بذكر الله عد ما تنشى الغيومي= وبعد ذكره ببدع بيوتٍ جدايد
ونعم باللي لا بدا الكايد لزومي= ينقضي لي لازمي لو كان كايد
سند بن عجب عسى عمره يدومي= نايف شبره بدرب الطيب زايد
كاسب الطولات قرماً من قرومي= كسبة الطولات له شرع وعوايد
يوم جيت سند زالت همومي= وابعدت مني صعيبات الشدايد
جعل يفدونه ردييّن العلومي= في المواجيب ما يحسّب للفوايد
ابو عجب عارفٍ كل السلومي= ودايماً للمرجلة و الطيب رايد
يحتمل للمرجلة من غير زومي= شــايعٍ ذكـــره مع كـل البدايد
سهمه الوافي مع كل السهومي= يا بعد نذلٍ يمــاطــل بالوعايد
شبه حرٍ موكره عال الرجومي= من قنص به مارجع كون صايد
يا شبيه سهيل في وسط النجومي= تستحق إعلان في وسط الجرايد
بنت ياللي خدها يزهي الرقومي= اطمحي له يــوم نظراته بعــايد
ويا الكحيله من ردي الراس شومي= وحطي يدينك لبو عجبٍ وسايد
وخلّي اللي عجز ما يقدر يقومي= لو يريد يقوم مــنه الحيل بــايد
جعل سندٍ كل ليل و كل يومي= عايشٍ اســعد حيــاه بلا نكــايد
تعيش يا ابن حفيظ ويعيش شرواك= واقطع يميني كان منتب سنافي
اسلم سلمت و مد لي كف يمناك= على الغنيمة عند باب المطافي
غصبا على هذا وغصبا على ذاك= والثالث اللي شاربن سمن ازعافي
خلّ العيون تشوف لعلها فداك= مواقفِ عند المــزاحم تشافي
يعيش من حاش الجماله بيمناه=الله يبيض وجه راعي الجماله
اللي ليا منه بدا الشان ننصاه= ويبرك لحملٍ ما تشيله جماله
اسمه سند جعل الردى من فداياه = مثل الحصان اللي طوالٍ حباله
ماقومه إلا طيب راسه ومجناه= ونفسه مضريها بكسب الجماله
عيد الركاب اللي من البعد تنصاه =اللي ركايبهم دقــاقٍ هــزاله
تلفي على اللي تفعل الكيف يمناه = في مجلسٍ روس الرجال تعنى له
وتم الكلام اللي نظمته بمعناه= واسلم وسلم يا رفيق الشكاله
يا يمل قلبٍ كاثراتٍ طواريه= والباب دونه صك واعزتاله
يكفخ مثل حرٍ على كف راعيه= يبي الهدد و مجوداتٍ حباله
باسباب ذيخٍ كابرات علابيه= لا فاد لا ربعه ولا من عنا له
الشين طبعه والردى ماشي فيه= جعله فدا لاهل الوفا و الشكاله
لوهي بقوة ما دسم تقصر إيديه= ربعي هل الطولات وربعه حثاله
جعله فدا للي فزع دون عانيه= فايز بقولة نعم لا جا مجاله
سند سند من حده الوقت ناصيه =لا جاه مضهودٍ تضلل ضلاله
ابوه في فعل المراجل مربيه= وانا اشهد إنه ناشدا من خواله
من لابةٍ خويها ما تخليه= دواسرٍ حريبهم شــان فــالــه
الله من فكر ٍ لــه أيــام محتاس= هوجاس قلبي بين الشيب فيّه
والله يلولا الشعر واكتب بقرطاس =لابقى سفيه ولا اتحمل شويه
مير احمد الله واشكره وارفع الراس= واكتب ابياتٍ ما لفتني عريه
وارسل كلامي يم رجلٍ على ساس =راعي الوفا والطيب والشاوريه
ابو عجب راعي المواجيب حساس=حرٍ شجاعٍ و لا يجيب الرديه
يالدوسري طيبك معي ماله قياس= وانا اشهد انك من رجالٍ وفيه
طيبك وراثة كاسبينه بنوماس= حلال صعبات الامور القويه
والرجل يذكر ما يواجه من الناس= ما اظلم احد و الله رقيبا عليه
هذا سلامي عد ما هب نسناس= للدوسري حيثه عــزيزا عليه