العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم قصايد مدح وفخـر في الــدواسـر ::

إضافة رد
انشر الموضوع
 
أدوات الموضوع انواع عرض الموضوع
قديم 05-03-2008, 04:55 AM   #1
 
إحصائية العضو







حد السيف غير متصل

حد السيف is on a distinguished road


افتراضي بعض ماقيل من قصائد في الشيخ/حفيظ بن عجب آل حفيظ

بسم الله الرحمن الرحيم

السلام عليكم ورحمة الله وبركاته

احببت ان اطرح بين ايديكم بعض ماقيل من قصائد في الشيخ حفيظ بن عجب

القصيدة الاولى للشاعر/فيصل بن علي القطيني بعنوان:
( شيخٍ له الفنجال الاول يمدّا )

ابدا بذكر الله وذكره مبدا=رب العباد بكلمتين وجدها
يا ربنا ياللي عليك نتقدا=رحمتك من نار شديد وقدها
من بعد ذكر الله بنينا على الدا=والشطر الاخر من ظمير علدها
يوم استوالي قافها وجرهدا=نظمتها تنظيم محن نقدها
تسعة وعشرين العمر ماتعدا=لكن بقعا علقتني بيدها
بقعا تعشى في الرجال وتغدا=محدن سلم من شرها لو طردها
سكين بقعا كل ويوم يحدا=على حلاقيم الاوادم جردها
جيتك وانا اشكي وقتي اللي تردا=شيٍ يشيب طفلةٍ في مهدها
ماغير ابن عجبٍ فيها يسدا=كفه بفعل الخير كلٍ حمدها
شيخٍ له الفنجال الاول يمدا=تعيش يا ذخر الرجال وسندها
ان مد مدٍ ما بغاله مردا=يبرد كبودٍ ماحد قد بردها
يقود ما ينقاد قايد مقدا=داهي دواهي ماذكر مثله ادها
ان شاف عدوانه تقوم وتحدا=فرّع وحيضان المنايا وردها
سواة حرٍ للهدد مستعدا=عنه الحرار الشقر تقصر هددها
ند المراجل ند وللند ندا=المرجله جاته تمشي وحدها
يابن الفحول اللي يصدون الاعدا=ولا فتلت الاشناب تحمي بلدها
قال المثل من جاب في العلم ودا=وهرجه بليا فعل غايب سندها
القصيدة الثانية للشاعر /فهد بن محمد بن مرزوق الشكرة بعنوان:
(يا حفيظ يا ساس الفخر للقبيلة )

اللي عنالي لازم اني اعني له=وانا مجييّ لجل دعوتك ورضاك
يا حفيظ ياساس الفخر للقبيلة=عساه في الجنة عجب يوم سماك
متحاولك كل العموق الاصيلة=من طيب راسك طيب ساسك ومجناك
سميت بسمٍ كلنا نتمي له=وانته كفو يا حفيظ والاسم يزهاك
اسم نحبه ماندور بديله=واسم الفخر يصلح لمثلك وشرواك
يمناك في فعل المراجل طويله=تستاهل الطولة على فعل يمناك
وكل الامور الطيبة والجزيلة=متحاوله شخصك وهي من مزاياك
يا حفيظ حنا في سنين مهيلة=وعلومها ياحفيظ ماهيب تخفاك
احدن يحط العلم واحدن يشيله=لاهوب عقادٍ ولا هوب فكاك
وصلاة ربي في نهاره وليله=على شفيع الخلق في يوم الادراك
القصيدة الثالثة للشاعر /شايع بن مسلم الخضران بعنوان
(في مجلس حفيظ )


يا راضي الكيف من يمناك نختاره=لا طاب شرواك طيبه من معازيبه
في مجلسٍ فيه غالي البن وبهاره=الضيف والجار ياراضي تهلي به
في مجلس حفيظ شيخٍ شاعت اخباره=لا قالوا الناس ولد فلان يا طيبه
الطيب ساسه وميراده ومصداره=حرٍ تبيّن عطيباتٍ مضاريبه
شبره ورى كل شبرٍ طالت اشباره=مناهج الطيب دايم من مكاسيبه
كسب الجميلة وعز النفس له شاره=هذي حقيقه وكل الناس تدري به
على طويل المعالي مشعلٍ ناره=مشراف رووس المعالي من مطاليبه
بابه مشرع لضيفانه مع جاره=واللي صواديف بقعاء جات تومي به
من دون ربعه جبال طويق واحجاره=عدٍ غزيرٍ وصافيتن مشاريبه
يشيل عنهم حمل زومان واقشاره=لو زُود الحمل لبليهان يقفي به
تنفق يمينه وهي ماتدري يساره=على الفضيلة مدرهمةٍ مناديبه
لا ياسلايل عجب يوم اشهب الغارة=فعلٍ ينومس وكل الناس تدري به
يوم اكثر القوم والاجواد محتاره=في فرعة العرق يومٍ عاويٍ ذيبه
ناطح جموعا على العوان صبّاره=من بينها بيرق الفتنه تماري به
طق المزيّن وطوّع كل جباره=في موقفا يخلف الرجال ويريبه
يالله عسى جنة الفردوس هي داره=عساه في الجنة يحصل مطاليبه

القصيدة الرابعة للشاعر / شايع بن مسلم الخضران


دن هاجوس الضمير ورتب المعنى بحينه=لا نبي بيتٍ ضعيف ولا نبي بيت انكسر
بيض الله وجه رجلٍ حازت العليا يمينه=ما توانى عن مسير اجداده اللي معتبر
جعل عمر شعيب عمره جعلها تبطي سنينه=كل ماقالوا حفيظ اقوال منا وافتخر
جمع البل من بعيد ومن قريب ومن المدينه=كل سحجوجٍ عريضٍ جنبها فجّى النحر
مرّقٍ ارقابها تشفى رعى النفس الحزينه=تقهر الحسّاد منها يمتلي قلبه قهر
و ان هدر بطرافها غريبان زينه= يظهر الحايل من الايل لا هدر
والبيوت مشيّدة والبن الاشقر محتوينه=والشحم والعود الازرق في الصباح وفي العصر
يا حفيد اللي طحاطيح القبايل عارفينه=محزم الي يزهمه في الموقف الصعب الخطر
يا حفيظ الطيب عندك له مكان وله خزينه=والله ان الطيب عندك له مكان وله مقر
مثل ماقال المثل هدّاج تيماء خابرينه=والحقيقة مالنا عن مدحة الطيب عذر
القوافي عندك ارست مثل ماترسى السفينه=لا نزل ربانها وارست على شط البحر
القصيدة الخامسة للشاعر / شايع بن مسلم الخضران

يالله يا معبود يالله يالله=ياواحدٍ عالي على كل عالي
يالله بليلٍ مدلهمٍ نثر ماه=غيثٍ من القبله حقوق الخيالي
يسقي الديار الممحلات المخلاه=بلاقعٍ دهرا من اول وتالي
يرخي على الارض الوسيعه رفاياه=بمتونها البراق يشعل اشعالي
والصبح تلقون الخباري املاه=وكل يقول ان اسفل العرق سالي
وبشر اللي جعل الانذال تفداه=حفيظ لا عدوا زحول الرجالي
راعي معامبلٍ على النار مركاه=ونجرٍ ليا دقوا بهاره يلالي
في مجلسٍ من ضاق صدره تنصاه=فيه العلوم الطيبات الجزالي
وراعي مجاهيمٍ زيانٍ منقّاه=فنس الخشوم وضافيات السبالي
عسم اليدين ام العظام المساواه= كبار الفقار اللي زهتها الحبالي
وفحولها من خيرة البل مصفاه=كنها على الارض البسيط جبالي
وان زرفل غريبان يا زين ممشاه=صورة وخالقها عظيم الجلالي
يا زينها لا بكّر الوسم زيناه=تقطف زماليق الخزامى شمالي
في مرتعٍ قفرا خلا ما حدن جاه=متوسطٍ بين الوعر والسهالي
في ضف شيخٍ تفعل الطيب يمناه=معطي سحاجيج البكار الغوالي
شيخٍ ولد شيخٍ طروقه مخلاه=مابين جدان وعمام وخوالي
ماهيب شيخة عمدةٍ يسحب ارداه=رزوه ربعه في السنين التوالي
قالوا تراك انت البطل في الملاقاه=ومالك حدٍ وسط الجزيرة يحالي
جعله فدا لحفيظ مثله وشرواه=الفرق واضح يافطين العيالي
يا حفيظ يا شوق الهنوف المخباه=بنت الرجال متعبين الدلالي
قومٍ لهم في قمة المجد مركاه=فكاكة القاله زحول الرجالي
انت الهلال اللي تبيّن وشفناه=نور الدجى في مظلمات الليالي
سراج العجب اللي حميدة سجاياه=في طاعة الله ماشيٍ بالعدالي
يم الجهاد مهاجراتٍ مطاياه=يرجي ثواب الله عظيم الجلالي
لا يا بعد من باع دينه بدنياه=ماينعرف ماله حرام وحلالي
ما انفق رياله يوم رب الملا اعطاه=لا يابعد من يكنزون الريالي
القصيدة السادسة للشاعر/فهد بن هادي الدوسري

يالله يارب الملا عالم الغيب=يالواحد المعبود علاّم الاحوال
عنّا على صوغ المثل والمكاتيب=واكتب لنا في جنة الخلد منزال
وعنا بمدح مطوعين الاصاعيب=اللي لهم في الطيب مرقا ومحوال
اهل الوفا والجود واهل المواجيب=شروا حفيظ معرب الجد والخال
شوق البني المترفات الرعابيب=جعله بعد الانذال جماعة المال
ابو هلا واقلط وكثر التراحيب=وبيته مشيد للمسايير مدهال
من جاه يبشر بالشحم وازرق الطيب=والى عطى غيثٍ من الوسم همال
نسل الحرار اللي بروس المراقيب=الاد شكر ان صك جالٍ على جال
فعولهم يسمع بها الورع ويشيب=ووقفاتهم تبفى مع الوقت تمثال
يوم المعارك بالسيوف المحاديب=وهذا نزل عاده وهذاك رحال
وحامين وضحٍ لبسوها الدباديب= وسودٍ اسناد ارقابها جرد وطوال
سند الغوارب ضافيات المشاريب=فج النحور مجملة كل وبال
كن الاذاني في الصناقر كلاليب=ماسامها الشاوي ولا جات بالمال
من دونها يرمى عشا الطير والذيب=وما حافها من يمة الخوف خيال
في ظلهم ترعى الفياض المعاشيب=عساسها البراق يوم اشعل اشعال
وختامها صلوا على منبع الطيب=على النبي الهاشمي خير مرسال
القصيدة السابعة للشاعر/شايع بن مسلم الخضران


يالله يارحمن ياعالم الغيب=ياباعثٍ روح الفتى من لحدها
ياواحدٍ مافيه شكٍ ولا ريب=يارافعٍ سبعٍ بليا عمدها
عني ليا عديت روس المراقيب=ابدع من فحول القصايد جددها
اصوغها خايف عليها من العيب=اخاف من يصفي لها ينتدقدها
اثني على اهل الطيب واهل المواجيب=ملفى صناديد الرجال وسعدها
اهل الكرم مدهال عكف الاشانيب=وريف الركاب اللي تردى جهدها
هجنٍ من الطرقة خفاف المزاهيب=لا جات مع فج تبارى وحدها
يا اهل الركايب نحروها رعى الطيب=حفيظ شوق اللي صغيرٍ نهدها
في مجلسه تلقون كل التراحيب=والبن الاشقر والشحم من بعدها
منصى بني عمه ومنصى الاجايب=ومركى لسفرين الوجيه وسندها
شيخٍ عليه تساق حرش العراقيب=وجمايله جف القلم من عددها
يعطي جزيل المال مع شمخ النيب=شهب الجيوب اللي جدد من بلدها
ماجاته الشيخه بدز المكاتيب=من قبله الشيبان دقو وتدها
جده راعي البويضا حسان الاطاليب=شيخٍ سنام المرجله هو عمدها
يا حفيظ يا ستر البني الرعابيب=لا بينت خبث الليالي نكدها
لا ولعوها ملحقين المشاهيب=والبيض يابن حفيظ فلت جعدها
لك موقفٍ يصعب على الحر والذيب=ياذيبها ياحرها يا اسدها
حرٍ يهوم المرجلة بالمخاليب=وضد الخصوم اللي تنفخ اخددها
المرجله تنقاد له طوع واديب=طوع الاديب اللي كلى القيد يدها
منازله في عاليات المصاليب=الطيب حاشة والطويله صعدها
صيته ظهر في الناس شرقٍ وتغريب=يوم الرخوم تغيب محدن فقدها


وسلامتـــــــــــــــــــــــــــــــــــــــكم

 

 

 

 

 

 

التوقيع

آخر تعديل حد السيف يوم 05-03-2008 في 05:02 AM.

    

رد مع اقتباس
قديم 05-03-2008, 10:19 AM   #3
 
إحصائية العضو







نادر فهاد بن نادر غير متصل

نادر فهاد بن نادر is on a distinguished road


افتراضي رد: بعض ماقيل من قصائد في الشيخ/حفيظ بن عجب آل حفيظ

حد السيف شكرا لك وما ذكرة من القصائد الرائعة التي جسدة شخصية الامير ابن حفيظ وعن الصفات التي يتميز بها وهذا لايستغرب منه فهو من قبيلة لها الشأن العظيم ولها معنى كثيرة

اخوك
نادر بن فهاد بن نادر

 

 

 

 

 

 

التوقيع


[poem font="Simplified Arabic,6,white,bold,normal" bkcolor="transparent" bkimage="http://www.alduwasser.com/vb/images/toolbox/backgrounds/22.gif" border="none,4," type=0 line=0 align=center use=ex num="0,black"]
يا نـديبـي فــوق زاهــي الجـــنا يــب= شـــا مـخ نــابــه مــنـاه الـحـبـيـب
لالفـيت ا للـي عـلى السيــف غــا يــب= كـــل مـنعــور ور اســـه عــــريــب
مـحتزيــن فــي الـلــوازم جــــلا يــب = مـن حــضـر مـنا كـــفا الـي يغـيــب
لاركـــبنا فـــوق عــوص النـجــا يـــب= ذورة نــشـر الـعـــدا والــحـريــــب
نـرخـص الغـالـي عـلــى كـــل طــالـب= روســنا ومـــصـــقلا ت تـــشـــيــب
وان عـمـدنـا بـا لخطـا مـا نـحـا سـب= لـيــن غــمــد الــحـق يـظـهرحـبيب
طـاب نومـي يوم شـفــت العـجـــايــب= فـي السـرق وهـل الـدنـاء كـل عـيـب
مـا يـجـيب الـمـدح كـــون الغـصـايــب= والعـيــال اللــي نـسـبهــم عــريــب
حـناهـل الصـفـراء بـنــودعـــطـا يـــب= كـم رعـى فـي ســد نـا مـن طـنــيـب
مـن عـلــى الجـــدان وحـــنا غــوالــب= ضـدنـا يـسـهـر وقـــلـبـه عــطــيـب[/poem]

    

رد مع اقتباس
قديم 05-03-2008, 05:38 PM   #6
 
إحصائية العضو








نايف الخييلي غير متصل

نايف الخييلي is on a distinguished road


افتراضي رد: بعض ماقيل من قصائد في الشيخ/حفيظ بن عجب آل حفيظ

الله يعافيك ياحــد السيف ووالله يستــاهل الشيخ حفيظ بن عجب ماقيل فيه

تقبل تقديري

 

 

 

 

    

رد مع اقتباس
قديم 22-05-2008, 12:00 AM   #13
 
إحصائية العضو







ذيب النشاما غير متصل

ذيب النشاما is on a distinguished road


افتراضي رد: بعض ماقيل من قصائد في الشيخ/حفيظ بن عجب آل حفيظ

بيض اللة وجهك ياحد السيف على القصايد ويستاهلون الشكره

 

 

 

 

    

رد مع اقتباس
قديم 26-11-2009, 01:25 PM   #15
 
إحصائية العضو







عازف شجن غير متصل

عازف شجن is on a distinguished road


افتراضي رد: بعض ماقيل من قصائد في الشيخ/حفيظ بن عجب آل حفيظ

(يا حفيظ يا حافظ العادات)
أهداء الى الشيخ حفيظ بن عجب آل حفيظ الدوسري
عند الدواسر هل الوقفات **** ودي بجيبن يوديني
من همي اللي عليه اثبات**** وان جيت ابغفى يصحيني
لو هي عليه انا بالذات**** ما همني كثر ما فيني
لكن همي زهور وجات**** من كبد كبدي تناديني
يبون مني لهم هقوات **** ابني لهم عز بيديني
وش عذري ان كثرت الحاجات****والعمر ما عاد يمديني
وشلون ابصبر على العبرات**** والدين همه يقزيني
سجين ولا اقدر على السجات**** ما ني سجين السجاجيني
سجين همي بصدري بات**** يمسي ولا اصبح يمسيني
وليا بغيت اقطع الفرجات**** عيت ديوني تخليني
والقلب لا زادت الدقات**** يذكرك يا بن السلاطيني
يا حفيظ يا طيب السيرات**** يا حفيظ لالا تخليني
يا بن عجب يا كريم الذات**** جيتك وشوفتك تكفيني
يا حفيظ لو حطو الشيخات**** في كف شيخ الموازيني
كفتك ترجح من الميزات**** شيخ وكريم الكريميني
جيت اشتكي لك من الشركات**** اللي تمص الدماميني
ورطت معهم مع الورطات**** اللي تهد الفهيميني
والاسهم اللي على الغرات**** اخذت قلوب الكثيريني
تلعب على الناس بالشاشات**** وضاعت صلاة المصليني
يا حفيظ يا حافظ العادات**** يحفظك ربي وينجيني
يا حفيظ يا طيب الشبات**** نارك تشب وتقديني
في ليلن اظلم من الظلمات**** نورك على الدرب يضويني
لك طاله ان كثرت الطالات**** ما مثلها فالعريبيني
يمنى طويله ولك هبات**** تقصر يدين الضعيفيني
يا حفيظ يا شامخ الهامات**** شجاعتك ورث جديني
عزيت دين الله بحزات**** تشيب فيها الغلاميني
نصرت محمد عن الهزوات**** قوم الكفر والشياطيني
يا جعلهم هادم اللذات**** تاطا عليهم حذاييني
أكرمكم الله عن الهزوات**** جعل الكفر للسكاكيني
حشمت ربعك ولك وثبات**** فالطيب فقت الكثيريني
ربعك حزامك عن الصكات**** قوم اشكره من عريبيني
يا طيبهم حزت النكبات**** مثل الصخر والبراكيني
جمعت ربعك على الكرمات**** ما غيرتك الملاييني
لو اتمنا من المنيات**** والامنيه من يمنيني
انك عتيبي من الهيلات**** و الا من الربع الادنيني
حظ الدواسر رفيع الذات**** احفيظ حظ الحظيظيني
وعند الدواسر بدعت ابيات**** و احفيظ منهم يكفيني
وصلاة ربي عدد من بات****واعداد موتى وحييني
شعر منصور بن حمود بن عبدالله العتيبي

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصائد رثاء قيلت في الأمير دهمي بن فرحان ال جعيد (رحمه الله) راشد محمد المقابله :: قسم قصايد مدح وفخـر في الــدواسـر :: 12 23-01-2011 02:46 PM
الحمد الله على سلامة الشيخ فيصل بن محمد بن حفيظ من الحادث المروي فهد الغريري :: قسم مناسبات وأخــبار الـدواسـر :: 18 19-01-2011 12:46 AM
:: من قصائد الدندان :: بصوت لبنان بن عبدالله الرجباني عبدالكريم العماري قسم الصوتيات والمرئيات لقصائد شعراء قبيلة الدواسر 9 10-11-2010 02:55 AM
التغطية (المصورة) لمراسم إجراء الصلح بين قبيلة الشكرة الدواسر و أهالي الحريق الإداره :: قسم اللقــاءات والفعاليات والتغطيات الخاصة:: 17 07-11-2010 01:42 AM

 


الساعة الآن 11:48 AM


Powered by vBulletin® Copyright ©2000 - 2021, Jelsoft Enterprises Ltd.
---