ياشعب تونس لك التقدير والاحترام = علمتنا كيف شجعان الامم يفعلون
وعلمتنا كيف يصبح للشعوب اهتمام = حتى اصبحوا بك جماهير العرب يفخرون
شعب ما يرضى الغبن والظلم والانقسام = شعبٍ مناضل ولا يرضى يعيش مغبون
جرّد بوجه القهر والياس حد الحسام = وهدم حصونٍ بها اشباح الوطن يحتمون
ايرادة الشعب تثبت في نهار الزحام = ولجل الوطن والمواطن كل شيءٍ يهون
صوت الجماهير يرعب عاشقين المنام = ويبدد احلام قومٍ طالما يحلمون
حتى تواروا وفروا واعلنوا لانهزام = وتحقق النصر والتمكين للصامدون
سادات تسرف في الاموال شرقٍ وشام = وشعوبهم من قيود الفقر يتسولون
وناسٍ تعمّر بروج وناس تبني خيام = ولو طالبوا بالعداله يودعون السجون
وبه ناس تحت النظام وناس فوق النظام = وناسٍ تجوب الديار وناس مستعبدون
لكن مهما استبدوا كاسبين الحرام = من دون في دون يلين انهم يهلكون
وقبل النهاية وقبل اصل لمسك الختام = من حقي ابوح باشعاري وصدق الشجون
مشاعرٍ صادقة فيها الغلا والغرام = للقايد اللي لكل الشعب قلبه حنون
ياسيدي خادم البيتين يابن الامام = ياليت قادات كل الكون بك يقتدون
تحكم بشرع الله وترفع شعار السلام = والعدل منهجك لو كل البشر يزعلون
لك في قلوب البشر حب وغرام وهيام = ومحبتك ياحبيب الشعب نون العيون
ياصقرنا اللي الى رفرف جناحه وحام = نال العلا والمعالي والعداء ينظرون
ياسيدي انت نبراسٍ لكل الانام = بالعدل والحلم والحكمه وصدق الظنون
في سيرتك عبرةٍ لاهل العقول الفهام = وعلمت قوم التكبر كيف يتواضعون
الشعب في حبكم ياسيدي ما يلام = اخلاصنا ما نساوم فيه مهما يكون
قدر المليك المفدى في قلوب الكرام = للى عطوه الولاء والعهد ما يخدعون
ونهاية القاف والمعنى ومسك الختام = صلوا على محمد المعصوم يالسامعون