من يهمه نسب هوامل مطير

[معلومات العضو إبن شامان]

بسم الله الرحمن الرحيم

الأخوان والمهتمين بنسب هوامل مطير وإلى من ينتسبون ؟

لقد قمت بطرح هذا الموضوع تحت سؤال عن الهومل ولكنني أعدة طرحه لأهميته

بموضوع مستقل.

أقول وبالله التوفيق :

أولاً/ نسب هوامل مطير :-

ينتسب هوامل مطير إلى الأمير الفارس /خضير بن شامان الهوامله.

ثانياً/ قصة نزوحهم إلى قبيلة مطير .

أنه في زمنٍ مضى حصلت مشكلة بين أفراد من آل خضير مع أبناء عمهم وقاموا بقتل

أحد أبناء عمهم لإنه قام بالتعرض لمحارمهم وعند ذلك نزح هؤلاء الأفراد الذين وقعت

منهم القضية وإستقروا مع قبيلة مطير لما لقوا من كرم الضيافة وحسن الإستقبال

حيث قال أحدهم عند نزوحهم لم أحفظ منها الا بيتين :

حنا هواملةٍ خضيرٍ جـــدنا =هواملةٍ من عد الرجال وكيد
راحت بنا من ديرأبوي وجدنا =يا علـــها بنارٍ تشب وقيد

ثالثاً/ وسم آل خضير الهوامله :

1)الرثمة على خشم الناقة -عام لقبيلة الهوامله- أما بعض آل خضير تركوا الرثمة

منذ مايقارب العشر سنوات أو تزيد؛

وذلك لإن الأمير / راشد بن رشيدان بن خضير حفظه الله كثيراً ما كان يجالس العلماء

وطلبة العلم .

وقد أفتاه العلامةسماحة الشيخ / عبد العزيز بن عبدالله بن باز رحمه الله بتحريم

الوسم في وجه الناقة وأوصاه بتقوى الله ؛ فقام بتركها وتركها بعض من هداه الله منهم.

2)الخذعة : وهي مطرق على الرقبة من اليمين .

3) الكاز : وهو معروف وعام للفرجان .

رابعاً / عزوة الهوامله :-

عزوتهم (خيال الحرشا وانا إبن حسن) وهي عامة لقبيلة آل حسن.

يقول الشاعر/ محمد بن محسن بن حشفل في قصيدة نشرت بجريدة الرياض لكن لا

أذكر العدد التي ذكرت بها هذه القصيدة.

وهي في سمو الأمير/ سعد بن محمد بن سعود الكبير

لكن ليعذرني سمو الأمير سعد بن محمد بن سعود الكبير سلمه الله

وليعذرني الأخ الشاعر/ محمد بن محسن بن حشفل وليعذرني كـــافة

إخواني القراء لأني لن أذكر كامل القصيدة ولكن سأذكر الشاهد منها يقول:

جاذبه مع طيب ساسه رعى الحرشا خضير=شيخ قومٍ بـينهم صـــــــار لـه قصة وفى
عقب مامحل وقتهم قام بالفعل الشهير=قسم إبله لآل حسنٍ ومعروفه ضفى
لين صارت عزوة اللي إلى صاح النذير=فالقفى يثنون لا من حصل وقفة قفى
إبلهم ترتع مع الصيد فالحد الخطير=هم جنبها صوب عشب الوسامي لازفى
فوق خيلٍ دربوها على نطح المغير=و للمغازي كم شكت هجنهم جور وحفى

وقد تطرق الشاعر / مسعود بن سعد بن مسعود المقابلة لهذه القصة والتي عبر عنها

في قصيدته المشهورة بالملحمة الدوسرية .

وفيمايلي الشاهد على هذه القصة من أبياتها :

ونعطـي عطايـاً مـاوراهـا مـنّـه=عطية سويقـي• عطـى المولـود
وخضير بن شامان راعى الحرشى= معطـي عطايـاً مالـهـن حــدود
اللي عطى فـي يومـه اميـة ناقـه=يـوم الرجـال يكـودهـا المـفـرود
عزوة حسـن مـن يومهـا لايومنـا = مانلحـق جـزال الفعـول جـحـود

للتوضيح /

خضير المذكور بالأبيات السابقة:هو الامير الفارس/خضير بن شامان رحمه الله

أمير الهوامله وكان من زعماء آل حسن ومن كبارهم .

سويقي المذكور بالأبيات هو: جد السويقات من الغييثات .




خامسأ / حبيت المشاركة بقصيدة حديثة لأحد كبار شعراء هوامل مطير :

قصيدة ترحيبية قالها الشاعر / فلاح العراك الهاملي ، وذلك بمناسبة الزيارة

التي قام بها آل خضير الهواملة للهوامل في مبايض إثر دعوة تلقوها

من الأمير/ نايف الحمر الهاملي والذي قام بإستقبال إخوانه بحفاوة وتكريم.

يامرحبا عداد وبـــل الغشــــــاني =من شاعرٍ يصخر بيوت ٍ نظايــف
حي الرجال اللي تعرف المعانـي =عند الحمر ريف المسايير نايــف
ذباح غير الحيل حشوٍ سمانــــي=وانا مأقول يقال بالعين شايـــف
نايف ضلوعه للخساير متانــــــي=مــن لابةٍ تاريخهم بالصحايـــــف
ون شانت الأيام ماقط شانــــــي=والـطيب مايوخذ بليــا كلايــــــف
يومٍ أبو نواف يمه دعانــــــــــــي=نجيــه لو دونــه نفود وحتايـــف
نبا نشوف اللي لنا من عوانــــي=قـدام يطـرّون الدواسر نكايــــــف
ونعم بهل الحرشا طوال اليماني=عند العشاير زاهيات السفايــــــف
يرعونها بالخوف من غير عانـــي=وحامينها من كل غارة وحايــــــــف
كم فارسٍ ساقه غدا مرهمانــي=من ضربهم يوم الشفايا نشايـــــف
واللي سمعت من القبايل كفاني=عن فعلهم يوم اصطفاق الطوايـــف
وحنـــا لنــا بالزايــديــة مكانـــي=حنا عيال خضير مروي الرهايـــف
وانا بني عمي ظهور السوانـي=زبن الدخيل اللي من الموت خايــف
ون صاح صياح الضحى بالبياني=والبل غدت قدم المغيرة خطايـــف
سيلات ون ركبو بنات الحصاني=ولحقو على قحص المهار العسايف
وارخوا لهن حبل الرسن والعناني=تفرح بهم شقح البكار الولايــــــف
وكم شيخ قومٍ طاح والليل دانــي=وحامن عليه مدورات العلايـــــــف
بين النفود وبين جو سعدانـــــي=واللي يبي منا الطمع راح عايــف
ولولاي أحاسب عندنا علم ثاني=يوم المغازي فوق هجن نحايــــف
وخليت كلٍ يسمعه بالأذاني=وكشفت عن كل الفعول اللفايف

وســــــــــــلامتــــــكم والمعــــذرة على الإطـــــــــــالة وشكراً لكم

أخوكم إبن شامان

 

 

 

 

[معلومات العضو العماني]

بيض الله وجهك يابن شامان على هذا الموضوع القيّم ونعم بالهوامله وبالهوامل

وانا عندي سؤال وهو قبل كم عام كان نزوح هوامل مطير .

تقبل تحياتي،،

 

 

 

 

[معلومات العضو إبن شامان]

المشاركة الأصلية كتبت بواسطة هايف العماني

بيض الله وجهك يابن شامان على هذا الموضوع القيّم ونعم بالهوامله وبالهوامل

وانا عندي سؤال وهو قبل كم عام كان نزوح هوامل مطير .

تقبل تحياتي،،

الله يحييك ياخوي هايف ومشكور على الإطراء

وهذا حق وواجب

أما عن سؤالك الكريم فأعدك أنني سأجيب عليه بعد ما أتقصى عن الموضوع

تحياتي وتقديري أخوك / إبن شامان

 

 

 

 

[معلومات العضو شامان]

لاهنت اخوي ابن شامان


كتبت وجتهد فابدعت


والله لا يهينك على الشرح الذي اوفيت فيه


واشكرك على هذا التميز في الطرح


اخوووووووووووووك



شــــــامــــــــان

 

 

 

 

[معلومات العضو إبن شامان]

المشاركة الأصلية كتبت بواسطة شامان

لاهنت اخوي ابن شامان


كتبت وجتهد فابدعت


والله لا يهينك على الشرح الذي اوفيت فيه


واشكرك على هذا التميز في الطرح


اخوووووووووووووك


شــــــامــــــــان

[align=center]

	الأخ شامان الله يحييك ولقد سعدت بهذا الإطراء وهذا حق وواجب وأشكرك على هذه الزيارة وإعطائنا من وقتك الثمين لقراءة الموضوع أخوك إبن شامان

	[/align

]

 

 

 

 

[معلومات العضو فهد الغريري]

السلام عليكم ورحمة الله وبركاته

الاخ الفاضل والكاتب المميز " إبن شامان"

اررررررحب تراحيب المطر

جعل يمناك مايجها العطب يانسل الاحرار على هذى التوثيق

وهذى الشي لا يستغرب من امثالك جعل حياتك سعاده على طاعة الرحمن.

توثيق وتنسيق واسلوب راقي راقي راقي وهذى يدل علو كعبك في اختيار المواضيع.

وهذى الشي لا يستغرب من هل الطيب شرواك الي يقول فيهم الشاعر.

الطيب لا يستغربه من هل الطيـب=اللي لهم بالطيـب موقـف وخبـره

نحن بنتظار مواضيعك القيمه اخي العزيز.

وتقبل مني فائق التقدير والاحترام والاعجاب في قلمك النير

اخوك / فهد الغريري,,

 

 

 

 

[معلومات العضو إبن شامان]

	وعليكم السلام ورحمة الله وبركاته الأخ العزيز/ فهد الغريري سلمك الله تسلم وتبقى للشرف رافع الراس كما يسرني مرورك الكريم وكم سعدت بمشاركتك ووقتك لقرائة الموضوع في الحقيقة ياخوي فهد أشكرك على الإطراء فهذي شهادة أفتخر بها وما عليك زود وماكتبته هو الواجب الذي تمليه علينا الحمية لأفعال الدواسر التي لم ترى النور أو أنها ظهرت تحت نورٍ خافت؛ يقول الشاعر/ فجحان الفراوي: قالوا : تدوج . وقلت : لو دجت وش عاد=إمدله نفسي بوسط الجماعه مالي غرض مير أشتهي هرج الأجواد=يدله بهم قلبي عن الهم ساعه

 

 

 

 

[معلومات العضو الدوسري هديان]

ابن شامان ما شاء تبارك الله عسى الله يبارك فيك وفي مجهودك

والله لا يهنك على ازالت بعض القبش في هذى الموضوع

 

 

 

 

[معلومات العضو المحايد المستقل]

مشكور ياابن شامان وياليت العبدلي اللي ينكر الدواسر الهواملة اللي مع مطير يقرا هالموضوع وهالقصيدة المعبرة فعلا,,,,,,,,,,,,,,,,,,,,,,, وبورك مسعااااااااااااااااك اخي الكريم

 

 

 

 

[معلومات العضو إبن شامان]

المشاركة الأصلية كتبت بواسطة الدوسري هديان

ابن شامان ما شاء تبارك الله عسى الله يبارك فيك وفي مجهودك

والله لا يهنك على ازالت بعض القبش في هذى الموضوع

	أخوي /هديان الدوسري أشكر لك مشاركتك وهذه شهادة أعتز بها أما عن توضيح الأمور فهذا واجب ولاهنت على المشاركة

 

 

 

 

[معلومات العضو إبن شامان]

المشاركة الأصلية كتبت بواسطة المحايد المستقل

مشكور ياابن شامان وياليت العبدلي اللي ينكر الدواسر الهواملة اللي مع مطير يقرا هالموضوع وهالقصيدة المعبرة فعلا,,,,,,,,,,,,,,,,,,,,,,, وبورك مسعااااااااااااااااك اخي الكريم

	الأخ العزيز / المحايد المستقل أشكر لك تعقيبك على الموضوع أما عن الأخ العبدلي فهو طرح وجهة نظره الشخصية فالإختلاف لا يفسد للود قضية وإن رأيه يد على طيب هوامل مطير لانه متمسك بهم وتقبل تقديري وإحترامي أخوك/ إبن شامان

 

 

 

 

[معلومات العضو المحايد المستقل]

صدقت ياابن شامان والله وطيب هواملة مطير من طيب اصلهم الاول والله يحفظك يالغالي

 

 

 

 

[معلومات العضو الهاملي]

السلام عليكم و رحمة الله و بركاته

شحالكم يا دواسر

جميل هذا الموضوع كثر الله خيركم

ما قصرت يا بن شامان

المحايد المستقل معلوماتك جميلة

 

 

 

 

[معلومات العضو نمر بن الأشيب]

وحنـا لنـا بالزايديـة مكـانـي=حنا عيال خضير مروي الرهايـف
وانا بني عمي ظهـور السوانـي=زبن الدخيل اللي من الموت خايف

بيض الله وجهك يا ابن شامان على هذا الموضوع والمعلومات القيمة والتاريخية
كفو والله بخيالة الحرشا وبني عمهم ظهور السواني

___________

 

 

 

 

[معلومات العضو إبن شامان]

المشاركة الأصلية كتبت بواسطة المحايد المستقل

صدقت ياابن شامان والله وطيب هواملة مطير من طيب اصلهم الاول والله يحفظك يالغالي

	ماعليك زود ولا على الطيبين أمثالك ومشكور على المتابعة ياخوي /المحايد المستقل تقبل تحياتي/ أخوك إبن شامان