يضرب عدم

[معلومات العضو يحيى الودعاني]

	بسم الله الرحمن الرحيم يضرب عدم هذه القصيدة للأمير الشاعر خالد بن أحمد السديري البدراني الدوسري ، في طيره مصروع الذي ضاع في أحد رحلات المقناص في شمال المملكة حينما كان رحمه الله أميراً في منطقة تبوك : ما ابيك يا دسٍ غدا منك مصروع = حتى الصقاره عفتها عقب ما ضاع النادر اللي شوفته تطرد الجوع = أصغر مضاريبه عطيبات ووساع لعل وادي دوقره ما به اقشوع = ولا عاد ينزل به من البدو نجاع والحرة السودا تواسا مع القرع = وقرع يحول من فروعه على القاع من كاين ياخذ على الحره اسبوع = يخفي معالمها وحتى الحصا ماع ليا بدر الوسمي هماليل ونزوع = لعل مالك من عشاياه مرباع حيثه غدا بك صافي ما به اردوع = أنتي سبايب ضيعته يم الاوجاع اقفا يضف الريش تقول مليوع = أصيح وارمى اللوح لاشك ما طاع يضرب عدم ما هوب يطرد من الجوع = الريح صلفه وابرق الريش مرتاع هذا العديم اللي يحط الصعب طوع = الموت يقدح من حجاجه إلى فاع طب الخطر حره شخانيب وصدوع = وجينا نبي دربه ولا في مقطاع مجلة الإبل العربية

 

 

 

 

[معلومات العضو ابو زيد الغييثي]

يشرفني


ان اكون اول من يرد


بيض الله وجهك

وياجعل يمناك مايجيها العطب


تقبل تحياتي

ابو زيد

 

 

 

 

[معلومات العضو الخيلاء الدواسر]

بيض الله وجهك على نقل الجيد يايحيى الودعاني ورحيم الله الامير رحمه واسعه

 

 

 

 

[معلومات العضو عبدالكريم البليهي]

لاهنت يالقرم على النقل لهذه القصيده الجزله للمرحوم ان شأالله خالد اسديري وتقبل الأحترام والموده والسلام

 

 

 

 

[معلومات العضو عابد]

جزاك الله خير على هالمشاركة الطيبة...........

 

 

 

 

[معلومات العضو يحيى الودعاني]

ابو زيد الغييثي
الخيلاء الدواسر
عبدالكريم البليهي
عابد



بيض الله وجيهكم ولا هنتوا على المرور

 

 

 

 

[معلومات العضو بدران البدراني]

بيض الله وجهك على نقل قصيده الجزله يايحيى الودعاني ورحم الله الامير خالد رحمه واسعه

 

 

 

 

[معلومات العضو يحيى الودعاني]

بدران آل حنيحن
ووجهك يالقرم