حجرف الذويبي والداب الاسود

[معلومات العضو النجم الهاوي]

اسيكم بالخير جميع ،،، حي الله كلن باسمه

هذه قصةالشيخ حجرف الذويبي شيخ بني عمرو من حرب .

مشهور بالشجاعة والكرم وذبح الغنم والبل للضيوف اذا نزلوا عنده بالقيظ .

وكان من عادة البدو انهم ما يخلون بيت الشيخ ناقص . فاذا صابتهم سنة محل يجمعون للشيخ الابل والغنم اذا احتاج لها . لان الشيخ هو رمز القبيله وسمعتها من سمعة الشيخ .


المهم , سنه من السنين كانت قاسيه عليهم واعدم الشيخ جميع ما عنده , وقررت القبيله الرحيل عن هالمنزل وترك حجرف وفي زعمهم ان يرجعو عليه ابل يشيل عليها , لعله يترك ذبح الابل وإفناء ماعنده.

بس الطبع يغلب التطبع.

الوكاد امرح هاكالليلة هو ومرته بديارهم وهي تلومه وتقول له: ربعك تركوك وتخلو عنك , وليه ما تحفظ مالك لليوم الاسود.

ما رد على مرته لانه متوكل على الله .

زبدة الكلام انه كان يمشي بهالبران ولقا له شجره .............

وقف يناظر لها ...... والا هاكا الداب الاسود الي طلع من وسط الشجرة....... اخذ شوي والا .... بجيت هاكاالطير وهو يوقع على الداب يحسبه من اغصان الشجره ...والله وهو ياكله انت يالداب.

ومره ثانيه بالمساء صار مثل ما صار بالاول طلع الداب وجا طير(ن) ثاني ونفس الشي اكله الداب.
والذويبي يشوف وعرف ان هذا رزق لهاالداب العمى وقال: اللي يرزق ها الداب العمى ما هو مخليني.

بعد فتره ورد الذويبي على الماء الي حواليه والا .............. يلقى عند الماء

ابل ضايعة فيها خلفات وزمل , فاسقاها واخذها ولحق بربعه وجماعته وقال هالابيات


يقول ابن عياد وان بات ليله *** مانيب مسكين همومه تشايله

انا لي ضاقت علي تفرجت *** يرزقني اللي ما تعد فضايله

يرزقني رزاق الحيايا بجحرها*** لاخايلت برق ولا هيب حايله

ترى رزق غيري يا ملا ما ينولني*** ورزقي يجي لو كل حي يحايله

جميع ما حشنا ندور به الثنا *** وما راح منا عاضنا الله بدايله

نوب نحوش الفود من ديرة العدا *** ونخزز اللي ذاهبات عدايله

خز بالايدي ما دفعنا به الثمن *** ثمنها الدمي بمطارد الخيل سايله

مع لابة فرسان ننطح به العدا *** كم طامع جانا غنمنا زمايله

نكسب بهم عز وننزل بهم الخطر*** ولاهيب من قفر رعينا مسايله

 

 

 

 

[معلومات العضو العماني]

لاهنت اخوي النجم على القصة والقصيدة الجميلة والتي تبين ان مابه ضيق الا بعده فرج

تقبل تحياتي،،

 

 

 

 

[معلومات العضو النجم الهاوي]

ارحب يالعمااااااااااااااااني


زاد متصفحي تشريف في وجودك يالعماااااااااني


جعلني والله ماخلى منك


لاهنت على الحضوووور الطيب


تحياااااااااتي


النجم الهاوي

 

 

 

 

[معلومات العضو قرناس الدواسر]

للرفع..

 

 

 

 

[معلومات العضو أبونواف الدوسري]

لاهنت يا النجم الهاوي علي هذه القصه والقصيده

تقبل ودي وتقديري

 

 

 

 

[معلومات العضو مبارك الخييلي]

لاهنت اخوي النجم على القصة والقصيدة
تقبل شكري وتقديري
ومشكور علي الموضوع
تقبل الحيه مني
مبارك الخييلي

 

 

 

 

[معلومات العضو نايف الخييلي]

النـــجم الهاوي


الله يعافيــكـ على إبداعاك بإرادك للقــصه المشهوره للشيخ حجرف الذويبي

يقول ابن عياد وان بات ليله **=* مانيب مسكين همومه تشايله
انا لي ضاقت علي تفرجت *=** يرزقني اللي ما تعدد فضايله
يرزقني رزاق الهوايش بجحرها*=** لاخايلت برق ولا هيب حايله
ترى رزق غيري يا ملا ما ينولني*=** ورزقي يجي لو كل حي يحايله
جميع ما حشنا ندور به الثنا **=* وما راح منا عاضنا الله بدايله
نوب نحوش الفود من ديرة العدا =** ونخزز اللي ذاهبات عدايله
خز بالايدي ما دفعنا به الثمن *=** ثمنها الدمي بمطارد الخيل سايله
مع لابة فرسان ننطح به العدا **=* كم طامع جانا غنمنا زمايله
نكسب بهم عز وننزل بهم الخطر**=* ولاهيب من قفر رعينا مسايله

 

 

 

 

[معلومات العضو مبارك الخييلي]

لاهنت النجم الهاوي
بيض الله وجهك
تقبل الشكر والتقدير

مبارك الخييلي

 

 

 

 

[معلومات العضو عبدالرحمن الشرافي]

يــالنجم الهاوي


اررررررررررررحب


وافتقدناك يالقرم هالايـــام

عسى المانع خيـــــــــــــــــــــــــــــر؟


والله يعطيك العافية على نقل هذه السال والقصيدة الشهيرة



تحياتي وتقديري

 

 

 

 

[معلومات العضو سعـد بن الأشيب]

لاهنت يا النجم الهاوي علي هذه القصه والقصيده


وتـــــقبل ودي وحتــــــــــرامـــــــــــي :::::::::