بن شبيب المصارير



الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر




أرحبو بسم الدواسر هل المجد الكبير=وأرحبو بسم التغالب وبسم اهل العشر
المصارير الدواهي هل السيف الشطير=لابةٍ من ماضي الوقت لا يوم الحشر
فالها الناموس والطيب والعز الوفير=الطناخه طبع والروس تقدح بالسطر
عزوتي لاد الحبيبي ليا صاح النذير=عزوةٍ تارد على الموت وتدوس الخطر
فعلنا يوم الليالي عبوسٍ قمطرير=سولف التاريخ عنّه وغنّيته شعر
ينعرَض فعل الدواسر على عين الضرير=ومن كبر فعل الدواسر يعود لها النظر
يوم نجد ليالها بين حوّاف ومغير=إبلنا كم طامعٍ دونها شفّه قصر
اسمنا خطلان الايدي مدلّهة القصير=فالعصا وسمٍ به الجار ما لحقه كدر
آعرف تاريخ ربعي لكنْ عمري قصير=لو احصْره شاب راسي ودقني ما انحصر
ماذكرت من الفعايل قليلٍ من كثير=وانشد التاريخ ينبيك عن ماض الدهر

الشاعر مسفر بن ثنيّان المصارير


احتفل آل ثنيّان المصارير يوم الجمعة الموافق 1435/7/3 بقاعة اليمامة في محافظة الخرج بزواج ابنهم مفلح بن شبيب المصارير وقد حضر الحفل جمع كبير من مشايخ وأعيان القبائل ورؤساء الدوائر الحكومية بالمحافظة وزملاء العريس ولفيف من الأصدقاء وكان الحفل من تقديم مذيع قناة الصحراء الإعلامي المتميّز فهد العرجاني وقد بدئ بآيات من الذكر الحكيم تلاها الأستاذ فيصل بن ناصر الخضراني وكان للشعر دور حيث تقدّم الشاعر مسفر بن ثنيّان المصارير بقصيدة ترحيبيّة ثم قصيدة للشاعر منذر بن رشود الشكره وبعدها قصيدة للشاعر محمد بن سالم الدوسري ثم قصيدة للشاعر بدر بن فراج المصارير وأخيراً طرب الحضور مع شيلة للمنشد حسين آل لبيد من كلمات الشاعر مسفر بن ثنيّان المصارير وفي الختام تقدم والد العريس الشيخ شبيب بن ثنيّان المصارير لتكريم الشعراء المشاركين ثم دُعي الضيوف للعشاء وبعده للعرضة النجدية اللتي شارك بها عدد كبير.









العريس مفلح بن شبيب المصارير























فـقـرات الحـفـل



الإعلامي فهد العرجاني







الشاعر مسفر بن ثنيّان المصارير


ألقى الشاعرمسفر بن ثنيّان المصارير قصيدةً بهذا الحفل
، حيث يقول في قصيدته :


لابدا للشعر وقفه وللشاعر مجال=لي على بدع المثايل هجوسٍ ماتميل
لا بدا اللازم وهي عند مثلي راس مال=احتمي للموقف الجزل بالشعر الجزيل
ياقصيدي واجب الحفل وحقوق الرجال=البيوت اللي تجمّل وأنا مالي جميل
مرحبا تريحيبٍ يخلّي المايل عدال=ومرحبا ترحيبةٍ كنّها حد الصقيل
حفلنا بحضوركم زاد بهجه وابتهال=وليلنا ذا الليل ماهوب مثل ايّات ليل
بسم عمّي وابن عمّي وبسم الاحتفال=اثني الترحيب وانتو هل العلم النبيل
والختام ازكى سلامي على محمد وآل=بيته الطاهر سلامٍ لهم ماله مثيل






الشاعر منذر بن رشود الشكره


ثم ألقى الشاعرمنذر بن رشود الشكره قصيدةً بهذا الحفل
، حيث يقول في قصيدته :



من واجب المدعي ليا منهم دعوه=لبا ندا الداعي ليا منّه دعاه
والا اعتذر له عذر وافي واعذروه=كرامة الطيب من الطيب وفاه
من طيب مفلح باحتفاله شاركوه=وأهل الوجاهه جوه من كل اتجاه
من قدر وجيه النشاما قدروه=ويزاورونه في محله من غلاه
وابو شبيب اليا بدا اللازم نصوه=وجهه بشوش وماقف العسر يحماه
اليا اذكروا راع المواقيف اذكروه=فخر لابن عمه وعزً لاقرباه
معرب الجدين من خاله وأبوه=ماعاد هو يحتاج للعليا وصاه
من لابةٍ وردوا على المجد وخذوه=هم محزم اللي حدّه الوقت وجفاه
كم ذود مصلاحٍ على القرّح شعوه=يوم القبايل تطّحن مثل الرحاه
اهل الركاب العشر والكيف شربوه=من كف ابن رشدان داهية الدهاه
اليا اعتزا باسم الحبيبي وقّروه=العزوة اللي تاخذ قلوب العداه
وأنا من اللي كل مجدً سطّروه=في صفحة التاريخ وصدور الرواه
آلاد حسنٍ لازما العايل حدوه=بمشلشلٍ لاناش له عظمٍ فراه
والا نشد عنهم زعيمٍ علموه=ان ال حسن قومٍ على الطاغي طغاه
أهل الجهام اللي من القوم كسبوه=وأهل المهار اللي يدكن الصفاه
وأهل الغروس اللي ثمرها قدموه=وأهل الفعول اللي لها وزن وطراه
والشاعر المبدع ليا منهم دعوه=يبين طرقه فـ القصيد ومستواه
مشاعر اخوً يوم غناها فـ اخوه=تقلطت شرد القوافي في نحاه





الشاعر محمد بن سالم الخضراني



ثم ألقى الشاعر محمد بن سالم الخضراني قصيدةً بهذا الحفل
، حيث يقول في قصيدته :




الشاعر بدر بن فراج المصارير


ثم ألقى الشاعر بدر بن فراج المصارير قصيدةً بهذا الحفل
، حيث يقول في قصيدته :


بسم الله الرحمن ياعالم النيات= بسمه بدينا ياعرب وستعنابه
ومن بعدها زان اتمثال في لبيات= من هاجسن مايملغ القول ﻻجابه
سوا سوات الحر له فاسما جوﻻت= ﻻمن تنكس فرقع الصيد مخﻻبه
نداوين ماهوب يطلع على الهزﻻت= اشقرن يصطي على القلب مظرابه
وغنيت يوم المثايل لها حزات =في راس مذروبن تعليت مرقابه
ياولي انك تغفر اذنب وزﻻت = وتستر على نفسن من العيب مرتابه
اﻻدمي يمضي زمانه معا لوقات =اجله مثبت ودهر يقطب حسابه
وناعارف ادنيا متاعن له لذات = تغوي سفيه اناس ماتغوي البابه
خلك معا لجواد وحذر من الهفوات=كب الردي لوهو قريبن من اصحابه
ترا الرجال انواع وبهم كثير اصفات = كلن على دربه وساسه ومذهابه
فيهم قرومن تكسب اطيب وطاﻻت=زحول الرجال الي على اطيب طﻻبه
وفيهم كريمن في لسانه بﻻ مدات= يمناه تجهل في المراجل وهيابه
وفيهم تصنع للمراجل بﻻ قوات = هشاشن عضامه ماتساعد تصﻻبه
وفيهم ومنهو يجلي الهم وضيقات = طلق الحجاج وفاتحن لسعد بابه
وفيهم خسيس انفس ممشاه بلغرات= معا طويل الوقت يضهر تقﻻبه
وفيهم حكيم الراي لكبرت القاﻻت = ومنهم خفيفن مايحرك ويدعابه
وفيهم دعابيلن كما اثور وﻻ اشات= اليا انتحى معاد يسمع وﻻجابه
وفيهم شيوخن تنقل الحمل وشرهات = تصرف كثير المال ماتحسب احسابه
وفيهم عزيز النفس لو حدته عازات = وفيهم دني النفس وذل مكسابه
وفيهم صبي العز لجات بالفزعات =وفيهم ردي الراس سون على القرابه
ترا الثعل مايفقد انحي وﻻمات= وذيب ﻻمن جر بعواه يدرابه
وترا العرب قد قالو البخل له حزات = ولطيب حزاتن وعيبن تجنابه
وترا الردى ولهون من بينها خوات=وطيب حض وعالم الغيب وهابه
ولي يبي ممشا دايم على اطاﻻت =يرافق خيار القوم ويعنز انسابه
ترا عمود البيت لهتز ولى ﻻات =انكان تبغى العلم عود على اطنابه
ورابح الي يجمع ادين وطاﻻت =ويغتنم ليام من قبل مذهابه
ترا النبي قد قال لعمال بانيات =وكلن على ماينوي القلب يجزابه
هذا الكﻻم الصدق ولي عليه اثبات = يبقا معا ليام والكذب يدرابه



وكان لنا موعد مع الأوبريت الانشادي مع المبدع حسين ال لبيد
الهب حماس الحضور بــ الشله الانشادية الجزله من كلمات
الشاعر مسفر بن ثنيان المصارير




__________________________________________


لقطات مصوّرة لفعاليات العرضة النجدية:













الـــــتــــــكريـــــم












وفي الختام، فإننا نكرر المباركة بإسم مجلس إدارة الموقع والطاقم الرقابي العام والرقابي والإشرافي والإستشاري للموقع الرسمي لقبيلة الدواسر لــ آل ثنيّان المصارير مناسبة زواج مفلح بن شبيب المصارير ونقول له "بارك الله لكم وبارك عليكم وجمع فيما بينكم بخير".


(صوت قبيلة الدواسر)
منتدى قبيلة الدواسر الرسمي
www.alduwaser.org/vb

 

 

 

 

 

 

التوقيع

    

رد مع اقتباس
قديم 19-05-2014, 12:42 AM   #2
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: التغطية المصوّرة لحفل آل ثنيّان المصارير لـــ زواج ابنهم مفلح بن شبيب المصارير

نقدم التبريكات لآل ثنيان المصارير بمناسبة زواج ابنهم مفلح بن شبيب ونسأل الله أن يبارك له
شكراً أبو راشد على التغطية المميزة ولك وللجميع ودي وتقديري ،،،،

 

 

 

 

    

رد مع اقتباس
قديم 21-05-2014, 09:40 AM   #3
 
إحصائية العضو







نآصر البدراني غير متصل

نآصر البدراني is on a distinguished road


افتراضي رد: التغطية المصوّرة لحفل آل ثنيّان المصارير لـــ زواج ابنهم مفلح بن شبيب المصارير


نبارك للعريس والله يوفقهم ويجمع بينهم على خير



لاهنت يا ابو راشد

 

 

 

 

 

 

التوقيع




استغفر الله لي ولوالدي وللمسلمين والمسلمات


المؤمنين والمؤمنات الأحياء منهم والأموات


آخر تعديل نآصر البدراني يوم 21-05-2014 في 09:52 AM.

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تعاون الدولتين العثمانية والصفوية ضد مملكة المنتفق وحكامها أسرة السعدون الأشراف عام 1698م عبدالله السعدون :: القسم الـتاريخــي الــعام :: 5 28-04-2013 09:34 AM
التغطية المصورة للأمسية الشعرية بمنزل المنشد جريم المصارير شافي بن راشد النتيفات :: قسم اللقــاءات والفعاليات والتغطيات الخاصة:: 3 21-01-2013 11:45 AM
آل سعدون الأشراف وأول إعلان تاريخي ومحاولة لإستقلال العراق بأكمله عام 1787م. عبدالله السعدون :: القسم الـتاريخــي الــعام :: 7 27-06-2012 04:56 AM
التغطية المصوره لحفل الشيخ بندر بن مدوس المصارير بمناسبة تعيين الشيخ زامل بن مناحي المصارير رئيس خويا بامارة الرياض الإداره :: قسم اللقــاءات والفعاليات والتغطيات الخاصة:: 12 11-04-2012 06:32 PM
التغطية المصوّرة (الحصريّة) لحفل قبيلة الرقاعين المصارير تكريماً لشيخ على بن صالح أبو ليله شيخ قبيلة الغفران آل مرة وجماعته الإداره :: قسم اللقــاءات والفعاليات والتغطيات الخاصة:: 31 05-07-2010 10:48 PM

 


الساعة الآن 10:15 AM


Powered by vBulletin® Copyright ©2000 - 2024, Jelsoft Enterprises Ltd.
---