طيب الفال

**معلومات** **العضو** · 21-08-2007, 05:19 AM

السلام عليكم ورحمة الله وبركاته ... كيفكم ياعزوتي ان شاء الله بخير دايم .

قبل ثلاثة شهور كنت في سفر مع العائلة وأثناء خروجي من احدى المدن السعودية أخطأت الطريق المؤدية الى السريع لقلة الأرشادات الوصفية فأردت الرجوع من حيث أتيت وكان في الطريق حفريات لاترى ليلا ولأنه وقت خروجي من هذه المدينه سقطت احدى عجلات السيارة في حفرة ، ولم يمضي وقت حتى أتى رجل قادما من مزرعته فسلم علي وفعل مايفعله الرجال في مثل موقفه وزياده حيث أهداني مماجلبه من خيرات مزرعته ، وذلك الرجل يدعى ممدوح بن عبدالعزيز الحربي . وبعدما مشيت 250كم أرسلت اليه هذه الابيات القليلة في حقه ، لكنها كانت أسرع مايبين مما أكنه له .

لا والله الا طيب الفال ممدوح = جانا وحنا ناشبين بمطبه
تعطل الموتر ولامنه مصلوح = في ديرة الحربي عديم المسبه
حول علينا يبدي فزعات ونصوح = حيثه سناد والرزايا يكبه
رجل عديم نقوةرجال مفلوح = هومنوةمن شين البلايا نشبه
الله يعرفه عالم الغيب والروح = لكن يبين الرجل موقف يطبه
ورجل مثل ممدوح ماعوقه مدوح = ومن بان بالعليافالعلياعرف به
وماازين فعل ممدوح وكبره على الروح = يومه يجي للدوسري في مطبه
يا لله تبعد عنه ماغير مملوح = وترسل اليه الخير ويضا المحبه

**معلومات** **العضو** · 21-08-2007, 06:14 AM

صح الله لسان واعتلا شانك يا ابومطوع وكفووووو والله بحربي

يستاهل هل قصيدة واشكرك وننتظر جديدك جعلك تحيى

اخوك وابن عمك/محسن بن راشد الغريري الدوسري

**معلومات** **العضو** · 21-08-2007, 08:19 AM

صح بدنك يالذيب ، وانت الكفوللشكر والتقدير . وماننحرم من وصلك يابن العم .

**معلومات** **العضو** · 28-08-2007, 07:13 PM

كفو والله بك يابن العم وبلحربي ونعم القبيله حرب ويستاهل هل القصيده تقبل مروري وانتظر جديدك

اخوك /سيف بن فهد ال بريك الحمودي

**معلومات** **العضو** · 29-08-2007, 06:15 AM

مشكور ياسيف بن فهد ومرورك عزيز وابشر باللي تامر به .

**معلومات** **العضو** · 10-09-2007, 10:41 PM

ابن المطوع

صـــح لسانك على هالأبيات وقصيده رائعه . ويستاهل الحربي المدح وبيض الله وجهه

لا والله الا طيـب الـفـال مـمـدوح=جـانـا وحـنـا ناشبـيـن بمطـبـه
تعطـل الموتـر ولامنـه مصـلـوح=فـي ديـرة الحربـي عديـم المسبـه
حول علينا يبـدي فزعـات ونصـوح=حيـثـه سـنـاد والـرزايـا يكـبـه
رجـل عديـم نقـوةرجـال مفـلـوح=هومنوةمـن شيـن البـلايـا نشـبـه
الله يعرفـه عالـم الغيـب والــروح=لكـن يبيـن الرجـل موقـف يطبـه
ورجل مثل ممـدوح ماعوقـه مـدوح=ومـن بـان بالعليا فالعلياعـرف بــه
وماازين فعل ممدوح وكبره على الروح=يومـه يجـي للدوسـري فـي مطبـه
يـا لله تبعـد عنـه ماغيـر مملـوح=وترسل اليـه الخيـر ويضـا المحبـه

**معلومات** **العضو** · 10-09-2007, 10:47 PM

يا لله تبعد عنه ماغير مملوح = وترسل اليه الخير ويضا المحب

اللهم أمين ...ويستاهل المدح ممدوح الحربي

صح لسانك علي هذه القصيده

**معلومات** **العضو** · 10-09-2007, 11:22 PM

صح لسانك.......

**معلومات** **العضو** · 13-09-2007, 09:24 PM

الأخ الكريم / نايف الخييلي صح بدنك ولاهنت وانا سعيد بمرورك وشاكرلك ، ومثلك عزيز .

العم / ابو نواف صح بدنك ، وتواصلك من علامات المنتدى الجميلة وكثر الله من أمثالك .

الأخت / بنت الأشراف صح بدنك ومشكورة على المرور العزيز .

**معلومات** **العضو** · 13-09-2007, 11:35 PM

**معلومات** **العضو** · 14-09-2007, 08:46 PM

صح بدنك الأمبراطور ومشكور على المرور . مرورك غالي .

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية