الشاعر سعد بن سالم بن سويحل الخضران الدوسري

[معلومات العضو سعد بن سويحل الخضران]

المشاركة الأصلية كتبت بواسطة حفيد الأمراء

(النقد يقبل والنقاش الا كان في محله ومن شاعرً يعرف العباره ومتمكن فالنقد المقبول لأن الشاعر بشر يخطي ويصيب)


أبن سويحل شاعرنا العزيز

وأبن عمنا الغالي

صدقت

وعزالله جاوبت جواب شافي

وبعض الأبيات تلحن بلحن لايعرفه إلا المتعمق في الشعر

حتى ان الشاعر

احمد الناصر

والشاعر اللويحاني

قد سلك كلاً منهما لحناً جديداً في ساحة الشعر

حتى إنني في يوم من الأيام قد حضرت أحد عرضات الدواسر

وأتى احد الشعار لكي يشيل ويلحن قصيدة لأحد الشعار المتعمقين

فلم يقدر وحاول مراراً وتكرراً

وبعده بقليل أتى الشاعر المتعمق صاحب القصيدة ولحنها وشالها بسهوله

وليعلم الكل

أن بعض الأبيات لابد ان تسكن اوتشدد او تنون وغيرها

فلايحكم ولاينتقد البيت بسرعه

فلابدى من التروي وعدم العجلة

إلا إذا أطلع عليها أحد الشعراء المعروفين في ساحة الشعر

وحكم عليها بالكسر

ولو طال الجدال وسلمنا جدلاً بكلامكم

في بعض أبيات هذه القصيدة او في غيرها

فالشاعر والأعلامي الحميدي الحربي

فد قال في أحد القنوات المشهوره

الرجل الذي يأتي ببيتاً من الشعر

نسميه (شاعر )ولو كسر الأبيات الأخرى

ولي أبن سويحل الشكر كل الشكر

على هذه القصيدة الجزلة

وعلى مواقفه وردوده المشرفة عن أبناء عمومته أبناء الدواسر

الم تسمعوا قصيدته المشهورة مع شاعر سبيع

(دسمان السبيعي)

حينما أمتدح الدواسر

وأخيراً دمت لن شاعراً فحلا

يااباسلطان

وهذه وجهة نظري ولكلاً وجهة نظر

والسلام

شكرا ياحفيد الأمراء

أنت الحفيد اللي له الطيب موروث = حزام جد أبوك وأسمك حفيده

ومهما قلنا في حزام وأسرته أنه لايوفي حقه بمواقفه المشرفه الذي فخر لبني عمه رحمه الله وأبقئ الحيين ذخرً وفخر لـبـنـي عمهم ومانقول الا مثل ماقال الشاعر محمد الخس

بعد ماتوفى اللي مضا يكفي الغياب = عن الأسره الأموات يكفيك حاضرها
يجي دايم الطيب من النسل والجذاب = صحيح الحرار النادره من مواكرها

وهذي أبيات من قصيدة الشاعر دسمان بن مناحي السبيعي في مناسبه معروفه لدى الجميع ..

يازين فعلً(ن) يالدواسر فعلتوه = فعلً(ن) سبقتو فيه كل القبايل
حتى لو أن الناس بعدين سووه =أنتو هله من قبل وأنتو الاوايل
قلتو كلامً(ن) للضيوف وحميتوه = وعاداتكم بالضيف كسب الجمايل

وهاذي مجاراتي عن الدواسر رد ثنا لدسمان السبيعي في قصيدته الجزله في القبيله

قاف السبيعي يالدواسر قريتوه = ردو على دسمان جزل المثايل
ياكاتبن خطي لدسمان ودوه = يستاهل البيضا صبي الصمايل
من جا الدواسر يبيض الوجه عزوه = يرتاح مايشكي هموم وملايل

وهاذا ما أستطعنا أيراده لأن حفيد الأمراء أستشهد بقصيدة دسمان السبيعي

وهي موثقه في ديوان ((المدون من قصص الدواسر ))
جمع وأعداد الأخ الفاضل : مسفر بن محمد الشرافي

وسوف تنزل القصيدتين في المنتدى عن قريب انشاءالله ..
وتقبلو تحياتي ,,,