من قديمي المتجدد

[معلومات العضو اخو بدوا]

مصافحه وتجديد عهد بعد غياب قسري

عفا الله عن قلب مـن أيامنـا مجـروح=زمانين مـاذاق الهنـا فيـه والراحـه
ألا ياحمـام الـورق عذبتنـي باالنـوح=نياحك يهـز القلـب ويسبـب نياحـه
أحاول زماني وانقفـل بابـه المفتـوح=وحاولت افكه وانكسـر فيـه مفتاحـه
سرى اللي يخيل البرق يوم البروق تلوح=على راس رجم مامعه غيـر مسباحـه
تذكر زمـان راح ذكـره يهـز الـروح=طراتـه وطيبـة ناسـه ولـذة مزاحـه
تراحم تواصل صفوة قلوب عذب مزوح=تكاتف على أتراحه تكاتف على افراحـه
ألاياسمي الذيـب قلـي وش المصلـوح=ورا وقتنا اللي فكـرة الغـرب تجتاحـه
تساوا به المذموم ياالذيـب والممـدوح=وناسه غدت مابين"خوخـه" وتفاحـه
ورا العولمه يمشون في جوها المفضوح=وشخص مشى معها فلاحصـل ارباحـه
خطاة الولد يجي مع العولمـه ويـروح=ورا غيها ما اسهـل مجيـه ومرواحـه
بدا جيل تفكيره مـن الذاكـره ممسـوح=يحيـرك تفكيـره ولايـبـذل كفـاحـه
تدرسنـي الايـام وآنـا بعيـد الشـوح=وعندي خبر مايمسـح الحبـر مساحـه
ياربى وأنا مؤمن فيما كتب فااللـوح=وعليك الفرج والوقت بيدينك اصلاحـه
وعفا الله عن قلب من أيامنـا مجـروح=زمانين مـاذاق الهنـا فيـه والراحـه

عبدالله راضي

 

 

 

 

[معلومات العضو عبدالله الحافر الغييثي]

صح لسانك واعتلى شانك ولايجيب الجزل الا الجزل
وجعلها اخر الانقطاعات عنا ياخو بدوا

 

 

 

 

[معلومات العضو مسفر جمعان الصفا]

بيض الله وجهك يا عبدالله


قصيدة من شاعر راقي


صح لسانك

 

 

 

 

[معلومات العضو خالد المشاويه]

صح لسانك واعتلا شانك

ومرحبا ومسهلا وان شا الله اخر الغيبات