قصة بنت كانت تطالع واحد بعين قويه - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم قصــه و قـصيــده ::

إضافة رد
انشر الموضوع
 
أدوات الموضوع انواع عرض الموضوع
قديم 07-09-2010, 06:54 AM   #1
 
إحصائية العضو







مبارك ال بريك غير متصل

مبارك ال بريك is on a distinguished road


:e-e-7-: قصة بنت كانت تطالع واحد بعين قويه

قصة بنت تطالع


واحد بعين قويه






المهم الرجال طلع شاعر



وما قصر فيها كم بيت عشان تتأدب




لكن المفاجأه هي ؟؟؟؟







وش صار؟؟


وش صار ؟؟




تابع القصيدة


ماراح تمل؟
تابع للأخير




يقول:





كل شبر بهالوسيعـه ملـك ربـي تعلميـن






وأعلم إن اللي خلقني هو خلق لـك هالعيـون



لكن انتي من جلستي وانتـي فينـي تحدقيـن


كن ما به ناس غيري بهالكراسـي يجلسـون


لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون


ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون


الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون



تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون



وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون



مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون



وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون



وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون



بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون



ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون



وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون



إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون



لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون



آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون



يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

 

 

 

 

 

 

التوقيع

اللـــه واكبروستغفرالله العظيم

    

رد مع اقتباس
قديم 07-09-2010, 07:13 AM   #2
 
إحصائية العضو








نسناس الهوى غير متصل

نسناس الهوى is on a distinguished road


افتراضي رد: قصة بنت كانت تطالع واحد بعين قويه

يالطـــــــــيف؟؟



سبحان الله..


يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟


لاهنت اخوي ع طرحك..

 

 

 

 

    

رد مع اقتباس
قديم 07-09-2010, 08:53 AM   #3
 
إحصائية العضو







صملول الدوسري غير متصل

صملول الدوسري is on a distinguished road


افتراضي رد: قصة بنت كانت تطالع واحد بعين قويه

بس وش لي في حلاتك دام فيها ترخصين
الله قصيده جزله وجميل
بس خوينا ضاع وجهه بعد مادربها
وعلى ماقيل لاتطيح وتعرقل شاعر
لا هنت وعطيك العافيه

 

 

 

 

 

 

من مواضيع: صملول الدوسري

التوقيع

قلبي كما طير تتله سبوقه*****متبرقع راسه على كف راعيه
يبي المطير وفي عوق يعوقه****معق(ن)ول بعيد عن مغانيه

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 10:48 AM


Powered by vBulletin® Copyright ©2000 - 2022, Jelsoft Enterprises Ltd.
---